Tung tơdroăng ki tơ’noăng hơniâp ro dêi vâi kơdrâi tung lâp tơnêi têa koh tơbâ 1983 hơnăm hâi xông tơplâ dêi jâ Hai Bà Trưng, 113 hơnăm hâi vâi kơdrâi lâp plâi tơnêi lơ 8/3, kơxo lơ 8/3, a Khu xiâm pơkuâ ngăn lêng, Khu vâi kơdrâi cheăng tung Khu lêng tơkŭm po leh tơbâ 30 hơnăm hâi mơjiâng vâi kơdrâi Khu lêng, Khu ngăn vai kơdrâi Khu lêng ƀă tơdah xo Me dái Rak vế Tơnêi têa ối má Péa.

Thươ̆ng tươ̆ng Nguyễn Trọng Nghĩa, Ngế xiâm pơkuâ pơtâng tối tơdroăng kal Tơnêi têa troh veăng hôp ƀă pơkuâ po rôh leh. Tơpui a rôh Leh tơbâ, Thươ̆ng tươ̆ng Lê Huy Vịnh, ngế xiâm phŏ pơkuâ ngăn lêng teăng mâ Khu pơkuâ ngăn đảng lêng Tơnêi têa, Kăn pơkuâ Khu xiâm pơkuâ ngăn lêng tối nhên mâu hơnăm la ngiâ, hơniâp lĕm, tơrŭm ƀă mơnhông mơdêk xuân cho tơdroăng ki kal kân, la tơdroăng cheăng lâp plâi tơnêi ƀă tung kơpong hlo pơ’lêh rĕng, ôh tá tơniăn xơpá vâ ‘nâi hdrối.

Thươ̆ng tươ̆ng Lê Huy Vịnh ăm ‘nâi, tơdroăng mê pơkâ mơ’no mâu tơdroăng ki pơkâ thế rế hía rế kal ƀă hnoăng cheăng mơjiâng Khu lêng, ‘mâi mơnhông tơdroăng gâk kring ƀă rak vế Tơnêi têa.