Sap ing apoăng hơnăm troh nôkố, Khu pơkuâ ngăn Đoân Droh rơtăm kong pơlê Gia Lai hiăng diâp lối 50 túa pơkâ ăm mâu vâi o  kŭn cho hdroâng kuăn ngo, tung mê cho: 37 khu í, 13 chu hdrê, 2 to ro ƀă tâi tâng kơnâ 125 rơtuh liăn.

Ngoh Đỗ Duy Nam – Kăn phŏ pơkuâ ngăn Đoân Droh rơtăm kong pơlê Gia Lai ăm ‘nâi, mâu túa pơkâ kố cho tơdroăng ki veăng kum dêi pơlê pơla ƀă khu tơrŭm Đoân, Đô̆i ƀă rơhêng vâ kum vâi o tơkâ luâ tơdroăng xơpá mơ-eăm tung hriâm tâp. Tŏng kum môi iâ kum mâu vâi o ai tơdroăng hriâm tâp, pakĭng mê ối hriâm pât, kum mâu vâi o ‘nâi pêi cheăng, ‘nâi ngăn nhuô̆m tơdroăng cheăng.

Kum ăm mâu vâi o tro tơdroăng ki rêm ngế ki rơhêng vâ, mâu khu tơrŭm, malối cho Đô̆i Thiê̆u niên Tiền phong Hồ Chí Minh tŏng kum ăm mâu vâi o kơhnâ mơ-eăm tung hriâm tâp.