Phênhv thưr 2.11.7.2016:

ĐANGV BÔV XÃ Y CAN: CXIV TSA ĐANGV REIK ĐROS PHUÔV TSAR KINH TÊR

          Phuôx huiz cêr chax chês niêv côngv siêz, cxiv tsa txix luôk chinhr triv hur si, truôx vênhs, huiz tôngv cxuô pênhr jos chiê phuôv tsar kinh têr, xã hôiv reik đros cxiv tsa nôngx cxênhz yiêz zos Đangv bộ xã Y Can, huyện Trấn Yên, tỉnh Yên Bái li jênhv vưv tsênhv hâur ntâu shông đhâu. No zos kror cuiz tênhv uô hlôngr yiêz xã cux zưk li tsôngv box li luz nênhx.

          Hâur côngz xưv cxiv tsa Đangv, Đangv bộ xã thâuv tưs cux uô lơưr đangv bộ thênhv siêz li chox kriê; chuv tôngv cxiv tsa têx tsaz yênhx huôx tôngv, tsưr ziv uô nghị quyết đros njiêz luv tsênhv tsênhz, huv đros tiv phaz li qênhx shênhx.

          Đhâu cơưv shâuv, canr bôv, đangv viên cxiv tsa bangv đăng cir shir jos cơưv shâuv reik đros hâux lưv uô jênhv vưv tâu choz thiêz têx huôx tôngv hâur niêx hnuz. Côngz xưv coar lik đangv viên tâu Đảng bộ chox kriê uô jông. Đảng viên mul đêz mak tsuv pov cov, yax six jê tsôngv box, mnôngs tsôngv box qơư muôx đangv viên nhoz li siêz xar njôngr; yax mông, heik kriê Đảng li chủ trương, têz qơưk li chính sách pháp luật; thôngx cxix sâu têx ziv chênhv xa trâu têx chiz coaz muôx qênhx seiz shuôk car chêx tsôngv box têx siêz xar njôngr...

          Đros thiêz cxơưz tiês côngz xưv cxiv tsa Đangv, Đangv bộ tsênhv tsov cưv txos hâux lưv chox kriê tsôngv box cxơưz tiês phuôv tsar kinh têr cxôngx muôz têx nôngz blêx txuôv, nôngz blêx muôx tsơưr lươngv siêz lol tsêz chos tâu 230 hecta liêx đêx, yar lengx fênhx pheiz tax 49 tạ ntâu iz hecta iz shôngk. Niêx shông, tsôngv box tsênhv chox lol chos 109 hecta poz cưk, 26 hecta kok ntông thiêz 65 hecta jâuz tâuv cxuô zav. Tu zus têx shôngk jê ntơưv no muôx trus phuôv tsar jông; paz nhux tưv muôx 552 tul, buô 4.310 tul thiêz keiz, ok zax zuôv muôx 34.000 tul. Tsiv grê kinh têr cxôngx tu zus chox lol phênhv sâu 5 tỷ đeiv ntâu iz shôngk.

          Uô tsaz yênhx têz qơưk li qơư tsov txos lol cxiv tsa nôngx cxênhz yiêz, đhâu 5 shôngk ntâu krêz uô, tas nro pênhr yưv sauv thax tsav xã tax 18 tỷ đeiv ntâu. Ntâu ntu cêr tâu krêz đar, uô yiêz, nquôr bê tông zuôr xar 6 cei cêr mul jos An Thành, Minh An, Thắng Lợi, Hòa Bình, Quyết Thắng... Côngz tsinhx đêx liv tâu nquôr bê tông ntêr 12 cei cêr nhoz têx jos Tự Do, Hạnh Phúc. Tsêr vênhx huôv jêx jos tâu cxiv thiêz uô yiêz nhoz têx jos : Quyết Tiến, Quyết Thắng, HÒa BÌnh, BÌnh Minh, Hạnh Phúc. Đros co, cxix luôk tsêr cơưv ntơưr, qơư y tế xã, tênhv tênhz nôngx cxênhz...tuôv zênhv tâu tsôngv box li luz nênhx. Txos nhiv no, xã tưz tax 11 sâuv 19 ploz tsênhr lok cxiv tsa nôngx cxênhz yiêz.

          Phuôx huiz têx chêx cuk tưz tax tâu, six hơưv zuôr txos, Đangv bộ xã Y Can tror chuôz tsar uô têx tsưr ziv cxiv tsa Đangv truôx vênhs lok chinhr triv, siêz xar, tsưr tsix. Lok huôv tsar kinh têr, tror uô hâux lưv njuôs xav thax tsav chos blêx tsơưr lươngv siêz; cxơưz tiês tu zus lơưr saz hax huv; chêx chôngk car chêx jông têx vênhv thix nox nhoz xã hội./.

( Ntơưr pov tsir Lào Cai- Txâur Vax cxeik nhênhv)