Pơtối tơdroăng dêi rôh hôp má 21, kơxo hâi lơ 16/3, Vi ƀan pơkuâ cheăng Kuô̆k hô̆i ăm veăng hnê tối ‘na tơdroăng tơkêa Luât Rak ngăn, kring vế tơmeăm khoăng lêng ƀă kơpong cheăng lêng. Hlá mơ-éa Luât ai 6 chương, 33 tơdroăng châ mơjiâng ing 4 khu luât pơkâ tŏng kum. Tung mê, pê klêi pơkâ ‘na tơdroăng rak ngăn, ‘nâi nhên tơdroăng kring vế tơmeăm khoăng pơtroh ăm khu pơkuâ cheăng lêng ƀă kơpong cheăng lêng; Luât pơkâ rak ngăn, kring vế ƀă kơpong ki mơdât ôh tá ăm prôk lăm, kơpong kring vế.

Pa kĭng thế rak vế tơniăn hnôu ‘măn răng pháu, trếo, hang lơng ki pro tơniăn kih thuât ai trăng hrik hyôh ăng-ten lêng dêi mâu tơmeăm khoăng ‘na lêng ƀă kơpong cheăng lêng; Pơ’lêh xúa, ‘nhiê, xĕn tơmeăm khoăng lêng ƀă kơpong cheăng lêng; Luât pơkâ tŏng kum ƀă mâu pơlê cheăm, kơ koan, khu tơrŭm, rơpŏng hngêi, mơngế tung pơlê cheăm, kơpong ki pro xôi tro tơdjâk xua tơdroăng púi vâ ‘na cheăng rak ngăn, kring vế tơmeăm khoăng lêng ƀă kơpong cheăng lêng.