Hơnăm 2023, Kŏng ti ngăn on tơhrik Dak Lak pơcháu vâ chê 288 rơtal liăn tung tâi tâng pơkâ ăm liăn mơjiâng pro. Kŏng ti hiăng mơhno liăn ăm mâu tơdroăng tơkêa bro on tơhrik 110kV kơpêng 14 rơtal liăn, kơxái on tơhrik trung hạ lối 223 rơtak liăn, ƀă tơdroăng tơkêa bro ki ê 50 rơtal liăn.

Troh nôkố, kŏng ti hiăng pơkâ pêi tơdroăng tơkêa pro klêi 14 tơmeăm khoăng, tâi tâng kơnâ lối 52,2 rơtal liăn, kơdĭng châ lối 19 rơtal liăn tâng vâ pơchông ƀă apoăng. Vâ ai tiah mê liăn ngân lối 95% pơkâ liăn dêi hơnăm, nôkố mâu tíu pêi cheăng dế pê vâ rĕng klêi tơbleăng hên troăng rơhlâ mơdêk pro rĕng klêi, rôe tơmeăm tŭm kơxô̆ tơmeăm hiăng chêh krâ ‘măn pro.

Tung mê, Khu rak ngăn tơdroăng tơkêa pro pêi hdrối tơrŭm pơla mâu khu ‘no liăn cheăng hnê tối, khu mơjiâng pro, tíu pêi cheăng rak ngăn mơ’no. Mâu tíu pêi cheăng hbrâ chêh inâi tah on tơhrik vâ xúa tơdroăng mơjiâng pro, tí tăng ‘nâi plĕng tơleăng mơnhên teăm tah ki xơpá, tơvâ tơvân vâ pê klêi mâu tơmeăm khoăng  tro tiô pơka ƀă tơniăn krá.

Tơdroăng tơkŭm pê klêi tơmeăm khoăng ‘no mơjiâng pro dêi tơnêi têa kô veăng ‘mâi mơnhông, mơdêk tơƀrê on tơhrik mơ’no ăm kuăn pơlê xúa a mâu kơpong tung kong pơlê Dak Lak.