VOV.Êđê - Tŭ drông thŭn mrâo 2026, mlam hruê 31/12 anăp anei, čar Gia Lai mkŏ mjing hdră mđung rup ti mmông anăn mtam Countdown Tết Dương lịch 2026, mkŏ mjing wăl anôk hơ̆k mơak, bi lar ai tiê bi mguôp leh anăn klei hmăng hmưi đĭ kyar mơ̆ng mnuih ƀuôn sang alŭ wăl.

VOV.Êđê - Hlăm wưng êgao, ti Lăn Dap Kngư mâo leh lu mnuih djuê ƀiă jhŏng mkŏ mjing dŭm gru hmô hiu čhưn ênguê mguôp hŏng knhuah dhar kreh djuê ana. Dŭm anôk hiu čhưn ênguê êpul êya jing wăl kơ tue hiu čhưn dlăng klei hdĭp mda leh anăn mkra mjing, klei kdŏ mmuñ ênhiang djuê ana hŏng ênoh dhar kreh jăk siam. Hlăm anăn, Ea Knir Farm ti čar Dak Lak msĕ si klei mñă êdah kdlưn tơdah bi mguôp klei jăk siam đang lŏ hma mtah mda hŏng wăl dhar kreh jiă kma Lăn Dap Kngư.

VOV.Êđê - Dŭm hruê anei, Đà Lạt, Lâm Đồng dôk mkŏ mjing lu hdră bruă hlăm Knăm mơak Knhuh gru Kphê tar rŏng lăn, Knăm mơak ktuê êlan… Anei jing dŭm hdră bruă hlăm Knăm mơak Čing čhar Ngŏ Dhŭng Asi 2025, hdră dhar kreh jăk siam hlăm knhal jih thŭn 2025 lehanăn kkuh drông thŭn mrâo 2026.

VOV.Êđê- Lu klei blŭ lač klei găl mnuih mă bruă čih mkra, kdŏ mmuñ kơ djuê ƀiă ka lu, klei bhiăn đru ka bi knar, bruă hâo hưn mtô mblang ka đei jăk.

VOV.Êđê- Gưl knhal jih thŭn 2025, ti čar Lâm Đồng mkŏ mjing bruă dhar kreh jăk siam, klei mñă jing Knăm mơak čing čhar Ngŏ Dhŭng Asi hŏng akŏ “Ênai kwang čing čhar - mguôp êdei anăp”. Dŭm bruă ngă mâo klei kdŏ mmuñ, mdah čing čhar mơ̆ng phung mbruă hlăm ala čar leh anăn krĭng wăl; mlan mơak mkŏ mjing hnơ̆ng prŏng ti wăl tač Lâm Viên; bi mklă klei jăk siam kơ wăl dhar kreh čing čhar leh anăn ênhiang mmuñ mguôp hŏng čing. Mbĭt anăn jing hdră mdah kdrăp djuê ana, Knăm mơak mnơ̆ng kriê pioh kphê kluôm rŏng lăn 2025 hŏng lu wăl lông dlăng, klei bi trông thơ̆ng, klei dhar kreh - hiu čhưn ênguê jăk siam.

VOV.Êđê-Hlăm knăm čing čhar Ngŏ Dhŭng Asi thŭn 2025, mlam mmăt hrue 21/12 ti Đà Lạt (Lâm Đồng) pok leh knăm knhuah gru kphê tar rŏng lăn thŭn 2025 gưl tal sa.

VOV.Êđê- Ti krah krĭng pưk hma mtah mda mơ̆ng să Biển Hồ, čar Gia Lai, khua mduôn Hmrik mơ̆ng sui jing leh anôk jưh knang ai tiê klei mĭn kjăp mơ̆ng mnuih ƀuôn sang Jarao ti ƀuôn Ia Nueng. Êbeh 20 thŭn ngă khua mduôn ƀuôn, mduôn Hmrik jing “Êlah pui mđao” hlăm klei hdĭp êpul êya – pô kriê kjăp klei bhiăn, pô kăp bi mgrăng dŭm klei amâo thâo bi djŏ, pô guh mngač klei đăo knang lehanăn jing boh kdrŭt kơ mnuih ƀuôn sang gĭr ktưn kpưn đĭ duh ƀơ̆ng, mkŏ mkra klei hdĭp mrâo.

VOV.Êđê - Ti krah klei hdĭp ênuk ară anei, hlăk lu boh tŭ yuôm dhar kreh djuê ana dôk ti anăp klei luič ram, čar Gia Lai dôk gĭr kriê pioh lehanăn kwŭ wĭt dŭm knăm mơak djuê ana mơ̆ng mnuih djuê ƀiă. Mơ̆ng knăm ngă yang akâo djŏ boh mnga, truh lơ knăm akâo hjan Yang Pơtao Apui truh kơ dŭm knăm mơak siă suôr hŏng klei mĭn đao, hlăk dôk “Bi mdih” jing mta phŭn bi kjăp knhuah dhar kreh mnuih djuê ana ƀiă ti lu alŭ wăl hlăm klei hdĭp ênuk ară anei.

VOV.Êđê - Hlăm krah klei hdĭp ênuk ară anei, ti Gia Lai, lu mnuih hlăk dôk bi kriê pioh, lehanăn lŏ bi kơrŭ ai tiê čiăng bi mrâo dhar kreh djuê ana pô. Dơ̆ng mơ̆ng čing čhar kwang leh hlăm dŭm knăm mơak, dŭm êpul tông čing mda asei čŏng kjăp ai tiê čhuang nao mbĭt hŏng yang ƀuôn, hlŏng truh kơ dŭm klei bi hmô bruă hiu čhưn ênguê hlăm yang ƀuôn mjing leh atur kơ klei lŏ mkŏ knhuah gru dhar kreh aê aduôn pô đưm hŏng klei hdĭp ênuk ară anei.

VOV.Êđê - Hruê 18/12, ti Lạng Sơn, Êpul mă bruă Knơ̆ng bruă Dhar kreh, Mjuăt ktang asei mlei lehanăn Hiu čhưn ênguê čar Dak Lak mă bruă hŏng Knơ̆ng bruă Dhar kreh, Mjuăt ktang asei mlei lehanăn Hiu čhưn ênguê čar Lạng Sơn kñăm bi trông klei thâo hlăm hdră kriê dlăng knŭk kna lehanăn mđĭ kyar bruă hiu čhưn ênguê êpul êya hluê hdră hơĭt kjăp.