Tiô pôa Hồ Đức Phớc, Ngế xiâm pơkuâ liăn ngân, Singapore đi đo cho khu tơrŭm ki kal ƀă ki má môi dêi Việt Nam tung tâi tâng mâu kơvâ. Tung pơla tơrŭm cheăng kal kí – tơpui kâ ƀă kong têa ê mơnhông lĕm tro nôkố, péa tơnêi têa xuân ối hên tơmeăm ki vâ mơdêk tơrŭm trâu hơngế tâ, tung mê ai kơvâ liăn ngân. Pôa Hồ Đức Phớc tối ăm ‘nâi, Việt Nam tơmâng păng ‘nâng troh troăng tê phĭu liăn vâ ăm tơdroăng la ngiâ ngiât lĕm ƀă mơjiâng kơchơ mơdró ăm phêp chiâng mơ’no trếo carbon vâ châ pơkâ djâ trếo ‘mêi mơ’no lo pakong ƀă 0 a hơnăm 2050 môi tiah tơkêa pơkâ a COP-26.

Pakĭng mê, Ngế xiâm pói vâ châ pơtroh mơngế troh Singapore hnê mơjiâng lơ krếo mâu ngế rơkê Singapore troh pơtâp ăm kăn ƀô̆ a Việt Nam tung kơvâ kŏng ngê̆ pơkuâ liăn ngân ƀă liăn ngân ki mơdró ing troăng kŏng ngê̆ hyôh măng.