Klei čuăl mkă kluôm kơ ƀuôn hgŭm Đức Trọng mâo mbha dua gưl truh kơ thŭn  2030 lehanăn truh kơ thŭn 2050.  Mtă kñăm jing duh bi liê rŭ mdơ̆ng ƀuôn hgŭm Đức Trọng jing wăl ƀuôn prŏng knơ̆ng, jing mbha mkŏ hŏng ala tač êngao, jing anôk mkŏ êlan klông êran pral, lehanăn jing anôk mâo tač êdeh phiơr Liên Khương; rŭ mdơ̆ng mđĭ kyar jing anôk phŭn kơ bruă kiă kriê, lehanăn bruă kđi čar čar Lâm Đồng mjing ai ktang mrâo kơ bruă mđĭ kyar kluôm mơ̆ng wăl ƀuôn prŏng Đức Trọng lehanăn alŭ wăl riêng gah…

Knơ̆ng bruă sang čư̆ êa čar Lâm Đồng jao leh kơ dŭm knơ̆ng dhar bruă djŏ tuôm lehanăn knơ̆ng bruă sang čư̆ êa ƀuôn hgŭm Đức Trọng bi hgŭm mkŏ mjing, bi êdah hdră êlan čuăl mkă, rơ̆ng kơ bruă čuăl mkă bi sa hnơ̆ng, năng dưi mă bruă, lehanăn djŏ guôp hŏng hdră mđĭ kyar čar. Wưng kčah bruă čuăl mkă hlăm 3 mlan gưl dua thŭn 2026, ba yua ngăn prăk alŭ wăl./.