VOV.Êđê- Êpul K52 (Anôk bruă gĭt gai êpul lĭng kahan čar Gia Lai) tui duah, bi kƀĭn mâo 6 klang kleh kahan djiê êngiă ti 3 čar Ratanakiri, Stung Treng leh anăn Preah Vihear (Campuchia), kyua klei mnuih ƀuôn sang alŭ wăl hâo hưn.

VOV.Êđê- Aguah 3/11, ti Đà Nẵng, Êpul kahan 5 mkŏ mjing klei bi kƀĭn ksiêm dlăng wưng 1 Hdră bruă “500 hruê mlam tui duah, bi kƀĭn leh anăn bi mklă anăn klang kahan djiê êngiă”.

VOV.Êđê- Hlăm 2 hruê 30 leh anăn 31/10, êpul bruă djŏ tuôm čar Gia Lai lŏ dơ̆ng tui duah, bi kƀĭn thiăm 5 klang kleh lĭng kahan djiê êngiă ti Ia Dom leh anăn ƀuôn hgŭm An Nhơn Bắc kyua mâo mnuih ƀuôn sang hưn.

VOV.Êđê- Hlăm hruê 01/11 mrâo êgao, êpul tui duah, bi kƀĭn klang kleh kahan djiê êngiă să Đặng Thùy Trâm, čar Quảng Ngãi ƀuh thiăm 2 klang kahan djiê êngiă ti krĭng wăl Sang êa drao Đức Phổ, hlăm wăl Hố Sâu, alŭ Đồng Răm.

VOV.Êđê- Mkra mlih Hdră bhiăn lăn ala jing bruă mâo mnuih ƀuôn sang leh anăn phung bi ala mđing dlăng, boh nik dŭm klei čuăn kơ klei hrui mă lăn, klei čiu hnô, đru, lŏ mkŏ anôk dôk mrâo leh anăn tĭng ênoh lăn. Ti anôk bi kƀĭn bruă kƀĭn ala, lu phung bi ala ba mdah leh hdră msir ruh mgaih klei gun kpăk mơ̆ng boh sĭt, rơ̆ng klei dưi djŏ klă mơ̆ng mnuih ƀuôn sang, mbĭt anăn ba yua tŭ dưn ai dưi lăn ala mkăp kơ hdră mđĭ kyar bruă duh mkra - ala ƀuôn.

VOV.Êđê- Kyua klei đru mơ̆ng Hdră ala čar kñăm mđĭ kyar bruă duh mkra - ala ƀuôn krĭng mnuih djuê ƀiă leh anăn krĭng čư̆ čhiăng, mbĭt hŏng ai tiê gĭr ktưn, lu phung mniê mnuih djuê ƀiă ti Quảng Ngãi jhŏng bi mlih klei mĭn, hdră ngă, čŏng pô mkŏ mjing dŭm gru hmô êpul hgŭm bruă, hdră duh ƀơ̆ng tŭ dưn. Mơ̆ng đang kphê, êpul êmô ana mđai truh kơ dŭm mta mnơ̆ng mkra mjing êlam mơ̆ng boh mnga bruă lŏ hma alŭ wăl, phung mniê krĭng čư̆ čhiăng Quảng Ngãi ƀrư̆ ƀrư̆ mđĭ hnư hrui wĭt, mkŏ mjing hdră duh ƀơ̆ng hơĭt kjăp leh anăn bi lar ai tiê čŏng pô hlăm êpul êya.

VOV.Êđê- Ti êlan knông lăn bi knông hŏng Campuchia, lĭng kahan knông lăn čar Gia Lai gĭr hŏng bruă kiă kriê, răng mgang klei dưi kiă kriê, klei êđăp ênang knông lăn ala čar, hrăm mbĭt hŏng mnuih ƀuôn sang mđĭ kyar klei mă bruă, bi hơĭt klei hdĭp. Hŏng dŭm bruă ngă klă klơ̆ng, jĕ giăm hŏng mnuih ƀuôn sang, lĭng kahan knông lăn đru bi kjăp klei đăo knang mnuih ƀuôn sang, mkŏ mjing hdră răng mgang hlăm mnuih ƀuôn sang, mkŏ mjing tur knơ̆ng krơ̆ng kjăp klei êđăp ênang krĭng knông lăn ala čar.

VOV.Êđê- Ti să knông lăn Ia Rvê, čar Dak Lak, 28 gŏ sang mnuih djuê ƀiă ƀun, giăm ƀun ka mâo lăn dôk mrâo mâo ruah mă lăn. Hŏng dŭm gŏ sang lu thŭn dôk mưn, hdĭp hŏng bruă mă mưn, anei amâo djŏ knŏng jing klei găl bi hơĭt anôk dôk ƀiădah lŏ pŏk klei čang hmăng mâo mnơ̆ng dhơ̆ng mkra mjing, mđĭ kyar bruă duh mkra gŏ sang. Mơ̆ng bruă dăp anôk dôk truh kơ mprăp lăn mkra mjing, alŭ wăl dôk ƀrư̆ ƀrư̆ bi sĭt hdră đru kơ mnuih djuê ƀiă mguôp hŏng mta kñăm bi hrŏ ƀun hơĭt kjăp ti krĭng knông lăn.

VOV.Êđê- Tlam hruê 28/10, Êpul K51 čar Dak Lak dưi bi kƀĭn 2 klang lĭng kahan djiê êngiă hlăm Êpul kahan 85, Anôk Bruă kahan Phú Yên (hđăp).

VOV.Êđê- Čar Lâm Đồng mkŏ mjing Klei bi kƀĭn ksiêm dlăng bruă klam tui duah, bi kƀĭn leh anăn bi mklă anăn klang kleh kahan djiê êngiă adôk kƀah klei hâo hưn thŭn 2026; pŏk ngă hdră êlan bruă klam thŭn 2027 leh anăn wưng 2 mơ̆ng “Hdră bruă 500 hruê mlam”.