VOV.Êđê - Lâm Đồng kčah truh thŭn 2030 bi hrŏ lu ênoh să, alŭ dleh dlan hlăm bruă bi liê kơ anôk bruă nah gŭ, mđĭ kyar hdră duh ƀơ̆ng leh anăn mđĭ hnơ̆ng jăk klei hdĭp krĭng mnuih djuê ƀiă.

VOV.Êđê- Hlăm thŭn anei, mnuih ƀuôn sang dưi nao mkă dlăng klei suaih prăl grăp tuôr mâo ngăn prăk Knŭk kna tla.

VOV.Êđê - Leh klei bi kƀĭn tal Sa, bruă kƀĭn ala gưl XVI, Êpul bi ala Bruă kƀĭn ala dŭm čar Gia Lai, Lâm Đồng leh anăn Dak Lak mkŏ mjing leh klei bi tuôm hŏng phung bi ala kơ mnuih ƀuôn sang lu alŭ wăl, čih yap lu klei blŭ, klei akâo djŏ tuôm kơ anôk bruă nah gŭ, mkra mlih hră mơar, klei bhiăn hdră êlan leh anăn mđĭ klei tŭ dưn ngă bruă mơ̆ng bruă sang čư̆ êa nah gŭ hlăm boh klei mbha gưl, mbha klei dưi ara anei.

VOV.Êđê- Ti dŭm anôk dôk rŭ mdơ̆ng sang hră gưl knŭk kna rông ba mlir gưl ti krĭng knông lăn čar Quảng Ngãi, hnơ̆ng rŭ mdơ̆ng mkŏ mjing mjêč, wăt hlăm dŭm hruê mdei . Mơ̆ng aguah ưm truh tlam, ênai masin lŭk bêtông, ênai khăt msei kwang krah dliê kmrơ̆ng, mjing ai êwa mă bruă kdrăm kơah.

VOV.Êđê- Hruê 7/5, k’iăng khua Bruă Kbĭn ala Nguyễn Hồng Diên mbĭt hŏng êpul bi ala Bruă Kbĭn ala čar Gia Lai mkŏ mjing mmông bi tuôm hŏng phung bi ala mnuih ƀuôn sang leh klei kƀĭn tal 1, Bruă Kbĭn ala gưl 16.

VOV.Êđê- Ƀri bi hdơr 51 thŭn hrue kwar dhŭng mâo klei êngiê, mluh lir lăn čar hrue 30/4 lehanăn hrue mnuih mă bruă tar rŏng lăn hrue 1/5, Êpul mă bruă mơ̆ng phung khua kiă kriê Đảng, mâo Nguyễn Thanh Nghị, ngă khua êpul mâo leh klei nao čuă, mđup brei mnơ̆ng kơ dŭm gŏ sang knŭk kna dlăng ba ti ƀuôn hgŭm Čư̆ Jŭt, čar Lâm Đồng.

VOV.Êđê- Hlăm gưl bi hdơr 51 thŭn Hruê mtlaih êngiê kwar Dhŭng, hluh lir lăn čar, Anôk bruă gĭt gai kahan 5 mkŏ mjing Knăm tŭ mă anăn knăl yuôm bhăn pô jhŏng ktang lĭng kahan yang ƀuôn. Hlăm lu klei dleh dlan, hŏng ai tiê “Săn asei kơ čar kwar khăp hơiêng”, Êpul lĭng kahan krĭng 5 jhŏng hdĭp siă suôr giăm mnuih ƀuôn sang, hŏng jih jang êpul lĭng kahan, mnuih ƀuôn sang bi blah hŏng phung roh. Lŏ čuê klei kdrưh kơăm ai êwa mblah dưi Ba Tơ hlăk đưm, dŭm phung knuă druh, lĭng kahan amâo uêñ kơ klei dleh dlan huĭ hyưt, găn hjan, găn angĭn, đru kơ mnuih ƀuôn sang gang mkhư̆, msir mgaih boh jhat yan adiê ngă, klei ruă tưp, mkŏ mjing ƀuôn sang êđăp ênang.

VOV.Êđê- Ƀri bi hdơr 51 thŭn hrue kwar dhŭng mâo klei êngiê, mluh lir lăn čar hrue 30/4 lehanăn hrue mnuih mă bruă tar rŏng lăn 1/5, hrue 28/4, Đại tướng Nguyễn Trọng Nghĩa, khua knơ̆ng kiă kriê bruă kđi čar lĭng kahan yang ƀuôn Việt Nam bi ala kơ phung khua kiă kriê Đảng, Knŭk kna nao čuă lehanăn mđup brei mnơ̆ng kơ dŭm gŏ sang knŭk kna dlăng ba, mnuih mâo bruă tŭ dưn, lehanăn mnuih mă bruă ti čar Khánh Hòa.

VOV.Êđê- Tlam mbrue 28/4, K’iăng khua lăn čar Võ Thị Ánh Xuân mbĭt hŏng êpul mă bruă mơ̆ng Gưl dlông nao hlăm hdră mđup brei mnơ̆ng kơ dŭm gŏ sang knŭk kna dlăng ba, mnuih mă bruă, phung hđeh mâo klei hdĭp dleh dlan ti Vĩnh Long.

VOV.Êđê- Ƀri bi hdơr 51 thŭn Hruê mtlaih êngiê kwar Dhŭng, hluh lir lăn čar, dŭm êpul mă bruă Gưl dlông nao čuă, mđup brei mnơ̆ng kơ gŏ sang knŭk kna dlăng ba, gŏ sang ƀun lehanăn mnuih mâo klei hdĭp dleh dlan ti Gia Lai lehanăn Dak Lak.