VOV.Êđê- Êngoh bi ktư̆ jing klei ruă tưp mơ̆ng kman Plasmodium ngă, bi mtưp lu hĭn jing mơ̆ng kêč Anopheles. Wăt tơdah klei ruă Êngoh bi ktư̆ ti alŭ wăl c̆ar Dak Lak dŭm thŭn giăm anei dưi ksiêm dlăng leh ƀiădah klei huĭ srăng mâo klei ruă ăt adôk mâo ti dŭm alŭ wăl, boh nik jing dŭm anôk mnuih ƀuôn sang khăng nao hlăm dliê, pĭt đih hlăm hma amâo dah mâo klei bi mjĕ, êrô hiu mơ̆ng krĭng dôk mâo klei ruă êngoh bi ktư̆. Kyua anăn, bruă krơ̆ng kjăp dŭm klei mưng gang mkhư̆ klei ruă, pral thâo ƀuh leh anăn mdrao mgŭn hnưm ti mnuih huĭ srăng mâo klei ruă jing hdră msir yuôm bhăn c̆iăng răng mgang klei suaih pral êpul êya, mđing truh kơ mta kñăm bi hrŏ klei ruă êngoh bi ktư̆.

VOV.Êđê- Ênoh mnuih ruă êngoh bi ƀlĕ êrah đĭ pral ti dŭm čar Lăn Dap Kngư leh anăn dôk ngă klei ktrŏ kơ dŭm anôk bruă mdrao mgŭn leh anăn huĭ srăng lar pral. Anôk bruă ksiêm dlăng klei ruă tưp dŭm čar dôk mjêč pŏk ngă dŭm hdră msir bi hrŏ ênoh mnuih ruă mrâo, ksiêm dlăng anôk mâo klei ruă, amâo brei klei ruă tưp lar pral.

VOV.Êđê- Mbĭt hŏng hdră duh bi liê mơ̆ng Knŭk kna, Dak Lak dôk iêô mkrum ai dưi yang ƀuôn čiăng thiăm mbŏ dŭm kdrăp mnơ̆ng, anôk bruă nah gŭ mkăp kơ mnuih ƀuôn sang. Mơ̆ng anôk bruă mdrao mgŭn, dŭm hdră bi mlih mrô dưi ba hlăm dŭm hdră bruă klă klơ̆ng, đru bi hrŏ klei ngă hră mơar, bi hrŏ mmông leh anăn mđĭ hnơ̆ng tŭ jăk.

VOV.Êđê- Ti Dak Lak mrâo mkŏ mjing Klei bi kƀĭn mđĭ hdră gang mkhư̆, mdrơ̆ng hŏng klei ruă asâo miêo Khŏ kĕ, kñăm ksiêm dlăng boh klei leh anăn mtrŭt mđĭ pŏk ngă Hdră ala čar kñăm gang mkhư̆, mdrơ̆ng hŏng klei ruă Khŏ wưng thŭn 2022-2030. Klei bi kƀĭn jing hdră mđing truh kơ Hruê tar rŏng lăn gang mkhư̆, mdrơ̆ng hŏng klei ruă Khŏ thŭn 2026, mâo Phŭn bruă lŏ hma leh anăn wăl hdĭp mda bi hgŭm hŏng Anôk bruă ksiêm dlăng klei ruă tưp Lăn Dap Kngư leh anăn Knơ̆ng bruă mdrao mgŭn čar Dak Lak mkŏ mjing.

VOV.Êđê- Ruă tian eh jing klei ruă kreh tuôm hŏng phung hđeh, boh nik hđeh ti gŭ 5 thŭn. Anei jing klei ruă ngă truh klei djiê mrô sa ti phung hđeh gưl thŭn anei. Kman Rota jing sa hlăm dŭm mta phŭn ngă truh klei ruă. Mơ̆ng thŭn 2024, vaccine Rota gang mkhư̆ klei ruă tian eh dưi ba hlăm Hdră tlŏ mgang pŏk mlar, tlŏ amâo liê prăk kơ phung hđeh ti dŭm čar dleh dlan leh anăn srăng pŏk ngă kluôm ala mơ̆ng thŭn 2026. Anei jing hdră msir tŭ dưn đru bi hrŏ hnơ̆ng ênoh mnuih ruă êngoh bi ƀlĕ êrah, răng mgang klei suaih pral phung hđeh.

VOV.Êđê- Anôk bruă mdrao mgŭn Dak Lak dôk mtrŭt mđĭ hdră bi mlih mrô dŭm bruă ngă hră mơar. Truh ară anei, mnuih ƀuôn sang mphŭn dưi ngă hră mơar ksiêm mkă dlăng, mdrao klei ruă hŏng kdrăp điện tử; dŭm anôk bruă mdrao mgŭn ăt pŏk ngă hră ênua điện tử leh anăn tla prăk amâo yua prăk êlâo. Dŭm klei găl mrô anei hlăk ƀrư̆ ƀrư̆ đru kơ mnuih ƀuôn sang dưi dưn bruă mdrao mgŭn găl ênưih hĭn, mbĭt anăn mđĭ hnơ̆ng tŭ jăk hlăm bruă ksiêm mkă dlăng - mdrao klei ruă ti alŭ wăl.

VOV.Êđê- Klei ruă kđuč êka hlăm êhŭng jing sa mta klei ruă kreh mâo, boh nik hlăm klei hdĭp ênuk ară anei. Kyua klei kreh mâo mơ̆ng klei ruă anei ngă kơ lu mnuih amâo mâo mđing, dlăng hơăi mang dŭm klei bi knăl tal êlâo. Klei ruă kđuč êka hlăm êhŭng amâo djŏ knŏng jing klei ruă ƀrư̆ ƀrư̆ ƀiădah truh kơ klei ruă kjham hŭi hyưt truh kơ klei suaih pral.

VOV.Êđê- Hruê kăm êgao, čar Gia Lai čih yap 2 čô hđeh djiê kyua klei ruă khŏ, mđĭ ênoh mnuih djiê kyua klei ruă anei mơ̆ng akŏ thŭn 2026 truh kơ ară anei truh 5 čô.

VOV.Êđê- Ti čar Dak Lak mrâo čih yap mnuih ruă tal 2 djiê kyua êngoh bi ƀlĕ êrah hlăm thŭn 2026.

VOV.Êđê- Tlam hruê 8/9, ti Anôk bruă knŭk kna, Khua knŭk kna Lê Minh Hưng gĭt gai leh klei mă bruă hŏng Phŭn bruă mdrao mgŭn lehanăn dŭm phŭn, dhar bruă djŏ tuôm kơ hdră čih mkra Hdră bhiăn mkra mlih, thiăm mbŏ dŭm mta mơ̆ng Hdră bhiăn ksiêm mkă dlăng, mdrao klei ruă, Hdră bhiăn êa drao lehanăn Hdră bhiăn klei doh êƀăt mnơ̆ng ƀơ̆ng.