A roh tơpui tơno cheăng kâ râ Ngế pro xiâm hnê ngăn tơnêi têa Việt Nam – Hàn Quốc roh má péa nếo tơkŭm po a Hà Nội, xua pôa Lê Minh Khái, Ngế pro xiâm hnê ngăn Chin phuh Việt Nam ƀă Ngế pro xiâm phŏ hnê ngăn tơnêi têa Hàn Quốc - pôa Kyungho Choo rơtế pơkuâ, péa pâ hiăng môi tuăn thăm tơrŭm mơ’no liăn cheăng – tê mơdró pơla péa tơnêi têa tung la ngiâ.

Nôkố, Hàn Quốc pơtối rak tíu ối má môi ‘na mơ’no liăn cheăng tơdrêng (kơxô̆ liăn kĭ mơ’no châ 81,3 rơtal dollars); ối má péa ‘na tơrŭm cheăng mơnhông mơdêk (3,75 dollars), ôm hyô ƀă pêi cheăng; ối má pái ‘na tơrŭm cheăng tê mơdró (châ 86,4 rơtal dollars hơnăm 2022). Péa tơnêi têa môi tuăn thăm tơrŭm cheăng châ tơƀrê tung kơvâ tŏng kum mơnhông păng ‘nâng pơla Chin phuh Hàn Quốc ƀă Chin phuh Việt Nam ing tơdroăng xúa châ tơƀrê mâu tơdroăng tơkêa bro tŏng kum ôh tá xo tơvêh, xúa kơxô̆ liăn ODA Hàn Quốc ing kơxô̆ liăn kơdĭng EDCF ƀă kơxô̆ liăn kơdĭng EDPF.