Tung 3 rôh klâk têa pro 6 ngế hlâ ai 2 rôh klâk têa a pơlê kong kơdrâm Kon Tum pro 3 ngế vâi hdrêng hlâ ƀă 1 rôh klâk têa a cheăm Hơ Moong, tơring Sa Thầy, tơring Sa Thầy pro 1 ngế ki kân ƀă 2 ngế hdrêng hlâ. Rôh klâk têa ki a chê kố cho a hâi lơ 15/8/2024 a thôn 5, cheăm Đoàn Kết, pơlê kong kơdrâm Kon Tum pro 2 ngế hdrêng hlâ. Tung pơla rôh ki tối a kơpêng ai 3 ngế muăn: Y La (17 hơnăm); Y Luyẽn (16 hơnăm) ƀă Y Lơi (14 hơnăm) rơtế ối a thôn Kon Rờ Bàng 1, cheăm Vinh Quang, pơlê kong kơdrâm Kon Tum lăm pui báu a kơpong klâng thôn 5, cheăm Đoàn Kết.

Tung pơla 3 ngế muăn dế jếo báu a kơpong rơchoâ tê tôh kơphế dêi rơpŏng pôa Đặng Châu Phong mê 2 ngế muăn Y La ƀă Y Luyẽn hliâk chiâng klêh tung rơchoâ, klâk têa hlối hlâ. Rơtế ƀă tơdroăng kipơtroh khu ki veăng tí tăng, tŏng xo, kăn pơkuâ, đoàn theh cheăm tíu ki ai mâu rôh klâk têa tơkŭm pôu kơ-êng, mơhnhôk rơpŏng hngêi ai ngế trâm xía vâ. Tơdrêng amê hlối thăm mơdêk hnoăng cheăng hnê tối, tối tơbleăng ‘na ki mơni kô tro klâk têa nếo tung la ngiâ a cheăm tơring.