VOV.Êđê- Kkuh mơak Hruê hdruôm hră lehanăn dhar kreh dlăng hră Việt Nam 21/4, Hruê Hdruôm hră lehanăn Klei dưi dưn ba yua tar rŏng lăn 23/4, Êpul hgŭm bruă Văn học Nghệ thuật čar Dak Lak bi hgŭm hŏng Knơ̆ng bruă sang čư̆ êa ƀuôn hgŭm Phú Yên, Sang kriê pioh mnơ̆ng Dak Lak, Sang dlăng hră čar lehanăn Sang hră gưl dua Trần Hưng Đạo mkŏ mjing hdră Hruê hdruôm hră lehanăn Dhar kreh dlăng hră thŭn 2026 hŏng akŏ “Hră lehanăn klei čang hmăng kpưn đĭ”.

VOV.Êđê- Ti ƀuôn hgŭm Ƀuôn Ama Thuôt, khua gĭt gai Knơ̆ng bruă sang čư̆ êa čar Dak Lak drông leh anăn mă bruă hŏng Êpul mă bruă mơ̆ng UNESCO leh anăn FAO mâo Jonathan Wallace Baker, Khua bi ala UNESCO ti Việt Nam leh anăn Vinod Ahuja Khua bi ala FAO ti Việt Nam ngă khua êpul, ƀri gưl nao hlăm Klei bi kƀĭn mnơ̆ng kriê pioh kphê dlông rŏng lăn mkŏ mjing ti Dak Lak.

VOV.Êđê- Pô mbruă Y Quân Mjâo (khăng iêô Ơi Khely), ti ƀuôn A2, să Ea Sup, čar Dak Lak jing mnuih khăp kơ ênhiang mmuñ Jarai. Dŭm klei mmuñ ñu khăng mmuñ msĕ si klei bi hdơr, jăk siam. Grăp ênhiang mmuñ yăl dliê kơ klei khăp mniê êkei, klei mă bruă mkra mjing, lŏ mâo wăt mngăt êwa dhar kreh ƀuôn sang hlăm dŭm thŭn mlan.

VOV.Êđê- Ti krah čư̆ dliê Trường Sơn, dŭm hruê ti krah mlan 4, dŭm êbâo čô mnuih ƀuôn sang mơ̆ng dŭm ƀuôn êlan bi knông hŏng kdriêk Kà Lừm, čar Se Kông, Lào hơ̆k mơak êbat jơ̆ng nao ti să Hùng Sơn, ƀuôn prŏng Đà Nẵng čiăng drông Tết Bunpimay. Hruê tết knhuah gru mơ̆ng ala čar găp jing wưng brei kơ mnuih ƀuôn sang dua ala čar bi tuôm, bi kah mbha, ksul mbŭ klei bi mguôp msĕ ayŏng adei hlăm gŏ sang.

VOV.Êđê- Ti Ây Nô, ƀuôn Trí, să Ƀuôn Đon, čar Dak Lak, mkŏ mjing leh hdră mơak Tết Lào Bunpimay thŭn 2026. Lu mnuih ƀuôn sang leh anăn phung tuê ñŭ kma mbĭt hlăm dŭm hdră bhiăn knhuah gru mơ̆ng mnuih Lào hdĭp ti alŭ wăl.

VOV.Êđê- Krah mlan 4, êjai ênai hgơr Paranưng leh anăn đĭng Saranai kwang, lu ƀuôn mnuih Chăm ti alŭ wăl Dhŭng kwar krah lŏ mŭt hlăm knăm mơak Rija Nagar – knăm mơak pŏk thŭn mrâo hluê si hruê mnuih Chăm. Hlăm wăl anôk siam lu êa mil mơ̆ng dŭm klei kdŏ knhuah gru, kdrăp pĕ tông leh anăn kdrăp čŭt hơô, êpul êya mnuih Chăm hưn mdah dŭm knhuah dhar kreh đưm, djă pioh leh anăn lŏ čuê dŭm mnơ̆ng kriê pioh hŏng lu ênuk gưl.

VOV.Êđê - Kñăm lŏ dơ̆ng iêo jak lu tuê hiu čhưn, lehanăn krơ̆ng nanao hnơ̆ng đĭ kyar mơ̆ng bruă hiu čhưn ênguê, čar Khánh Hòa srăng mkŏ mjing lu bruă dhar kreh, hiu čhưn ênguê hŏng hnơ̆ng prŏng, lehanăn mkŏ mjing lu mta mnơ̆ng kơ bruă hiu čhưn ênguê, pioh bi năng hŏng anăn knăl anôk truh.

VOV.Êđê- Knhal jih hruê kăm êgao, ti plao Ây Nô, să Ƀuôn Đon, čar Dak Lak, hdră mơak Tết Lào – Bunpimay 2026 mkŏ mjing hŏng klei hơ̆k mơak, mâo lu mnuih ƀuôn sang lehanăn tuê hiu čhưn nao dlăng.

VOV.Êđê- Ti krah klei hdĭp mrâo ară anei, dŭm ƀuôn bruă djuê ana đưm mơ̆ng mnuih Jarai ti Gia Lai ăt dưi kriê pioh kjăp msĕ si hnoh êa đoh mơ̆ng knhuah dhar kreh hơĭt kjăp. Mơ̆ng dŭm aruăt mñam, klei hwiê dưi mñam jing dŭm boh bŭng, ê’i mkăp kơ klei hdĭp aguah tlam, truh kơ dŭm pŏk rup sang msat dưi krah mkra bŏ hŏng klei mbruă, dưi mkra hŏng jih ai tiê jiă mngăt êwa ai tiê klei mĭn. Amâo djŏ knŏng jing mnơ̆ng yua amâo dah hdră mkra jăk siam, anăn jing klei bi hdơr, jing klei yăl dliê kơ klei hdĭp lehanăn klei bhiăn mơ̆ng êpul êya mnuih Jarai.

VOV.Êđê - Leh dŭm hdră mphŭn čô̆ kơ bruă mtrŭt mđĭ hdră hiu čhưn ênguê thŭn 2026 hŏng akŏ “Dak lak – wĭt kơ krĭng knhuah gru”, sa pŏk rup siam, lu êa mil dưi bi êdah klă ti krĭng lăn anei – anôk čư̆ dliê Lăn dap kngư prŏng kdrưh hrăm mbĭt hŏng krĭng ksĭ prŏng liă lia. Mơ̆ng ai êwa dhar kreh djuê ana đưm truh kơ dŭm hdră tui ksiêm ênuk mrâo, jih jang mjing leh klei mdê, ba Dak Lak jing anôk truh jăk siam, jing ktuê êlan tui ksiêm bŏ hŏng klei jăk êdi kơ phung tuê hiu čhưn hlăm lehanăn êngao ala čar.