Rôh kơ-êng ƀă tiâ tơdroăng kơ-êng po sap kơxo kố hâi lơ 21/8 ta troh tâi kơxo ah lơ 22/8. Tung kơxo kố, klêi pôa Trần Thanh Mẫn, Kăn xiâm hnê ngăn Kuô̆k hô̆i tơbleăng pơxiâm hôp kơ-êng tiâ, pôa Bùi Văn Cường, Ngế chêh tôm xo rơkong Kuô̆k hô̆i, Ngế pơkuâ Ƀơrô Kuô̆k hô̆i  tơbleăng mâu tơdroăng tối tơbleăng tơkŭm tâi tâng mâu tơdroăng kal dêi Hô̆i đong Kuăn ngo, mâu Vi ƀan dêi Kuô̆k hô̆i, tối tơbleăng hnê tối dêi Khu ngăn kuăn pơlê púi vâ ‘na tơdroăng pêi pro mâu pơkâ dêi Vi ƀan pơkuâ Kuô̆k hô̆i ‘na séa ngăn chuyên đê ƀă kơ-êng tiâ ing apoăng hneăng cheăng Kuô̆k hô̆i hneăng 15 troh tâi hơnăm 2023.

Klêi mê, mâu kăn Kuô̆k hô̆i kô kơ-êng mâu Ngế xiâm, mâu Ngế pơkuâ kơvâ cheăng ‘na tơdroăng pêi pro mâu pơkâ dêi Vi ƀan pơkuâ cheăng Kuô̆k hô̆i ‘na séa ngăn chuyên đê ƀă kơ-êng tiâ sap apoăng hneăng hôp Kuô̆k hô̆i hneăng 15 troh tâi hơnăm 2023 ƀă khu tơdroăng cheăng ki má môi, mê cho mâu kơvâ; pêi chiâk deăng ƀă mơnhông thôn pơlê; tê mơdró; mơhno túa lĕm tro, tơ’noăng ivá ƀă ôm hyô.