Kơxê lơ 16/2, a Hngêi Kuô̆k hô̆i, pôa Trần Thanh Mẫn, kăn xiâm phŏ hnê ngăn Kuô̆k hô̆i pơkuâ po rôh hôp tơbleăng mâu tơdroăng cheăng Tơkŭm po tơbâ 80 hơnăm hâi tâ phĭu pôk kăn Kuô̆k hô̆i Việt Nam rôh apoăng (06/01/1946 – 06/01/2026). 

Pôa Trần Thanh Mẫn, kăn xiâm phŏ hnê ngăn Kuô̆k hô̆i pơkâ thế tơdroăng ki tơkŭm po mơnê nhoăm, kơdĭng, bro tơdroăng ki hơniâp ro tung lâp tơnêi têa. Ƀă ki pơxúa khât mê, tơdroăng ki tơkŭm po tơbâ kal châ tơbleăng ƀă mâu tơdroăng ki tơkŭm po hên, ai tơdroăng ki xiâm, ki kal; tơtro ƀă mâu tơdroăng tơbâ mâu hâi leh kân tung hơnăm; rak tơniăn mâu tơdroăng pơkâ thế ai pơxuá, tơniăn, kơdĭng, tơƀrê, bro chiâng tơdroăng ki hơniâp ro tung lâp tơnêi têa.

Pôa Trần Thanh Mẫn pơchân tơkŭm hbrâ pêi pro tro Leh mitting tơbâ 80 hơnăm Kuô̆k hô̆i Việt Nam. Tơdrêng amê hlối tơbleăng tơdroăng tơ’noăng mơjiâng koh tơdah 80 hơnăm Kuô̆k hô̆i Việt Nam.