A khế 7, khế 8 rêm hơnăm, ai drêng kong mêi đi đo vâ chê 20 hâi, mơhé ôh tá tro lân laga troăng kân môi tiah hiăng tro luô têa chiâng trâm tơdroăng tơ’nhê pro ôh tá tơniăn. Tung rơnó mêi têa kân lân lu hơnăm kố, kơvâ ngăn ‘na troăng prôk Dak Nông hiăng hbrâ rơnêu mâu troăng vâ hbrâ ví kong prâi pro ôh tá tơniăn ƀă tơdroăng pêi “4 tơdrêng’’, tơdrêng amê tơrŭm ƀă khu râ kăn pơkuâ mâu tơring tơbleăng tối, séa ngăn tơdroăng gu tơbăng lĕm tơnêi drô mâu troăng kân, ki rơhêng vâ tối troăng mơ’no têa vâ hbrâ ví tơdroăng têa lân lu, tơhnah tơhnâp.

Pôa Hà Sỹ Sơn - Kăn phŏ ngăn troăng prôk ƀă rơxế kơtâu kong pơlê Dak Nông tối ăm ‘nâi, nôkố mâu khu cheăng thế đi đo séa ngăn troăng kân, teăm tơdrêng châ hlo, rơnêu mâu tíu ki tơ’nhê vâ rak tơniăn ăm troăng klông.