VOV.Êđê- Ƀuôn Tuyết Diêm, să Xuân Cảnh, čar Dak Lak dưi mkŏ mjing mơ̆ng akŏ ênuk gưl 19 leh anăn dôk djă pioh truh kơ ară anei. Găn hlăm giăm 200 thŭn, mnuih ƀuôn sang tinei ăt krơ̆ng kjăp lăn ala, krơ̆ng kjăp ƀuôn sang čiăng kriê pioh bruă mkra hra mơ̆ng đưm. Leh anăn truh kơ mlan 8 hluê mlan ƀlĕ grăp thŭn, mnuih ƀuôn sang lŏ bi kƀĭn ti sang yang ƀuôn čiăng mkŏ mjing Knăm ngă yang yan hla luh leh anăn bi hdơr kơ phŭn bruă mkra hra. Anei jing knhuah dhar kreh êpul êya jăk siam, dưi kriê pioh leh anăn lŏ čuê kơ lu ênuk gưl leh anăn jing anôk bi mguôp êpul êya.

VOV.Êđê- Hruê kăm dhar kreh djuê ana Mông tal 4 mkŏ mjing mơ̆ng hruê 9 - 11/10, hŏng giăm 800 čô mbruă, phung kdŏ mmuñ, phung bi lông hriê mơ̆ng 11 čar.

VOV.Êđê- Ƀri gưl knăm Katê thŭn 2026, hruê 7/10, ti să Bắc Bình, êpul mă bruă mơ̆ng bruă Đảng čar Lâm Đồng nao čuă dlăng phung khua kiă kriê, phung nai yơng Hội đồng chức sắc Bàlamôn giáo čar leh anăn mnuih mâo kơhưm hlăm êpul êya Chăm Bàlamôn.

VOV.Êđê- Dhar kreh krĭng čư̆ dliê leh anăn êa ksĭ mơ̆ng čar Dak Lak leh bi mŭt mbĭt dưi hưn mthâo truh kơ mnuih ƀuôn sang Dhŭng Korea hluê hdră bi mjĕ mjuk dhar kreh kdŏ mmuñ mkŏ mjing ti čar Chungbuk mơ̆ng hruê 30/9 truh kơ hruê 6/10.

VOV.Êđê- Knơ̆ng bruă dhar kreh, mjuăt ktang asei mlei leh anăn hiu čhưn ênguê čar Dak Lak mrâo bi hgŭm hŏng sang hră knŭk kna čiêm rông hđeh mnuih djuê ƀiă Đinh Núp, să Phú Mỡ mjưh ruê̆ adŭ mtô bi hriăm hdră tông hgơr dua, čing tlâo, čing năm ti sang hră thŭn 2026. Anei jing hdră jăk siam, leh anăn jing knhuah gru dhar kreh mdê hjăn mơ̆ng mnuih ƀuôn sang dua djuê ana Bahnar leh anăn Čam H'roi.

VOV.Êđê- Leh êbeh 2 mlan mkŏ mjing, knơ̆ng bruă dhar kreh čar Dak Lak bi hgŭm hŏng sang hră knŭk kna čiêm rông hđeh mnuih djuê ƀiă Đinh Núp, să Phú Mỡ mjưh ruê̆ adŭ mtô bi hriăm hdră tông hgơr dua, čing tlâo, čing êma ti sang hră thŭn 2026.

VOV.Êđê- Ti Lăn Dap Kngư, sang roong mơ̆ng sui jing leh klei bi knăl kơ ƀuôn sang Bahnar. Čuôr sang dlông dlĭn amâo djŏ knŏng mjing rup ƀuôn sang, ƀiădah lŏ jing anôk êpul êya bi tuôm, bi trông kơ bruă mbĭt, mkŏ mjing dŭm klei bhiăn, tông čing čhar leh anăn bi lar dŭm boh tŭ yuôm dhar kreh mơ̆ng ênuk anei truh kơ ênuk êdei.

VOV.Êđê- Amâo mâo knưl rang mdah prŏng, knŏng dŭm ƀĕ đĭng đrao, kbuôn adrăng, dŭm boh mdhô̆ dưm ti krah sa wăl anôk mtah mda ti djiêu hnoh êa êngeh siam đoh mơ̆ng ênao Mỹ Lâm, hdră kdŏ mmuñ êpul êya "Bi tuôm hŏng Mỹ Lâm" dưi mphŭn pŏk mơ̆ng knhal jih mlan 8, akŏ mlan 9/2026 pral dưi mâo klei iêo jak jăk êdi. Mbĭt hŏng êa hnoh Lạnh, dliê êa Bầu Đá, ƀuôn mnga krih Vinh Ba leh anăn ară anei jing Bi tuôm hŏng Mỹ Lâm...., să Hoà Thịnh dôk mkŏ mjing sa wăl anôk dhar kreh-hiu čhưn ênguê mrâo mrang êdi.

VOV.Êđê- Ti krah mđiă angĭn krĭng čư̆ dliê, ênai čing mâo leh hlăm dŭm ênuk klei hdĭp mnuih Êđê. Ti anăp klei mlih mrâo, să Dang Kang, čar Dak Lak dôk gĭr krơ̆ng kjăp ênai čing kyua phung thâo mbruă gĭr mtô kơ phung mda asei. Hŏng 33 kdrăp čing čhar, êbeh 50 čô thâo tông leh anăn 6 čô thâo mdêč čing, anei jing ngăn drăp yuôm bhăn čiăng kơ Dang Kang lŏ dơ̆ng kriê pioh dhar kreh knhuah gru ti krah klei hdĭp hruê anei.

VOV.Êđê- Mơ̆ng dŭm hruê knăm amâo mkŏ mjing, amâo mâo knưll mdah truh kơ hdră 30 thŭn mkŏ wĭt dhar kreh mơ̆ng phung mbruă, dŭm êpul êya mnuih djuê ƀiă ti krĭng čư̆ čhiăng Đà Nẵng ƀrư̆ ƀrư̆ bi sĭt Hdră mtrŭn 80 mơ̆ng Phŭn bruă kđi čar, bi mlih dhar kreh djuê ana jing boh kdrŭt đĭ kyar hơĭt kjăp.