VOV.Êđê- Bơ̆k bâo kơ ƀuôn Bàu Trúc ti să Ninh Phước, čar Khánh Hoà, arăng kreh mĭn mtam kơ bruă mkra mnơ̆ng čuh hŏng lăn, ƀiă sơnăk phung thâo tinei adôk sa gŏ sang ăt djă pioh bruă mă đưm mơ̆ng djuê ana Chăm, anăn jing bruă krah mkra rup hŏng mta prăk. Anei jing jing anôk mkra dŭm mta mnơ̆ng krah yua hlăm dŭm hdră bhiăn mơ̆ng mnuih djuê ana Chăm.

VOV.Êđê- Ti djiêo kpur pui dôk trơ̆ng hlăm sang krum Êđê, dŭm klei khan ăt kwang amâo djŏ knŏng yăl dloê kơ phung jhŏng ktang ƀiădah lŏ pŏk wăt sa sang hjiê hƀuê ênuk, dhar kreh leh anăn klei hdĭp ai tiê mơ̆ng dŭm djuê ana Lăn Dap Kngư. Găn lu ênuk gưl, klei khan ăt jing klei kă êpul êya hŏng phŭn agha, djă pioh dŭm knhuah siam leh anăn boh tŭ dưn yuôm bhăn. Mnơ̆ng kriê pioh anei mâo dhar bruă djŏ tuôm dôk gĭr djă pioh leh anăn bi lar čiăng lŏ bi siam hĭn knhuah siam klei hdĭp ti Lăn Dap Kngư.

VOV.Êđê- Ti krah čư̆ čhiăng Trường Sơn krưh kơăm, anôk dŭm ƀuôn êlan mnuih Pa Cô hdĭp ti djuê hnoh êa leh anăn ping čư̆, ăt dôk mâo sa knăm mơak knhuah gru mơ̆ng hdră bhiăn leh anăn ai tiê yang ƀuôn. Anăn jing knăm mơak A Riêu Âr Pục, sa hdră bhiăn dưi bi hmô msĕ si anôk phat mkra bi mgrăng dŭm klei amâo thâo bi djŏ mơ̆ng mnuih Pa Cô mơ̆ng đưm đă leh.

VOV.Êđê- Knơ̆ng bruă dhar kreh mjuăt ktang asei mlei leh anăn hiu čhưn ênguê čar Dak Lak mrâo mkŏ mjing klei kƀĭn trông mă klei blŭ mguôp Hdră êlan mđĭ kyar bruă hiu čhưn ênguê čar Dak Lak wưng thŭn 2026 - 2030, tă hdră truh thŭn 2050. Klei kƀĭn mâo klei nao hgŭm mơ̆ng dŭm knơ̆ng, dhar bruă, alŭ wăl, phung thơ̆ng kơ bruă, knơ̆ng bruă leh anăn anôk bruă hlăm bruă hiu čhưn ênguể.

VOV.Êđê- Ti sang kriê pioh Dak Lak mkŏ mjing hdră ngă bruă mtô bi hriăm, lông dlăng hŏng akŏ “Kdrăm kơah hruê mdei prŏng”. Bruă anei ƀri Hruê phung hđeh dlông rŏng lăn 1/6 leh anăn mđing kơ Hruê wăl hdĭp mda dlông rŏng lăn 5/6, mjing thiăm tač hlăp kơ phung hđeh krĭng wăl Ƀuôn Ma Thuôt leh anăn dŭm alŭ wăl riêng gah.

VOV.Êđê - Ti krĭng Lăn Dap Kngư jăk siam, ênai jing mơ̆ng đưm jing leh ênai mưng hŏng klei hdĭp mda tiê mnuih Bahnar. Dŭm ênhiang mmuñ djuê ana jăk siam, êdu êun amâo djŏ knŏng lač kơ klei hdĭp mă bruă ôh ƀiădah lŏ jiă knhuah dhar kreh jih sa djuê ana. Hlăm hdră kriê pioh ênoh yuôm djuê ana anăn, pô mbruă Đinh Hdot ti ƀuôn Đak Pơkao, să Tơ Tung, čar Gia Lai mâo lu mnuih lač msĕ si sa čô kriê pioh dhar kreh jih ai tiê ti ƀuôn sang. Pô mbruă Đinh Hdot pioh leh lu thŭn čiăng mkŏ mjing leh anăn mđĭ lar êpul tông čing, mmuñ ênhiang djuê ana. Hŏng klei khăp êlam hŏng dhar kreh djuê ana, ñu đru mguôp kriê pioh ênai čing, klei mmuñ ênhiang djuê ana leh anăn lar bra klei ktưn hưn kơ knhuah dhar kreh Bahnar ti krah klei hdĭp mrâo mrang.

VOV.Êđê - Hlăm ai êwa kdrăm kơah čing čhar ti krah ƀuôn prŏng  Pleiku, Gia Lai, dŭm wang čhuang êdu êun, čeh kpiê ƀâo mngưi leh anăn klei bhiăn djuê ana mnuih Jarai hlai mbĭt mjing rup dhar kreh Lăn Dap Kngư jăk siam. Hdră “Čing čhar knhal jih hruê kăm - mđing hmư̆ leh anăn ksiêm dlăng” amâo djŏ knŏng ba êa mil knăm mơak jăk siam ôh ƀiădah lŏ jing klei mkŏ tue hiu čhưn dlăng, thâo ƀuh leh anăn hrăm mbĭt kriê pioh wăl dhar kreh čing čhar Lăn dap Kngư.

VOV.Êđê - Ti krah krĭng čư̆ čhiăng Đồng Bò, nah yŭ dhŭng Nha Trang, čar Khánh Hòa, mâo sa wăl bi hdơr kơ Khua gĭt gai Hồ Chí Minh prŏng êbeh 2.000m² kyua sa čô kahan hđăp čŏng mkŏ mjing hlăm tlâo thŭn. Hŏng Bùi Xuân Phước, bruă mkŏ mjing anôk bi hdơr kơ Awa Hồ amâo djŏ knŏng jing klei čiăng mơ̆ng sa čô kahan ôh, ƀiădah lŏ jing klei čŏng mñă kơ ñu pô jih klei hdĭp hriăm, hlue ngă knhuah jăk Ñu.

VOV.Êđê- Ti ƀuôn hgŭm Ƀuôn Ama Thuôt, čar Dak Lak mkŏ mjing klei bi trông mă klei blŭ mguôp kơ Hdră bruă mđĭ kyar hiu čhưn ênguê wưng 2026–2030, hnơ̆ng trah dlăng truh thŭn 2050.

VOV.Êđê- Knơ̆ng bruă sang čư̆ êa čar Daklak mrâo bi klă leh hdră êlan mkŏ mjing knăm mơak boh durian Daklak thŭn 2026 hŏng akŏ “Boh durian Daklak – mkŏ klei đuĕ nao kbưi”.