A pơlê kong kân Casablanca, Maroc, Vi ban ASEAN a Rabat hiăng tơrŭm ƀă Hngêi trung Đăi hok rak ngăn cheăng kâ Maroc ESCA ƀă Tíu xiâm Tí tăng ‘nâi plĕng ‘na Tơnêi dêi ATLANTIS hiăng tơkŭm po Hôp tơpui dêi  “Khu mâu kong têa  Đông Nam Á ASEAN, túa tơrŭm cheăng tung kơpong”. Tối tơbleăng a hâi hôp, kăn teăng mâ - jâ Đăng Thị Thu Hà, Kăn hnê ngăn Vi ƀan ASEAN a Maroc tối nhên kơ’nâi lối 55 hơnăm mơjiâng ƀă mơnhông mơdêk, ASEAN hiăng pê klêi hên tơdroăng, mơjiâng ƀă pơtối rak vế tơdroăng ki lĕm tung kơpong hơniâp lĕm, tơniăn, kơlo tơrŭm cheăng, tơrŭm rế trâu rơdâ tŭm pái tơdroăng kal kí, kring tơniăn - cheăng kâ ƀă mơhno túa lĕm tro rêh ối pơlê pơla; cho khu tơrŭm ki kal dêi hên khu tơrŭm cheăng lâp plâi tơnêi ƀă mâu kong têa ki rơdêi tung lâp plâi tơnêi, tung mê ai châu Phi.

Kố cho rôh apoăng vâ mơdêk tơrŭm cheăng ASEAN - Maroc rế tâk klêng, hlối tối Vi ƀan ASEAN a Maroc kô pơtối cho kông tơdjêp veăng ‘no hnoăng ki kal tung tơrŭm cheăng tung mâu kơpong pơla Maroc ƀă ASEAN mơnhông mơdêk rế rơdêi tung la ngiâ.