Khua bruă kƀĭn ala Trần Thanh Mẫn mñă, anei jing klei mă bruă yuôm bhăn, kyuadah anôk bruă hdră bhiăn lehanăn hlue ngă klei bhiăn jing anôk bruă yuôm bhăn, mâo bruă klam kơ jih bruă mơ̆ng anôk bruă kƀĭn ala mă bruă, boh nik êjai Đảng drei dôk bi leh klei bhiăn kjăp, bi mâo hdră bhiăn đĭ kyar sĭt, pioh mjing kơ klei mđĭ kyar prŏng, bruă bi leh klei bhiăn pioh pŏk êlan kơ klei mđĭ kyar.

Khua bruă ƀĭn ala mtă kơ êpul khua kiă kriê anôk bruă anei mđing bi leh 5 êpul bruă prŏng, bi mngač hdră êlan kơ klei mkŏ mjing, lehanăn ngă bruă leh klei bi mŭt mbĭt; klei hlue ngă jih jang bruă prŏng mâo anôk bruă Đảng hlăm bruă kƀĭn ala, dhar bruă gĭt gai bruă kƀĭn ala, Khua kiă kriê bruă kƀĭn ala jao, boh nik mkŏ mjing klei bhiăn, kdơ̆ng hŏng klei ƀơ̆ng ngăn, klei bi liê hơăi mang, klei amâo mâo djŏ, bi ksiêm wĭt jih jang hră mơar djŏ tui si klei bhiăn, bi kăp ksiêm klei mă bruă hlăm bruă sang čư̆ êa dua gưl./.