Kơxo lơ 13/2, Vi ƀan pơkuâ Kuô̆k hô̆i hiăng pơxiâm po rôh hôp má 20. A rôh hôp kố, Vi ƀan pơkuâ Kuô̆k hô̆i séa ngăn, ăm rơkong veăng tơpui tối ‘na hên tơdroăng ki kal. Môi tung mâu tơdroăng ki kal châ Vi ƀan pơkuâ Kuô̆k hô̆i ăm rơkong veăng tơpui tối a kơxo lơ 13/2 cho tơdroăng ki pơcháu inâi ƀă kơlo liăn ăm hnoăng cheăng, tơdroăng tơkêa ối tung tơdroăng ‘mâi mơnhông ƀă mơdêk cheăng kâ rêh ối pơlê pơla rôh má 2.

Tiah mê, kơxô̆ liăn ki u ối dêi Tơdroăng tá hâi xoăng, pơcháu ăm mâu khu xiâm, kơ koan tơnêi têa ƀă kong pơlê cho 28 rơpâu 862 rơtal liăn. Ƀă 129 hnoăng cheăng, tơdroăng tơkêa ƀă tâi tâng kơxô̆ liăn tiô tối hdrối ai 14 rơpâu 710 rơtal liăn hiăng tŭm mâu hlá mơ-éa mơ’no liăn tiô pơkâ, tŭm tơdroăng pơcháu túa pơkâ kơxô̆ liăn dêi Tơdroăng vâ Ngế pro xiâm hnê ngăn Chin phuh xing xoăng liăn, Vi ƀan pơkuâ Kuô̆k hô̆i pơkâ thế Chin phuh séa ngăn nhên ‘na hâi khế pêi klêi mâu tơdroăng tơkêa; rĕng pơcháu liăn, xoăng liăn ăm mâu tơdroăng tơkêa, mơdêk tơdroăng ki tơbleăng pêi pro.