VOV.Êđê- Ti čar Dak Lak mrâo čih yap mnuih ruă tal 2 djiê kyua êngoh bi ƀlĕ êrah hlăm thŭn 2026.

VOV.Êđê- Tlam hruê 8/9, ti Anôk bruă knŭk kna, Khua knŭk kna Lê Minh Hưng gĭt gai leh klei mă bruă hŏng Phŭn bruă mdrao mgŭn lehanăn dŭm phŭn, dhar bruă djŏ tuôm kơ hdră čih mkra Hdră bhiăn mkra mlih, thiăm mbŏ dŭm mta mơ̆ng Hdră bhiăn ksiêm mkă dlăng, mdrao klei ruă, Hdră bhiăn êa drao lehanăn Hdră bhiăn klei doh êƀăt mnơ̆ng ƀơ̆ng.

VOV.Êđê- Čiăng mđĭ hĭn bruă răng mgang, kriê dlăng leh anăn mđĭ klei suaih pral mnuih ƀuôn sang hluê si hdră mtrŭn mrô 72 thŭn 2025 mơ̆ng Phŭn bruă kđi čar, čar Gia Lai dôk pŏk ngă lu hdră êlan mdê hjăn duh bi liê kơ bruă mdrao mgŭn nah gŭ. Hlăm anăn năng mđing jing hdră duh bi liê giăm 300 êklai prăk kơ bruă mdrao mgŭn dŭm să krĭng dleh dlan, bruă pŏk ngă klei mkă dlăng klei suaih pral grăp gưl amâo mâo mă prăk kơ mnuih ƀuôn sang ti 12 să knông lăn, plao ksĭ; leh anăn bruă bi mlih dŭm čô aê mdrao mơ̆ng dŭm sang êa drao wĭt ngă bruă ti dŭm anôk bruă mdrao mgŭn.

VOV.Êđê- Mŭt hlăm yan hjan, klei ruă êngoh bi ƀlĕ êrah Dengue ti Dak Lak dôk mâo klei đĭ lar. Yap mơ̆ng akŏ thŭn truh kơ ară anei, kluôm čar mâo leh êbeh 4.200 čô ruă êngoh bi ƀlĕ êrah, hlăm anăn mâo 1 čô djiê. Jing klei năng mđing êdi, phung hđeh mâo ênoh amâo djŏ ƀiă ôh hlăm ênoh mnuih ruă nao đih mdrao. Boh sĭt brei ƀuh, lu mnuih ruă nao ti anôk mdrao mgŭn hlăk klei ruă đuĕ nao kơ kjham kyua ngă ngơi mang, čŏng mdrao ti sang. Klei anei ngă mđĭ hĭn klei huĭ hyưt truh kơ kjham, tăp năng truh kơ djiê mnuih ruă.

VOV.Êđê- Klei ruă asâo miêô khŏ kĕ dôk dleh ktuê dlăng ti Lâm Đồng, mơ̆ng akŏ thŭn truh ară anei mâo leh 1 čô djiê leh anăn mrâo anei, sa drei asâo đing mâo klei ruă asâo miêô khŏ kĕ ngă djiê 5 čô mnuih ti să Hàm Thuận Bắc.

VOV.Êđê- Klei ruă amâo mâo jăk hlăm klei mĭn kŏ dlô jing dŭm klei amâo mâo jăk hlăm ai tiê klei mĭn, ngă hmăi djŏ kơ klei thâo bi blŭ hrăm, bi mguôp hlăm yang ƀuôn leh anăn klei ngă bruă mơ̆ng phung hđeh. Ară anei klei kreh knhâo ka dưi bi mklă ôh phŭn agha djŏ tuôm ngă truh klei anei ƀiădah klei hmăi mơ̆ng klei anei ngă kơ klei đĭ hriê kơ prŏng, bi mguôp hŏng yang ƀuôn mơ̆ng phung hđeh jing klă mngač êdi. Hlăm boh sĭt, lu phung amĭ ama ka thâo săng klă ôh kơ klei anei, ba hđeh nao mkă dlăng êmưt ngă kơ klei tŭ mdrao mgŭn amâo mâo lu ôh.

VOV.Êđê- Knŏng dôk 3 hruê dơ̆ng, Knăm mơak boh durian čar Dak Lak thŭn 2026 srăng mkŏ mjing ti lu alŭ wăl hlăm čar. Čiăng rơ̆ng klei doh êƀăt mnơ̆ng ƀơ̆ng ti knăm mơak, Anôk bruă mdrao mgŭn Dak Lak dôk mjêč pŏk ngă dŭm hdră msir, pral gang mkhư̆ leh anăn msir mghaih dŭm klei bluh mâo.

VOV.Êđê- Mơ̆ng thŭn 2026 truh ară anei, Dak Lak mâo giăm 2.500 čô êngoh bi ƀlĕ êrah ti 102 să, ƀuôn hgŭm, đĭ hlăm brô 10% mkă hŏng wưng anei thŭn êlâo. Hlăk êjai ênoh mnuih ruă đĭ nanao, lu mnuih ƀuôn sang ăt dôk mâo klei ngă ngơi mang, knŏng nao sang êa drao tơdah truh kjham leh. Mbĭt hŏng klei dleh dlan kơ mnuih mă bruă, kdrăp mnơ̆ng leh anăn prăk bi liê gang mkhư̆ klei ruă ti nah gŭ, huĭ kơ klei ruă tưp lar ti lu anôk.

VOV.Êđê- Hluê ngă hdră mtrŭn mrô 72 mơ̆ng Phŭn bruă kđi čar kơ Đa đa hdră êlan kdlưn hĭn, mđĭ hĭn klei răng mgang, kriê dlăng leh anăn mđĭ klei suaih pral mnuih ƀuôn sang, čar Dak Lak mkăp leh 400 êklai prăk čiăng brei kơ dŭm alŭ wăl ngă klei ksiêm mkă grăp tuôr, ksiêm mkă hrŏng kơ jih jang mnuih ƀuôn sang thŭn 2026.

VOV.Êđê- Ơ ƀĭng dôk hmư̆! Dŏng sa čô mnuih jing yuôm bhăn êdimi, jing klei hmăng hmưi mơ̆ng phung hgŭm hlăm êpul myơr êrah hin Rh-čar Dak Lak. Kyuanăn, grăp blư̆ mâo đĭng blŭ iêo čiăng kơ êrah hin, diñu amâo mâo uêñ kơ hruê mlam, boh taih, mâo mta ƀô̆ mta ti sang êa drao, ba mbĭt klei hmăng hmưi dŏng hdĭp phung ka tuôm kral. Dŭm bruă yuôm bhăn anăn mơ̆ng diñu amâo djŏ knŏng dŏng hdĭp 1 mnuih ƀiădah lŏ bi lar ai tiê thâo khăp leh anăn bruă klam hŏng êpul êya, đru mkŏ mjing ayng ƀuôn thâo bi khăp, bĭ mguôp leh anăn đĭ kyar.