VOV4.Sêdang - Hlo mâu tơdroăng ki xơpá tê tơmeăm pêi lo ing chiâk deăng kơpong ki ai pơreăng COVID-19, khế 6 hơnăm kố, Khu xiâm ngăn chiâk deăng ƀă mơnhông thôn pơlê kô tơrŭm ƀă Tíu xiâm Khu ngăn vâi kơdrâi Việt Nam, Tíu xiâm Đoân Droh rơtăm Kŏng san Hồ Chí Minh mơjiâng pro mâu túa pơkâ roê kế tơmeăm pêi lo ing chiâk deăng ăm kuăn pơlê kơpong ki ai pơreăng rế rak tơniăn ‘na ki dâi lĕm dêi mâu kế tơmeăm pêi lo ing chiâk deăng rế tơniăn.

Mâu túa pơkâ tơdjêp roê kế tơmeăm pêi lo ing chiâk deăng châ mơjiâng sap ing Tơnêi têa chu troh mâu kong pơlê, troh mâu cheăm, bêng.Veăng tung mâu tơdroăng pơkâ tơdjêp tê ƀă roê ối ai mâu khu tơrŭm kơvâ cheăng kế tơmeăm ƀă mâu khu ki tê ‘ngré dêi Việt Nam. Kơvâ ngăn ‘na pêi chiâk deăng kô pro tíu ki ‘măn rak hlá mơ-éa a kong pơlê ki lâi dế tí tăng đi đo tơdroăng kal ăm mâu tíu ki tê ‘nâi tiah kố a kong pơlê ki lâi dế hbrâ pui xo kế tơmeăm pêi lo ing chiâk deăng ƀă ai kế hên kế tơmeăm. Mâu tíu ki tê mê kô hbrâ rơnáu rơxế pơto chơ, troăng hơlâ rak ngăn ƀă kĭ tơkêa ƀă khu tơrŭm cheăng.

Katarina Nga tơplôu ƀă tơbleăng