VOV4.Sêdang - Tiô tối tơbleăng dêi Khu xiâm pêt mơjiâng kế tơmeăm ƀă Pơkeăng xôh kơdê oâ hdrong kong pơlê Gia Lai, riân troh apoăng khế 6/2021 pơreăng rơbông a hlá kơtếo hiăng hlo vêh xông kâ ‘nhiê nếo a tơring Ia Pa ƀă ƀăng tơnêi ki tro pơreăng kâ ‘nhiê ai 393 ha. Tiô tối hdrối tung la ngiâ ah, pơreăng rơbông a hlá kơtếo kô pơtối kâ ‘nhiê a mâu ƀăng tơnêi ki dế tro pơreăng kâ ‘nhiê ing hdrối a mâu klâng, ƀă kô trâm kong tô hnối ai kong mêi, mê kố cho tơdroăng ki tơ’lêi hlâu ăm pơreăng rơbông a hlá kơtếo xông kâ ‘nhiê.

Vâ kơdroh pơreăng rơbông a hlá kơtếo tâ tú tung lâp lu, pro tơdjâk troh kơpong ki pêt kơtếo dêi hngêi kơmăi xik tung kong pơlê, Khu ngăn chiâk deăng ƀă mơnhông thôn pơlê pơkâ thế Vi ƀan hnê ngăn mâu tơring, cheăm ki pêt kơtếo ƀă mâu tíu pêi cheăng ki ai tơdjâk rĕng tơkŭm tối tơbleăng, hnê mơhnhôk, po lâm hriâm tâp ăm kuăn pơlê ki pêt kơtếo hlê plĕng nhên ki rơ-iô, ki’mêi dêi pơreăng rơbông a hlá kơtếo ƀă tơbleăng pêi pro tơdâng tơ’mô mâu troăng hơlâ hbrâ mơdât xua kơ koan ki rơkê hnê mơhno.

Gương tơplôu ƀă tơbleăng