VOV.Êđê- Pŏk ngă Hdră mđĭ kyar bruă mtô bi hriăm bruă mă leh anăn msir mghaih bruă mă kơ mnuih mă bruă krĭng mnuih djuê ƀiă hlăm Hdră kñăm ala čar 1719, dŭm adŭ mtô bi hriăm bruă ti Dak Lak dôk dưi mkŏ mjing hluê si klei čiăng klă sĭt mơ̆ng mnuih hriăm leh anăn djŏ guôp hŏng klei čiăng mơ̆ng wăl anôk mnia mblei. Mơ̆ng anăn, đru kơ mnuih hriăm mâo thiăm klei găl duah bruă amâo dah čŏng mkŏ mjing bruă mă ti alŭ wăl.

VOV.Êđê- Klang kleh lĭng kahan djiê êngiă mrâo mâo Êpul K51, Anôk bruă gĭt gai lĭng kahan čar Dak Lak bi kƀĭn giăm čư̆ Nậm Nia, čar Mondulkiri, Campuchia, mbĭt hŏng lu mnơ̆ng dhơ̆ng, hlăm anăn mâo giêt êa čih boh hră “Hoàn” leh anăn čih gru hruê mmông “10-1966”.

VOV.Êđê- Êbeh 10 thŭn hluê ngă Hdră mtrŭn 55/2015/NĐ-CP mơ̆ng Knŭk kna kơ hdră mtrŭn brei čan prăk duh bi liê mđĭ kyar bruă lŏ hma, krĭng ƀuôn sang, mnuih djuê ƀiă ti čar Dak Lak, mâo thiăm ai dưi yuôm bhăn čiăng duh bi liê mkra mjing, rông mnơ̆ng. Mơ̆ng ênoh prăk anei, lu gŏ sang ƀrư̆ ƀrư̆ bi hơĭt klei hdĭp, tlaih ƀun, kpưn đĭ kơ mdrŏng, đru mkŏ mkra ƀuôn sang krĭng čư̆ čhiăng ƀrư̆ hruê ƀrư̆ đĭ kyar. Bruă lŏ hma mơ̆ng Dak Lak pral dưi mâo klei lu jơr leh anăn hơĭt kjăp.

VOV.Êđê- Leh mkŏ dăp sang hră ti Dak Lak, klei êbeh, kƀah nai mtô ti anôk, mkŏ dăp mnuih mă bruă leh anăn msir mgaih hdră mtrŭn dôk ba mdah lu boh klei brei msir mgaih.

VOV.Êđê- Hruê 13/10, ti ƀuôn hgŭm Quy Nhơn, čar Gia Lai, Phŭn bruă kahan ksiêm mkŏ mjing knăm mphŭn pŏk hdră rŭ mdơ̆ng sang dôk kơ êpul kahan ksiêm yang ƀuôn.

VOV.Êđê- Klei bi kƀĭn bi tuôm, bi blŭ hrăm plah wah khua gĭt gai čar Dak Lak hŏng phung đoàn viên, mnuih mă bruă leh anăn knuă druh công đoàn thŭn 2026 mkŏ mjing hŏng lu klei blŭ mđing kơ dŭm boh klei yuôm bhăn msĕ si bruă mă, prăk mlan, hră ênua yang ƀuôn, sang dôk, klei êđăp ênang mă bruă leh anăn klei găl mă bruă. Mơ̆ng dŭm klei akâo djŏ hŏng boh sĭt, lu hdră êlan mâo anôk bruă djŏ tuôm ba mdah, brei ƀuh ai tiê mđing hmư̆, hrăm mbĭt leh anăn msir mghaih dŭm boh klei mơ̆ng nah gŭ

VOV.Êđê- Hră ênua yang ƀuôn jing hdră mtrŭn mơ̆ng knŭk kna đru kơ mnuih mă bruă tơdah wĭt mdei dưi dưn prăk mlan leh wĭt mdei leh anăn kriê dlăng klei suaih pral. Êngao kơ dŭm êpul mnuih brei mguôp hŏng hră ênua yang ƀuôn (kyua pô ba yua mnuih mă bruă mguôp lu ênoh prăk hră ênua), mnuih ƀuôn sang hlăm thŭn mă bruă dưi mguôp hŏng hră ênua yang ƀuôn čiăng dưi dưn hdră mtrŭn anei. Hlăm anăn dŭm ênoh mguôp hră ênua srăng mâo knŭk kna đru sa kdrêč.

VOV.Êđê- Hŏng mnuih ƀuôn sang krĭng taih kbưi, krĭng mnuih djuê ƀiă, bruă hriăm leh anăn bi lông mă hră dưi mgăt êdeh amâo djŏ knŏng kpăk ênoh bi liê ƀiădah lŏ tuôm hŏng klei dleh dlan kyua boh kbưi, klei blŭ. Ti čar Gia Lai, mơ̆ng să plao ksĭ Nhơn Châu truh kơ dŭm ƀuôn krĭng knông lăn, gru hmô "Hră dưi mgăt êdeh khăp čiăng" hlăk msir mghaih dŭm klei kpăk anei, ba klei thâo hdră bhiăn leh anăn klei thâo ngă hlăm êlan klông êđăp ênang truh giăm hĭn hŏng mnuih ƀuôn sang.

VOV.Êđê- Klei hưn mơ̆ng kahan hđăp 73 thŭn đru leh kơ êpul tui duah, bi kƀĭn bi mklă klă klơ̆ng anôk dơr klang kleh kahan djiê êngiă Trương Văn Tiến êbeh 50 thŭn êgao.

VOV.Êđê- Êpul K52 (Anôk bruă gĭt gai lĭng kahan čar Gia Lai) mrâo bi kƀĭn tŭ jing 8 klang lĭng kahan djiê êngiă hlăm klei bi blah kdơ̆ng hŏng Mi ti ala čar Campuchia leh anăn čar Gia Lai.