VOV.Êđê- Ngă yang pin êa jing sa hdră bhiăn mâo mơ̆ng đưm mơ̆ng lu djuê ana ti Lăn Dap Kngư, bi êdah klei mpŭ hŏng akŏ êa - phŭn klei hdĭp mơ̆ng ƀuôn sang. Dŭm thŭn giăm anei, hŏng klei duh bi liê klei đru mơ̆ng dhar bruă dhar kreh, klei ngă yang pin êa ti lu ƀuôn êlan dưi mkŏ wĭt, đru djă pioh knhuah siam dhar kreh dŭm djuê ana, mbĭt anăn mkŏ mjing mnơ̆ng dhơ̆ng hiu čhưn ênguê iêo jak phung tuê.

VOV.Êđê- Ênai čing kdrăm kơah, ênhiang kdŏ čhuang êdu ê’un, đŏk mngač siam jiă knhuah čư̆ dliê, mnơ̆ng ƀơ̆ng jăk đŏk kƀông… jing dŭm klei ktŭng lẹh jơ̆ng lu phung tuê hiu čhưn ênguê tơdah truh ti Dak Lak. Wăl anôk dhar kreh djuê ana Êđê mơ̆ng đưm dưi mdah wĭt ti wăl anôk ƀuôn prŏng ti Ƀuôn Ama Thuôt ngă lu phung tuê khăp êdi tơdah truh ti krĭng lăn anei. Leh anăn wăl anôk anei mâo nanao phung mduôn khua, hđeh êlăk, êdam êra ti dŭm ƀuôn sang Dak Lak lŏ čuê kriê pioh lehanăn mđĭ lar hlăm klei hdĭp ênuk mrâo.

VOV.Êđê- Čar Lâm Đồng dôk mjêč bi leh bruă mprăp kơ Hdră “Ênai čing čhar Ngŏ Dhŭng Asi 2025”, mkŏ mjing mơ̆ng hruê 19–21/12/2025 ti Wăl tač Lâm Viên – Đà Lạt.

VOV.Êđê – Hruê mbruê (26/10), ti Ƀuôn Tơ̆ng Jŭ, ƀuôn hgŭm Êa Kao, Êpul bruă Văn học Nghệ thuật Dak Lak mkŏ mjing knăm mjưh ruĕ Adŭ bi hriăm kdŏ ênhiang djuê ana Lăn dap kngư thŭn 2025.

VOV.Êđê - pui jing sa čô mtao hlăm klei yăl dliê đưm mnuih Jarai ti čar Gia Lai, lŏ čuê mơ̆ng 14 ênuk. Thŭn 1993, Knăm akâo hjan “Yang Pơtao Apui” mơ̆ng mnuih Jarai dưi tŭ yap jing Mnơ̆ng kriê pioh dhar kreh amâo êdah kklă; ƀuôn Ơi (anôk Mtao Pui hdĭp mda, ară anei jing să Čư̆ A Thai, čar Gia Lai) jing Mnơ̆ng kriê pioh hƀuê ênuk dhar kreh gưl ala čar. Knăm akâo hjan “Yang Pơtao Apui” jing knăm mơak dhar kreh mdê hjăn mnuih Jarai ti čar Gia Lai, iêô jak lu tue hiu čhưn.

VOV.Êđê - Dŭm thŭn êgao, lu alŭ wăl ti Gia Lai pŏk ngă tŭ dưn bruă kriê pioh dhar kreh mnuih djuê ana ƀiă đưm čiăng ngă bruă hiu čhưn ênguê êpul êya. Mơ̆ng anăn, đru kriê pioh boh tŭ yuôm dhar kreh, mđĭ klei hdĭp mnuih ƀuôn sang. Êdah êdi msĕ si ƀuôn Mơhra Đáp, să Tơ Tung, hlăk jing anôk truh jăk êdi hŏng gru hmô hiu čhuen ênguê êpul êya. Tinei, dhar kreh đưm mnuih Bahnar dưi kriê pioh lehanăn mđĭ lar hŏng sa hdră jăk, mjing klei jăk jăk iêu lu phung tuê hiu čhưn ênguê.

