VOV4.Sêdang -Tơring Kƀang, kong pơlê Gia Lai ai tơnêi vâ chê 1 rơpâu ha loăng mắc ca (ki pêt hên má môi tung kong pơlê Gia Lai) tung mê, ai 250 ha dế tung pơla krí plâi, tâng riân vâ chê 180 tâ̆n tung hơnăm 2021. Tơnêi pêt loăng mắc ca mê nôkố dế châ pêt tơvât, ăm tơ-brê xuá tơnêi pêi chiâk tơniăn tâ tâng pơchông ƀă hdrối nah. Kố xuân cho troăng hơlâ mơnhông mơdêk cheăng kâ ăm kuăn pơlê a tơring Kƀang, malối cho kuăn pơlê hdroâng kuăn ngo Bơhnéa.

Pôa Mã Xuân Tình, Ngế pơkuâ ƀơrô ngăn pêi chiâk ƀă mơnhông mơdêk thôn pơlê tơring Kƀang ăm ‘nâi, tung mâu hơnăm la ngiâ, plâi mắc ca a Kƀang kô tâk hên xua tơnêi pêt loăng mắc ca tâk hên kô châ xo plâi hên há.

Gương tơplôu ƀă tơbleăng