VOV4.Êđê - Knăm mơak yan mnga hlăm djăp čar kwar mrâo mkŏ mjing hlăm dua hrue ti ƀuôn Dhar kreh hiu čhưn ênguê dŭm djuê ana Việt Nam (Đồng Mô, Sơn Tây, Hà Nội). Khua lăn čar Lương Cường nao lehanăn mâo klei mơak mbĭt hŏng mnuih ƀuôn sang djăp djuê ana.

VOV4.Êđê - Kdriêk Di Linh, čar Lâm Đồng mâo lu mnuih ƀuôn sang djuê ƀiă, lu jing K’Ho. Mbĭt hŏng kƀĭn mđĭ kyar bruă duh mkra leh anăn klei hdĭp mda, hlăm dŭm thŭn êgao, bruă răng kriê leh anăn mđĭ lar dhar kreh čing čhar mơ̆ng êpul êya tinei ƀrư̆ dưi mđing uêñ.

VOV4.Êđê - Hŏng klei khăp kơ kdrăp tông ayŭ djuê ana, Pô mbruă A Huyền, djuê ana Sêdang, ti wăl krah Đăk Tô - kdriêk Đăk Tô, čar Kon Tum mkra mjing leh leh anăn tông mdah mbruă jăk kdrăp tông ayŭ msĕ si t’rưng, čing boh tâo. Amâo djŏ knŏng mdah hlăm klei mkŏ mjing ti alŭ wăl leh anăn hlăm ala čar ôh, pô mbruă A Huyền lŏ mtô ênhiang mmuñ djuê ana kơ phung mda asei ti alŭ wăl.

VOV4.Êđê - Ti Dak Lak, Knăm ngă yang akŏ Yan mnga Ất Tỵ dưi mkŏ mjing leh ti Knhuah gru hƀuê ênuk ala čar Sang yang Lạc Giao, ƀuôn prŏng Ƀuôn Ama Thuôt, aguah hruê 14/2, mâo lu mnuih ƀuôn sang lehanăn phung tuê hiu čhưn nao dlăng.

VOV4.Êđê - 5 thŭn mơ̆ng leh UNESCO bi mklă jing Knhuah gru Dhar kreh amâo êdah klă bi ala kơ anak mnuih tar rŏng lăn, Then amâo djŏ knŏng jing klei ktưn hưn hŏng ƀĭng găp êma krĭng lăn ƀiădah ƀrư̆ hruê ƀrư̆ lar bra lu hĭn. Mlan 10/2024 leh êgao, Knhuah gru mmuñ Then mơ̆ng mnuih Tày, Nùng, Thái ti Việt Nam lŏ dưi “Găn knông lăn” truh kơ mnuih ƀuôn sang ti ala čar Prăng, mjing leh gru kruăk jăk siam hlăm dhar kreh dŭm djuê ana ƀiă mơ̆ng Việt Nam. Akŏ yan mnga, alum kơ ƀĭng găp drei tui ksiêm klei yăl dliê kơ ênhiang mmuñ Then dơ̆ng mơ̆ng krĭng ƀuôn sang truh kơ “Ƀuôn prŏng klei mngač”.

VOV4.Êđê- Amâo djŏ knŏng êdah êdi hŏng wăl čư̆ dliê êa jăk siam ôh, ƀiădah grăp gưl tết hriê yan mnga truh, Lai Châu lŏ jing anôk truh jăk siam kơ tue hiu čhưn dlăng knăm mơak yan mnga. Grăp knăm mơak djuê ana jing gưl čiăng kơ mnuih ƀuôn sang dŭm djuê ƀiă hlăp mbŭl, mơak yan mnga leh anăn akâo kơ sa thŭn mrâo êđăp ênang, jăk mơak. Mơ̆ng klei bhiăn ngă yang akâo adiê hjan mnuih Thái, knăm mơak Gầu Tào mnuih Mông truh kơ ênhiang kdŏ xoè lu êa mil, jih jang mjing leh sa wăl jiă kma knhuah dhar kreh, iêô jak phung tue hiu čhưn nao čhưn dlăng.

VOV4.Êđê- Mkŏ mjing hrue klei due tal 23 ti Daklak pŏk leh aguah hrue (9/2) hŏng lu mta bruă ngă.

VOV4.Êđê- Hŏng mnuih ƀuôn sang djuê ana ƀiă ti Lăn dap kngư, hlăm anăn mâo mnuih djuê ana Bahnar, mnơ̆ng pơ̆k mñam amâodjŏ knŏng jing mnơ̆ng mñam, mkra hŏng kiê kngan ƀiădah lŏ jing mngăt êwa mơ̆ng djuê ana. Hlăm ktuê êlan klei hdĭp ară anei, lu phung amai adei mnuih djuê ana Bahnar amâo mâo mdei gĭr ktưn čiăng krơ̆ng kjăp knhuah siam mơ̆ng mnơ̆ng pơ̆k mñam. Hlăm anăn, mâo sa čô mniê êra Bahnar anăn Kerry (kkiêng thŭn 1995) ti 191, Phan Chu Trinh, ƀuôn hgŭm Thắng Lợi, ƀuôn prŏng Kon Tum, čar Kon Tum gĭr kriê kjăp lehanăn mđĭ kyar leh mnơ̆ng pơ̆k mñam – mơ̆ng dŭm blah mnal djuê ana truh kơ hdră mkra hluê knhuah mrâo, ba wĭt boh tŭ yuôm bruă dhar kreh lehanăn hdră duh mkra lu.

VOV4.Êđê- Hlăm dŭm hruê akŏ yan mnga Ất Tỵ anei, dŭm anôk hiu čhưn ênguê dhar kreh êpul êya ti Dak Lak jing leh anôk jăk êdi čiăng kơ mnuih ƀuôn sang lehanăn phung tuê hiu čhưn ênguê nao dlăng, tui ksiêm kơ knhuah jăk siam đưm mơ̆ng dŭm djuê ana Lăn dap kngư. Dŭm anôk hiu čhưn msĕ si Ƀuôn Đon, Ƀuôn Akŏ Dhông (ƀuôn prŏng Ƀuôn Ama Thuôt), Wăl hiu čhưn dhar kreh êpul êya Kŏ Tam amâo dah ƀuôn Tring (kdriêk Lăk) amâo djŏ knŏng bi êdah wĭt klei hdĭp aguah tlam mlam hruê ƀiădah lŏ mkŏ mjing lu hdră hiu čhưn ênguê jiă knhuah djuê ana.

VOV4.Êđê- Grăp yan mnga truh, dliê Nà Hẩu bŏ hŏng ai hdĭp, ăt jing hlăk wưng mnuih Mông ti să Nà Hẩu, kdriêk Văn Yên, čar Yên Bái mkŏ mjing Knăm ngă yang dliê amâodah lŏ pia jing “Tết dliê Nà Hẩu”. Knăm anei mkŏ mjing čiăng bi hdơr kơ phŭn agha, bi mni kơ yang dliê, kñăm răng kriê klei dhar kreh jăk siam djuê ƀiă tinei.