Yan không 2025-2026, kluôm êpul kahan 5 tui duah, bi kƀĭn 481 klang kleh kahan djiê êngiă. Hlăm wưng 1 mơ̆ng hdră, mơ̆ng hruê 15/3 -1/11/2026, dŭm êpul bi kƀĭn 390 klang kahan djiê êngiă hlăm ala čar, 6 klang ti Lào leh anăn 35 klang ti Campuchia. Êpul kahan 5 leh anăn dŭm alŭ wăl lŏ dơ̆ng mâo giăm 1.300 klei hâo hưn kơ kahan djiê êngiă, msat kahan djiê êngiă, ksiêm dlăng, bi mklă, msir mgaih 820 klei hâo hưn.

Hlăm wưng 2, Êpul kahan 5 gĭr tui duah, bi kƀĭn giăm 1000 klang kleh kahan djiê êngiă, bi leh mkŏ mjing anôk bruă ngă hră mơar kơ kahan djiê êngiă, msat kahan djiê êngiă. Êpul kahan lŏ dơ̆ng bi hgŭm dŭm anôk bruă djŏ tuôm 3 čar Dhŭng Lao leh anăn 4 čar Campuchia bi mklă klei hâo hưn, mkŏ mjing tui duah, gĭr bi kƀĭn êbeh 100 klang kahan djiê êngiă ti dua ala čar găp hlăm yan không 2026-2027. Thŭn 2027, Êpul kahan kčah klei kñăm bi leh klei kčah čŭn alŭ wăl, čih mkra hla kak tui duah, bi kƀĭn gưl dua leh anăn mă mta ksiêm mkă mơ̆ng 100% găp djuê phung kahan djiê êngiă adôk kƀah klei hâo hưn dôk jưh ti alŭ wăl.