Việt Nam, Sinuâ tơkŭm po Rôh hôp má 16 Vi ƀan hnê mơhno tơrŭm cheăng péa pâ a Bắc Kinh
Thứ tư, 10:00, 11/12/2024
Tơplôu: Gương/VOV
Tơplôu: Gương/VOV
VOV4.Xơ Đăng - Hâi lơ 10/12/2024 a Hngêi tơdah tơmối Điếu Ngư Đài, pơlê kong xiâm Bắc Kinh, Sinuâ, pôa Bùi Thanh Sơn, Ngế xiâm hnối cho Ngế xiâm tơpui kâ rơtế ƀă pôa Vương Nghị - Ngế xiâm tơpui kâ Sinuâ rơtế pơkuâ hôp rôh má 16 Vi ƀan hnê mơhno tơrŭm cheăng pơla péa pâ Việt Nam - Sinuâ.
A Rôh hôp, péa pâ tơpui tối tơdrăng ‘na tơdroăng a têa kơxĭ, malối pơtối pêi tro tiô luât pơkâ ki hlê plĕng tơdjuôm dêi mâu kăn, séa ngăn ƀă tơleăng mơnhên tơdroăng ôh tá môi tuăn dêi pó, pơtối rak hơniâp, tơniăn a Biển Đông. Pôa Bùi Thanh Sơn pơkâ thế péa pâ mơ-eăm xo tơdroăng Tơhrâ ‘na mâu tơdroăng pơkâ hnê mơhno tơleăng mơnhên mâu tơdroăng a têa kơxĭ Việt Nam - Sinuâ.
Klêi mê, luât pơkâ lâp plâi tơnêi pro xiâm; ‘măn tơná a tíu dêi rơpó, nhoăm hnoăng pơkuâ, ai pơxúa tro luât dêi rơpó; pơtối rak vế pêi pro hnoăng cheăng dêi mâu tíu luât pơkâ tơpui tơno ‘na têa kơxĭ, mơdêk tơrŭm a têa kơxĭ tơƀrê, tơleăng mơnhên tro tơxâng ‘na tơdroăng a têa kơxĭ; rơtế ƀă mâu kong têa ASEAN mơdêk tơpui tơno, rĕng châ hlá mơ-éa COC xêt khât, ai pơxúa.
Viết bình luận