Việt Nam prế Lếo pơtối tơrŭm hnê mâu ngế cheăng tung pơla tơdroăng hơ’lêh nếo tiô túa ki ai pơxúa ƀă tơƀrê. Rôh hôp Khu kăn xiâm pơkuâ ki tơviah ‘na pêi cheăng, pro pơxúa pơlê pơla ƀă Hnê mâu ngế cheăng pơla Việt Nam – Lếo drêng tơbâ 60 hơnăm mơjiâng tơrŭm cheăng tơpui kâ pơla 2 tơnêi têa po a kơxo lơ 29/11 a Pơlê kong kơdrâm Hạ Long, kong pơlê Quảng Ninh.

Rôh hôp mơnhên tối mâu tơdroăng ki pêi pro Hlá mơ-éa Rôh hôp Khu kăn ngăn mâu ngế pêi cheăng ƀă kum pơxúa pơlê pơla rôh má 7 hơnăm 2021 ƀă tơdroăng tơrŭm ƀă pro tơ’lêi hlâu ăm mâu ngế pêi cheăng péa tơnêi têa pêi cheăng a Lếo ƀă Việt Nam; tối ‘na ƀai hriâm ki rơkê ‘na hnê tơdroăng cheăng tung tơdroăng nếo, rak ngăn mâu ngế pêi cheăng lăm prôk lăm rêh ối, tŏng kum mâu ngế pêi cheăng tro tơdjâk tung pơla ai pơreăng kân COVID-19; tŏng kum mâu ngế ki tro ƀom min, tơniăn ‘na pêi cheăng ƀă mâu ngế ki chó chêng tơvê kŏng ƀă hên ki ê.

Tơpui mâu tơdroăng cheăng tơrŭm tung hơnăm 2023 ƀă môi tuăn hriăn ngăn mâu troăng tơmiât tơrŭm cheăng tung pơla tơdroăng nếo nôkố.