Hâi lơ 20/3, Vi ƀan pơkuâ cheăng Kuô̆k hô̆i pơxiâm kơ-êng ƀă tiâ tơdroăng kơ êng mâu tơdroăng dêi kơvâ Hngêi tơleăng ƀă Khu séa ngăn. Ngế pơkuâ cheăng  a hngêi tơleăng kuăn pơlê - pôa Nguyễn Hòa Bình ƀă Viê̆n trưởng Viện hnê ngăn arak luât pôa Lê Minh Trí kô tiâ rơkong kơ-êng a rôh hôp. Ing mê, Ngế pơkuâ cheăng hngêi tơbleăng kuăn pơlê Nguyễn Hoà Bình kô tiâ mơnhên tơdroăng mơdêk tơƀrê séa ngăn, tơleăng mơnhên mâu tơdroăng ki kal, tơdroăng tơleăng plâ cheăng kâ, kâ kơluâ; troăng rơhlâ mơdêk ivá cheăng, ki rơkê, ki khên tơnôu, ai hnoăng pêi dêi ngế Kăn tơleăng ƀă mâu tơdroăng cheăng dêi kơvâ hngêi tơleăng: tơdroăng hbrâ mơdât ƀă tơleăng mơnhên mâu tơdroăng xôi tung khu ngế cheăng dêi hngêi tơleăng; tơdroăng hbrâ mơdât ƀă pơxâu phâk, mâu tơdroăng xôi tung khu kơvâ cheăng dêi hngêi tơleăng.

‘Na Viện trưởng Viện seá ngăn arak luât pôa Lê Minh Trí tiâ mâu tơdroăng rơhlâ mơdêk tơƀrê hnoăng cheăng dêi hngêi tơleăng xiâm ƀă séa ngăn tơdroăng cheăng ‘na luât tung tơleăng mâu tơdroăng xôi, malối cho mâu tơdroăng ‘na cheăng kâ, kâ kơluâ, pôi tá ăm ai châ lôi khu ki pro xôi, ah chiâng  tơpôu xôi kơ ngế ki ê ôh tá ai xôi.