VOV.Êđê – Ti Sang kriê pioh mnơ̆ng Dak Lak (ƀuôn hgŭm Ƀuôn Ama Thuôt), Knơ̆ng bruă Dhar kreh, mjuăt ktang asei mlei lehanăn Hiu čhưn ênguê čar Dak Lak mkŏ mjing leh Knăm mphŭn pŏk hdră rang mdah “Dak Lak hŏng bruă kƀĭn ala – Kjăp klei đăo knang, mbĭt klei čang hmăng”.

VOV.Êđê- Ti krĭng lăn Lâm Hà, hlăm klei dhar kreh ti djiêô hang krông Dă Dờng (êa krông Prŏng), rup êpul tông čing mniê jing klei mñă mdê hjăn. Jăk siam hlăm grăp ênai čing, phung amai amâo djŏ knŏng bi lu jơr thiăm klei dhar kreh čing čhar djuê ana K’Ho ôh, ƀiădah lŏ đru kriê pioh knhuah dhar kreh jăk siam, mjing ai ktang mrâo kơ bruă hiu čhưn ênguê alŭ wăl.

VOV.Êđê - Hlăm mnơ̆ng ƀơ̆ng huă mnuih Jarai, djam tang liang amâo djŏ knŏng jing sa mta djam ƀơ̆ng jăk, ƀiădah jing sa klei bi hdơr kơ đưm êlâo mơ̆ng ƀuôn sang. Mơ̆ng mlan 1 truh kơ mlan 3, mnuih Jarai lŏ hơ̆k kdơ̆k drông yan djam tang liang, sa mta djam jăk mơ̆ng čư̆ dliê.

VOV.Êđê - Leh Têt, êpul êya mnuih Mường ti ƀuôn prŏng Tân Lập, čar Dak Lak bi nao ti Sang yang Lạc Sơn mkŏ mjing Knăm mtrŭn gơ̆ng ngă yang. Anei jing sa klei bhiăn bruă lŏ hma sui thŭn mâo mnuih ƀuôn sang kriê pioh lehanăn cuê nanao ti krĭng lăn mrâo.

VOV.Êđê - Dŭm hruê akŏ yan mnga Bính Ngọ 2026, ai êwa ƀuôn prŏng čư̆ čhiăng mŭt hlăm yan siam êdi hlăm thŭn, krĭng Ƀuôn prŏng Mlam Sang mnia Nhỏ ti ƀuôn hgŭm Pleiku, čar Gia Lai lŏ mčhĭt mơuăt. Êpul mnuih nao čuă dlăng, mdei săn, mơak hlak, ƀơ̆ng dŭm mta mnơ̆ng mjing leh gru kruăk siam.

VOV.Êđê- Mđing kơ klei ruah khua phung bi ala Bruă kƀĭn ala gưl XVI leh anăn bi ala kơ Êpul gơ̆ng bruă ƀuôn sang dŭm gưl wưng 2026–2030; bi hdơr 116 thŭn Hruê phung mniê dlông rŏng lăn (08/3/1910–08/3/2026) hŏng dŭm hruê knăm mơak prŏng hlăm mlan 3, Êpul hgŭm phung mniê čar Dak Lak pŏk ngă “Hruê kăm ao dai” leh anăn mkŏ mjing klei mdah hlăm kluôm čar.

VOV.Êđê- Hruê 23/2, Knơ̆ng bruă Dhar kreh, Mjuăt ktang asei mlei lehanăn Hiu čhưn ênguê čar Lâm Đồng bi hgŭm hŏng Knơ̆ng bruă sang čư̆ êa să Hàm Thuân Nam mkŏ mjing Klei bi lông “ĐĬ čư̆ Tà Cú čar Lâm Đồng pŏk mlar” thŭn 2026.

VOV.Êđê- Hlăm klei hdĭp mrâo mrang, hlăk êjai lu ênoh yuôm dhar kreh dôk luč ram, ti ƀuôn sang Êđê ăt mâo lu mnuih dôk gĭr kriê pioh mngăt êwa djuê ana. Pô mbruă Y Kŭt Niê (lŏ iêô jing Aê Nang), 80 thŭn, ti ƀuôn Prao, să Mdrak, čar Dak Lak jing sa hlăm phung pioh jih klei hdĭp pô kơ ênai čing, ênhiang mmuñ leh anăn kdrăp tông ayŭ mnuih Êđê.

VOV.Êđê - Hŏng dŭm hdră ngă djŏ guôp hŏng boh sĭt, klei krơ̆ng kjăp lehanăn mđĭ lar mơ̆ng dŭm êpul êya, klei yăl dliê hlăm bruă kriê pioh lehanăn mđĭ lar knhuah dhar kreh djuê ana đưm ti dŭm ƀuôn sang ti Dak Lak dưi lŏ čuê, mjing leh dŭm gru mngač kơ dŭm pŏk rup kriê pioh lehanăn mđĭ lar dhar kreh ti dŭm alŭ wăl.

VOV.Êđê - Knhal jih thŭn 2025 mrâo êgao, Knăm Tăm Blang Mprang bon (knăm pla ana ƀlang, bư̆ mnư̆ ƀuôn) mơ̆ng mnuih Mnông mâo leh Phŭn bruă dhar kreh mjuăt ktang asei mlei leh anăn hiu čhưn ênguê tŭ yap jing mnơ̆ng kriê pioh dhar kreh amâo mâo êdah klă gưl ala čar. Leh mă hră tŭ yap, mnuih Mnông ti Să Nâm Nung, čar Lâm Đồng, mkŏ mjing knăm mơak “Tăm Blang M’prang bon”, hlăm klei hơ̆k mơak yan hrui êmiêt tŭ jing.