VOV4.Sêdang - Kơ’nâi 5 hơnăm tơbleăng pêi pro tơdroăng ‘’Păn tơpuâ pú pái vâ hluăn kơtiê’’ dêi Khu kuăn pơlê pêi chiâk tơring C|ư Sê, kong pơlê Gia Lai hiăng kum chât ngế tung khu mơ-eăm pêi cheăng châ hluăn ing kơtiê krá ton. 5 hơnăm hdrối, Khu kuăn pơlê pêi chiâk tơring C|ư Sê hiăng ăm 45 ‘’ tơkuâ pu pái hluăn kơtiê’’ [ă 180 to pu pái ăm 45 ngế kơtiê tung khu [ă ăm hơ’leh păn 12 to ối tung ‘T’ơkuâ pú pái vâ hluăn kơtiê’’ [ă 48 to ăm 12 rơpo\ng. Tâi tâng kơxo# liăn rôe lối 342 rơtuh liăn. Pak^ng mê, Khu ngăn kuăn pơlê pêi chiâk a mâu cheăm, pơlê kân xuân hiăng ăm 46 to pú pái ăm 14 rơpo\ng ki kơtiê tung khu păn [ă tâi tâng kơxo# liăn kơnâ lối 84 rơtuh liăn.

Khu kuăn pơlê tơring C|ư sê nôkố ai 13 rơpâu 974 ngế pêi pro tơdroăng pơkâ tơnêi têa xăm kơtiê krá ton, Khu ngăn kuăn pơlê pêi chiâk tơring hiăng tơbleăng tơdroăng ‘’Tơpuâ pu pái hluăn kơtiê’’ pơla hơnăm 2016-2020. Ing mê, rêm hơnăm, khu ngăn kuăn pơlê pêi chiâk tơring diâp ăm ‘’tơpuâ pu pái hluăn kơtiê’’ ăm 3 to cheăm [ă 9 ngế tung khu. Rêm ngế păn 4 to pu pái kơdrâi vâ ăm ai kuăn. Drêng pú pái mê hiăng kân ai kuăn châ 10 to tơngi klêng, rơpo\ng hngêi kô tơvêh kơxo# pú pái ki păn apoăng 4 to mê vâ ăm mâu rơpo\ng xahpá ki ê pơtối păn.

Sap 3 ‘’tơpuâ púi pái hluăn kơtiê’’ châ Khu ngăn kuăn pơlê pêi chiâk deăng diâp ăm, troh nôkố, Khu ngăn kuăn pơlê pêi chiâk cheăm Ia Glai hiăng po rơdâ túa păn [ă diâp ăm 12 tơpuâ pú pái. Hên rơpo\ng klêi xo păn hiăng ai liăn châ xo tơ’mot tơniăn [ă mơ-eăm mơnhông cheăng kâ vâ hluăn kơtiê. Môi tiah rơpo\ng pôa Nguyễn Tiến Mạnh (thôn Hương Phú), Phạm Văn Tăng (thôn Nông Trường), Rah Lan Tri (pơlê Pang), Nguyễn Văn Thanh (thôn Phú Nhơn) [ă hên ngế ki ê.

Pôa Nguyễn Văn Thanh cho môi tung mâu rơpo\ng ki apoăng châ kơjo kum pú pái dêi cheăm Ia Glai. Pôa ăm ‘nâi ‘’Hơnăm 2016, rơpo\ng a châ Khu ngăn kuăn pơlê pêi chiâk dêi tơring bruô ăm păn 4 to pu pái vâ mơnhông cheăng kâ. Kơ’nâi 1 hơnăm, tơpuâ pú pái ai kuăn lối 10 to. Pak^ng tơvêh ăm tơdroăng pơkâ, á ối kơjo kum ăm 8 to pú pái  ăm  2 rơpo\ng xahpá ki ê tung cheăm păn vâ ăm ai kuăn mơnhông cheăng kâ.

‘’Pak^ng mê, á hiăng tê châ lối 30 to pú pái păn xo hơ’nêh, pú pái hdrê châ xo liăn tơniăn. Nôkố, tơpuâ pú pái a ối 15 to’’.

