Pơtối tơdroăng roh hôp má 20, kơxo lơ 12/2, ing pơkuâ dêi pôa Vương Đình Huệ, Kăn xiâm hnê ngăn Kuô̆k hô̆i, Vi ƀan Kuô̆k hô̆i tơkŭm po mơgêi hneăng hôp ôh tá tối hdrối roh má 2 ƀă má 3, Kuô̆k hô̆i hneăng má XV. A roh hôp, pôa Vương Đình Huệ pơkâ thế thăm pêi kơtăng tung tơdroăng mơjiâng luât xuân môi tiah tơdroăng hbrâ mâu hô sơ, hlá mơ-éa tơbleăng Kuô̆k hô̆i tiô pơkâ; rak tơniăn tâi tâng tơdroăng hbrâ pơtroh hô sơ tơdroăng tơkêa bro, tơdroăng tơkêa bro ôh tá tro hâi khế pơkâ, ôh tá tơniăn dâi lĕm.

Mơgêi roh hôp, pôa Vương Đình Huệ tối nhên, hneăng hôp ôh tá tối hdrối chôu phut hôp iâ, tơpui tối, pơkâ mâu tơdroăng ki thâ xua pơkâ nôkố laga xuân rak tơniăn pêi pro tŭm tiô pơkâ dêi luât. Kăn xiâm hnê ngăn Kuô̆k hô̆i pơkâ thế Chin phuh, mâu kơ koan dêi Kuô̆k hô̆i, Hngêi tơleăng kuăn pơlê, Kơ koan xiâm hnê arak luât, Kơ koan riân tơmeăm tơnêi têa, Măt trâ̆n tơnêi têa, mâu khu tơrŭm cheăng pêi kal kí – rêh ối pơlê pơla thâ hbrâ ăm Hneăng hôp má 5, Kuô̆k hô̆i hneăng má XV.