A rôh trâm mâ ƀă Kăn xiâm hnê ngăn Kuô̆k hô̆i Hàn Quốc, pôa Nguyễn Đức Hải Kăn xiâm phŏ hnê ngăn Kuô̆k hô̆i tối Việt Nam nhoăm mơnhông tơrŭm cheăng ƀă Hàn Quốc ƀă púi vâ péa pâ tơrŭm ƀă dêi rơpó trâu tâ nếo tung “tŭm tơdroăng cheăng’’, ing mê po rôh mơnhông mơdêk ó tâ nếo, pêi tơƀrê tâ tung la ngiâ.

Vâ mơdêk tơrŭm pơla péa kơ koan mơjiâng luât dêi péa tơnêi têa  pêi cheăng krá trâu tâ nếo, pôa Nguyễn Đức Hải pơkâ thế péa pâ séa ngăn tơ’nôm mâu tơdroăng kal pêi tung tơrŭm ing tơdroăng tơhrâ tơrŭm hiăng kĭ pơla péa Kuô̆k hô̆ sap hơnăm 2013, mơdêk tơrŭm, kum dêi rơpó ing mâu rôh hôp tung kơpong ƀă lâp plâi tơnêi, veăng ‘no hnoăng mơ-eăm rak tơniăn hơniâp lĕm, kring tơniăn kơpong ƀă lâp plâi tơnêi.