VOV4.Êđê- Giăm 20 thŭn siă suôr ti krĭng knông lăn, Nai aê mdrao Nguyễn Văn Quốc Trí – Kơiăng khua Adŭ mdrao mgŭn lĭng kahan hŏng mnuih ƀuôn sang Axan hlăm Kđông kahan răng mgang knông lăn Tr’hy, Lĭng kahan răng mgang knông lăn čar Quảng Nam gĭr tui ksiêm, mđĭ klei thâo kơ bruă, dlăng kriê klei suaih pral kơ mnuih ƀuôn sang ti krĭng knông. Boh nik, lu thŭn êgao, aê mdrao Trí lŏ mdrao mgŭn kơ lu mnuih ƀơ̆ng djŏ mmao ruă, hla ngón, hnuê duč, ală čoh, boh nik mâo lu phung mniê truh tian êjai dôk ti krah êlan… Dŭm bruă ngă mơ̆ng Aê mdrao Nguyễn Văn Quốc Trí bi êdah klei khăp, klei hgŭm mguôp plah wah lĭng kahan hŏng mnuih ƀuôn sang, mjing klei đăo knang hlăm ai tiê mnuih ƀuôn sang ti krĭng knông lăn.

VOV4.Êđê - Thụ tinh hlăm đĭng ksiêm hriăm jing hdră đru ƀă kkiêng anak mrâo mrang leh anăn tŭ dưn hĭn ară anei kơ hlâo ung mô̆ sui mâo anak. Hlue si klei ksiêm yap, ênoh phung amâo mâo anak ară anei ƀrư̆ hruê ƀrư̆ đĭ, mđrĭng hŏng bruă ƀrư̆ hruê mâo lu gŏ sang duah hdră thụ tinh hlăm đĭng ksiêm hriăm hŏng klei čang hmăng mâo anak. Khădah snăn, anei jing sa hdră mdrao mgŭn mrâo mrang brei mâo lu ai tiê leh anăn prăk bi liê, kyua anăn, grăp hlâo ung mô̆ čiăng ksiêm hriăm bi kjăp hĭn leh anăn mâo klei aê mdrao mtă mtăn čiăng mđĭ ênoh tŭ jing hlăm klei thụ tinh hlăm đĭng ksiêm hriăm.

VOV4.Êđê- Dŭm thŭn giăm anei, klei êdeh đĭ prŏng êlâo kơ thŭn ƀrư̆ hruê ƀrư̆ đĭ ngă kơ lu phung amĭ ama mđing uêñ. Đĭ prŏng êlâo kơ thŭn amâo djŏ knŏng hmăi truh kơ klei suaih pral, klei đĭ prŏng hđeh ƀiădah lŏ hmăi truh kơ ai tiê klei mĭn. Lu phung amĭ ama mđing dlăng, thâo kral hnưm klei đĭ prŏng êlâo kơ thŭn ba leh hđeh nao ksiêm dlăng, mdrao mgŭn khă snăn ăt mâo mơh lu phung amĭ ama ka thâo săng kơ klei anei, amâo thâo kral hnưm, ba leh lu klei truh amâo jăk kơ hđeh. Ti gŭ anei jing klei čih lač kơ klei anei ti Adŭ mdrao klei ruă ti phung hđeh, Sang êa drao prŏng krĭng lăn dap kngư.

VOV4.Êđê - Êbeh 300 čô phung bi ala mơ̆ng dŭm boh sang êa drao nah gŭ hlăm kluôm ala mrâo mâo leh klei bi kƀĭn kreh knhâo mkŏ mjing ti sang êa drao Đại học Y Dược Buôn Ma Thuột, čar Daklak, anei jing bruă ngă kñăm bi hdơr 70 năm hrue phung nai aê mdrao Việt Nam (27/2).

VOV4.Êđê- Mơ̆ng akŏ thŭn truh ară anei, Sang êa drao mdrao hđeh Gia Lai mdrao kơ giăm 500 čô hđeh nao đih mdrao kyua klei ruă ƀlĕ sruê, đĭ lu mkă hŏng wưng anei thŭn 2024. Klei anei ngă kơ Anôk mdrao klei ruă krĭng hlơr lĕ hlăm klei mâo lu mnuih ruă êgao hnơ̆ng.