Pôa Nguyễn Văn Thanh (C|ư Sê) kơhnâ rak ngăn tơpuâ pú pái

Môi tiah rơpo\ng pôa Rahlan Tri xuân châ tơdroăng ‘’ Topuâ pu pái hluăn kơtiê‘’ dêi tơring kơjo kum. Pôa Tri ăm ‘nâi: Kơnôm ing tơdroăng kơjo kum dêi Khu kuăn pơlê pêi chiâk mê rơpo\ng hngêi ai tơpuâ pú pái păn vâ mơnhông cheăng kâ. Kơ’nâi hiăng tơvêh pú pái ăm tơná tơdroăng [ă tê iâ vâ xo liăn ‘mâi rơnêu kơdroăng păn, rơpo\ng hngêi xuân ối ai 13 to pú pái.

Pôa Nguyễn Văn Bi, Kăn hnê ngăn Khu ngăn kuăn pơlê pêi chiâk cheăm Ia Glai ăm ‘nâi: Lâp tung cheăm nôkố ai 12 ngế kơtiê. Ing tơdroăng mê châ tơbleăng hiăng kum ăm mâu ngế tung khu ki ối kơtiê xahpá ai tơdroăng cheăng pêi vâ mơnhông cheăng kâ, mơ-eăm hluăn ing kơtiê. Klêi diâp ăm, Khu kố hnê tơbleăng kih thuât păn rak ngăn, hbrâ mơdât pơreăng ăm tơpuâ pú pái. Tung 2 hơnăm achê kố, yă pú pái pơxâm tâk dâng 140 rơpâu liăn 1kg, tâk vâ châ 2 hdrôh tâng vâ pơchông [ă hdrối nah hiăng kum kuăn pơlê ai tơ’nôm liăn châ xo tơ’mot hên [ă tơniăn.

Pôa Nguyễn Hữu Tỵ, Kăn hnê ngăn Khu kuăn pơlê pêi chiâk tơring C|ư Sê ăm ‘nâi: Pú pái cho kuăn kiâ ki tơ’lêi păn, kâi mơdât pơreăng, hlối kơnâ liăn, mơdrăn che\m ki hên to mâu hlá loăng, kế tơmeăm xúa ing chiâk deăng, tơtro [ă tơdroăng păn mơnăn dêi kuăn pơlê, malối  cho [ă mâu rơpo\ng kuăn ngo. Tơdroăng kố ai veăng hnê mơhnhôk dêi mâu kăn [o#, khu ngế pêi cheăng tung tơring [ă mâu ki ai tuăn hơ-ui kum. Ing mê, hiăng veăng ‘no hnoăng hên mơnăn păn, kum mâu ngế tung khu ki ối kơtiê hluăn ing kơtiê, mơ-eăm mơnhông cheăng kâ pro kro mơdro\ng, pro xiâm ki ăm mâu rơpo\ng kuăn pơlê ki ê khên ‘no liăn păn pú pái, vâ mâu ngế păn tiô tơdroăng pơkâ.

Leh diâp hdrê pú pái [ă hơ’lêh păn tơpuâ pú pái hluăn ing kơtiê a cheăm Ia Glai, tơring C|ư\ Sê

Tiô pôa Nguyễn Hữu Tỵ, tung la ngiâ, Khu ngăn kuăn pơlê pêi chiâk tơring kô pơtối hnê mơhno rêm râ Khu a mâu cheăm pơlê pơtối mơnhông cheăng kâ, hnê dêi rơpó tuá păn po rơdâ păn ‘’Tơkuâ pú pái hluăn kơtiê’’ ăm mâu rơpo\ng kuăn pơlê ki kơtiê, malối cho mâu ngế tung khu kuăn ngo vâ mơnhông cheăng kâ hluăn kơtiê krá tơniăn ton, chôa ‘lâng hơ’leh tơdroăng tơmiât, túa pêi cheăng, veăng pro tơ-[rê tơdroăng pơkâ tơnêi têa xăm kơtiê krá tơniăn dêi tơring.

Hlá tơbeăng Gia Lai

Gương tơplôu [ă tơbleăng