VOV.Êđê- Hŏng klei bi liê mơ̆ng knŭk kna, ƀuôn djuê ana Kling Trao 1, să Di Linh, čar Lâm Đồng, jing leh hdră bruă dhar kreh djuê ana K’Ho dôk dưi kriê pioh, mđĭ lar, mjing hdră duh ƀơ̆ng đru kơ mnuih ƀuôn sang djuê ƀiă mđĭ kyar hiu čhưn ênguê, mđĭ kleii hdĭp mda mnơ̆ng dhơ̆ng leh anăn ai tiê. Anei jing wăl hlăp lêñ duh kơ bruă hiu čhưn ênguê, ăt jing anôk ksiêm dlăng boh sĭt kơ dhar kreh djuê ana mâo lu anôk mtô bi hriăm hrŏng ruah. Ti tluôn anei, alum kơ ƀĭng drei mđing hmư̆ klei čih ti ƀuôn dhar kreh Klong Trao, čar Lâm Đồng:

VOV.Êđê- Lu klei blŭ bi lač čar Gia Lai čiăng mkŏ mjing hdră êlan hâo hưn wưng sui, bi klă anăn knăl hiu čhưn ênguê phŭn hŏng dŭm gru hmô msĕ si čing čhar, klei khan, sang rong.

VOV.Êđê- Krĭng lăn dap kngư bŏ hŏng angĭn lehanăn mđiă, anôk mâo wăl anôk čing čhar Lăn dap kngư mâo UNESCO tŭ yap jing knhuah gru dhar kreh amâo êdah klă mơ̆ng anak mnuih tar rŏng lăn. Hlăm klei hdĭp mrâo, mnuih ƀuôn sang Lăn dap kngư dôk hrăm mbĭt kriê pioh, mđĭ lar boh tŭ yuôm dhar kreh jăk siam čiăng mđĭ kyar bruă hiu čhưn ênguê, mjing hdră duh ƀơ̆ng. Amâo djŏ knŏng phung mbruă khua thŭn dôk kriê pioh knhuah dhar kreh djuê ana mơ̆ng đưm, ƀiădah maoa leh lu phung êdam êra mnuih djuê ana ƀiă hŏng klei thâo, pral kdal, mĭn mrâo lehanăn ba yua kdrăp mrâo, hlăk dôk jak iêu lu phung tuê hiu čhưn êngiuê truh ti lăn dap kngư hŏng knhuah dhar kreh jăk siam mơ̆ng djuê ana pô.

VOV.Êđê- Ti krah wăl dhar kreh Lăn Dap Kngư, mâo phung dôk kriê pioh “mngăt čing: hŏng knga thâo hmư̆ leh anăn kngan mbruă. Ti ƀuôn hiu čhưn ênguê êpul êya Akŏ Dhông, čar Dak Lak, pô mbruă êdah êdi Y Bhiông Niê (djuê ana Êđê) dôk tông čing, lŏ duah ênai djŏ kơ rĭng čing duh kơ tue hiu čhưn. Ti să Đức Lập, čar Lâm Đồng, Pô mbruă yang ƀuôn Y Kri(djuê ana M’Nông) ăt dôk hur har mtô kơ hdră mgăl čing kơ phung mda asei. Ti ƀuôn Kon Wang, să Tân Tiến, čar Dak Lak, pô mbruă Thiap (djuê ana Sêdang) jih ai tiê mtô tông čing, leh anăn mkŏ mjing leh 4 êpul tông čing - kdŏ mmuñ ênhiang djuê ana. Mơ̆ng kiê kngan leh anăn ai tiê phung mbruă anăn, ênai čing Lăn Dap Kngư dưi kơrŭ wĭt, kriê pioh leh anăn lar bra. Anăn jing mnơ̆ng dhơ̆ng hiu čhưn ênguê dhar kreh jăk siam ti Lăn Dap Kngư.