VOV4.Êđê – Klei truh bi drăm êdeh hlăm êlan klông ăt mâo hlăm grăp hruê, grăp mmông, hmăi truh kơ klei suaih pral, đa đa truh kơ djiê. Bruă dŏng mdrao kơ mnuih mâo klei truh hlăm êlan klông dleh dlan êdi, hŏng mnuih mâo klei truh lŏ mnăm kpiê, ƀiêr hĭn mơh dleh dlan, tlă anăp hŏng lu klei mpĭ.

VOV4.Êđê-Dŭm hruê anei, bruă mdrao mgŭn Dak Lak dôk nanao hlăm boh klei mprăp čiăng rơ̆ng kơ bruă kriê dlăng klei suaih pral, dŏng mdrao mjêč. Mơ̆ng dŭm sang êa drao prŏng ti ƀuôn prŏng Ƀuôn Ama Thuôt truh ti dŭm anôk mdrao mgŭn ti kdriêk, dŭm anôk mdrao mgŭn mprăp mdrơ̆ng hŏng djăp boh klei mjêč, đru kơ mnuih ƀuôn sang mâo sa Tết êđăp ênang.

VOV4.Êđê- Čiăng rơ̆ng klei doh êƀăt mnơ̆ng ƀơ̆ng, bi hrŏ jih hnơ̆ng klei djŏ ƀơ̆ng mta ruă hlăm wưng Tết Nguyên đán Ất Tỵ leh anăn knăm mơak yan mnga thŭn 2025, Êpul gĭt gai mlir dhar bruă gưl dlông kơ klei doh êƀăt mnơ̆ng ƀơ̆ng huă mkŏ mjing leh 5 êpul ksiêm dlăng mlir dhar bruă, kñăm ti 10 čar, ƀuôn prŏng mơ̆ng gưl čar, ƀuôn prŏng truh kơ gưl să, ƀuôn hgŭm. Mta phŭn srăng kñăm ksiêm dlăng dŭm mnơ̆ng dhơ̆ng, mta mnơ̆ng yua hlăm wưng tết, dŭm anôk huă mnăm, hlăm klei ksiêm dlăng čiăng thâo klă ênoh, klei ngă soh čiăng bi klă ƀuah mkra hluê si klei čuăn, mbĭt anăn pluă mbĭt bruă hâo hưn kơ klei doh êƀăt mnơ̆ng ƀơ̆ng hlăm klei ksiêm dlăng.

VOV4.Êđê- Kkiêng anak amâo djăp mlan jing klei truh hlăk êjai ƀă kkiêng anak huĭ hyưt snăk, hmăi lu kơ klei suaih pral, klei hdĭp amĭ leh anăn hđeh. Hlue si phung aê mdrao klei ƀă kkiêng anak, klei kkiêng amâo djăp mlan ƀrư̆ mâo lu hlăm ala ƀuôn mrâo mrang. Kyua anăn, phung amĭ ama brei duah mta phŭn, klei bi knăl leh anăn hdră gang mkhư̆ klei kkiêng anak amâo djăp mlan čiăng kkiêng êđăp ênang.

VOV4.Êđê - Mơ̆ng akŏ mlan 12, Phŭn bruă mdrao mgŭn bi hgŭm hŏng Knơ̆ng bruă sang čư̆ êa ƀuôn prŏng Hà Nội mkŏ mjing Knăm pŏk ngă Mlan ngă bruă ala čar kơ ênoh mnuih ƀuôn sang leh anăn bi hdơr Hruê ênoh mnuih ƀuôn sang Việt Nam (26/12) thŭn 2024 hŏng akŏ “Mđĭ hnơ̆ng jăk ênoh mnuih čiăng kơ lăn čar mdrŏng sah, gŏ sang jăk mơak”. Čiăng kơ bruă djuê ana mđĭ lar klei tŭ dưn, bruă mdrao mgŭn brei gĭr msir mgaih klei lông dlăng ară anei.