VOV.Êđê- Kdrêč klei mrâo hruê 30.9.2026 mâo dŭm mta snei: - Khua gĭt gai Đảng, Khua lăn čar Tô Lâm nao hlăm knăm mphŭn pŏk Hdră bruă krŭ wĭt Điện Kính Thiên. - Khua knŭk kna Lê Minh Hưng gĭt gai ksiêm dlăng dŭm hdră bhiăn ba mdah kơ Bruă kƀĭn ala ti Klei bi kƀĭn tal 2. -Hmao ƀuh thiăm 6 klang lĭng kahan djiê êngiă ti Đang mnga Lê Thị Riêng. - Dak Lak mguôp mđĭ kyar bruă duh mkra - ala ƀuôn mbĭt hŏng bi kjăp bruă lĭng kahan, klei êđăp ênang.

VOV.Êđê- Hruê 29/9, Sang hră ksiêm hriăm kơ bruă lĭng kahan bi hgŭm hŏng čar Dak Lak mkŏ mjing klei trông čhai kơ hdră mđĭ kyar bruă duh mkra - ala ƀuôn mguôp hŏng mđĭ ktang bruă lĭng kahan, răng mgang klei êđăp ênang ti alŭ wăl čar.

VOV.Êđê- Hră ênua mdrao mgŭn hđeh hriăm hră, hđeh sang hră gưl prŏng jing hdră êlan klă sĭt, đru kơ phung hđeh dưi kriê dlăng klei suaih pral leh anăn bi hrŏ klei ktrŏ ênoh bi liê tơdah ksiêm mkă dlăng, mdrao klei ruă. Knŭk kna ară anei đru 55% ênoh tla. Ti tluôn anei jing dŭm klei hâo hưn čiăng thâo kơ ênoh tla, klei dưi leh anăn hdră nao hgŭm hră ênua mdrao mgŭn hđeh hriăm hră, hđeh sang hră gưl prŏng.

VOV.Êđê- Durian jing sa hlăm dŭm ana pla mjing ba wĭt boh tŭ bruă duh mkra lu ti dŭm c̆ar krĭng Lăn Dap Kngư. Khădah snăn, c̆iăng mđĭ boh tŭ yuôm mnơ̆ng lŏ hma leh anăn pŏk mlar anôk ba c̆hĭ, boh nik jing anôk ba c̆hĭ kơ ala tac̆ êngao, klei c̆iăng kơ bruă bi mklă phŭn agha ƀrư̆ hruê ƀrư̆ mâo klei kc̆ah mtrŭn kjăp. Hlăm anăn, mrô krĭng pla mjing jing sa hlăm dŭm klei găl yuôm bhăn c̆iăng bi mklă anôk pla mjing, hdră pla mjing leh anăn phŭn agha mnơ̆ng dhơ̆ng

VOV.Êđê- Ruă tian eh jing klei ruă kreh tuôm hŏng phung hđeh, boh nik hđeh ti gŭ 5 thŭn. Anei jing klei ruă ngă truh klei djiê mrô sa ti phung hđeh gưl thŭn anei. Kman Rota jing sa hlăm dŭm mta phŭn ngă truh klei ruă. Mơ̆ng thŭn 2024, vaccine Rota gang mkhư̆ klei ruă tian eh dưi ba hlăm Hdră tlŏ mgang pŏk mlar, tlŏ amâo liê prăk kơ phung hđeh ti dŭm čar dleh dlan leh anăn srăng pŏk ngă kluôm ala mơ̆ng thŭn 2026. Anei jing hdră msir tŭ dưn đru bi hrŏ hnơ̆ng ênoh mnuih ruă êngoh bi ƀlĕ êrah, răng mgang klei suaih pral phung hđeh.

VOV.Êđê- Leh bi mŭt mbĭt bruă sang čư̆ êa, 103 să mơ̆ng Lâm Đồng dưi ksiêm dlăng hluê si Hdră kčah krĭng ƀuôn sang mrâo wưng thŭn 2026-2030, ƀiădah ka mâo ôh să djăp hnơ̆ng čuăn; lu hĭn knŏng mâo 28 să djăp 4/10 hnơ̆ng čuăn. Hlăm ktuê êlan mrâo, khua mduôn, mnuih mâo kơhưm lŏ jing dŭm "kdrông mkŏ" yuôm bhăn, mjing klei sa ai leh anăn atăt ba mnuih ƀuôn sang bi mlih klei mĭn, hdră ngă.

VOV.Êđê- Leh êbeh 2 mlan mkŏ mjing, knơ̆ng bruă dhar kreh čar Dak Lak bi hgŭm hŏng sang hră knŭk kna čiêm rông hđeh mnuih djuê ƀiă Đinh Núp, să Phú Mỡ mjưh ruê̆ adŭ mtô bi hriăm hdră tông hgơr dua, čing tlâo, čing êma ti sang hră thŭn 2026.

VOV.Êđê-

VOV.Êđê-

VOV.Êđê-

VOV.Êđê-

VOV.Êđê-