Pơtối tơdroăng roh hôp má 20, kơxo lơ 15/2, Vi ƀan pơkuâ Kuô̆k hô̆i tơpui ‘na mâu tơdroăng kân ƀă tơpui tối phá tơ-ê dêi pó dêi tơdroăng tơkêa bro Luât kring vế hnoăng dêi mơngế rôe xúa tơmeăm (‘mâi rơnêu). Nôkố ối péa tơdroăng ối kal pâ rơkong tơpui Vi ƀan pơkuâ Kuô̆k hô̆i cho tơdroăng tối mơngế rôe xúa ƀă mơ-éa pro ‘nâng ‘nâi vâ tŏng kum roh tơdroăng xôi xivil ‘na kring vế hnoăng mơngế rôe xúa.

Tung mê, ƀă tơdroăng tối mơngế rôe xúa, xuân ối rơkong tơpui phá tơ-ê dêi pó, pơkâ thế mơngế rôe xúa tá mâu khu pú hên tung tơdroăng pơkâ hlá mơ-éa tơkêa bro Luât. Xua, ki nhên khât, tơdroăng rôe lơ xúa tơmeăm, kế tơmeăm, tê mơdró ăm pơkâ rôe xúa, ôh tá xê ki xiâm vâ tê mơdró, ôh tá xê to tơdroăng pêi cheăng dêi ngế krê mê tá mâu khu pú hên.