VOV.Êđê- Dŭm bruă ngă mơ̆ng mnuih Việt Nam hlăm kluôm ala lehanăn hlăm tar rŏng lăn wir kơ phŭn agha, boh nik knăm bi hdơr kơ hrue djiê phung mtao Hùng Vương mkŏ mjing ti čar Phú Thọ

VOV.Êđê- Klei bi hdơr kơ hrue phung mtao Hùng Vương thŭn Bính Ngọ 2026 jing bruă kđi čar – dhar kreh yuôm bhăn hŏng kluôm ala, boh nik leh klei bi mŭt mbĭt anôk bruă knŭk kna, lehanăn klei mă bruă sang čư̆ êa dua gưl. Hlăm dŭm hrue anei, mbĭt hŏng kluôm ala, ti Lăn dap kngư mkŏ mjing lu bruă dhar kreh, bi êdah klei thâo bi mguôp, gĭr ktĭr rŭ mdơ̆ng ƀuôn sang lăn čar mdrŏng sah.

VOV.Êđê - Hlăm 2 hruê knhal jih hruê kăm anei, 25 lehanăn 26/4 ti Gia Lai mkŏ mjing leh lu hdră bruă dhar kreh jăk siam. Anăn jing Hruê mơak Dhar kreh dŭm djuê ana čar tal sa ti Wăl tač prŏng Đại Đoàn Kết, ƀuôn hgŭm Pleiku. Ăt hlăm wưng anei, ti wăl knhuah gru ƀuê ênuk – dhar kreh ala čar Plei Ơi, să Čư̆ A Thai mkŏ mjing Knăm ngă yang akâo hjan Yang Pơtao Apui. Anei amâo djŏ knŏng jing hdră dhar kreh – hiu čhưn ênguê, ƀiădah lŏ mâo boh tŭ yuôm kơ knhuah gru dhar kreh, êpul êya lehanăn đĭ kyar hơĭt kjăp.

VOV.Êđê- Ti Sang kriê pioh knhuah gru kphê dlông rŏng lăn, čar Daklak hgŭm leh hŏng adŭ bruă UNESCO ti Việt Nam lehanăn dŭm êpul hgŭm mkŏ mjing knhuah gru kphê dlông rŏng lăn hŏng akŏ. “Mơ̆ng lu klei jing mdê mdê truh kơ knhuah gru hdĭp mbĭt mơ̆ng anak mnuih”.

VOV.Êđê- Kkuh mơak Hruê hdruôm hră lehanăn dhar kreh dlăng hră Việt Nam 21/4, Hruê Hdruôm hră lehanăn Klei dưi dưn ba yua tar rŏng lăn 23/4, Êpul hgŭm bruă Văn học Nghệ thuật čar Dak Lak bi hgŭm hŏng Knơ̆ng bruă sang čư̆ êa ƀuôn hgŭm Phú Yên, Sang kriê pioh mnơ̆ng Dak Lak, Sang dlăng hră čar lehanăn Sang hră gưl dua Trần Hưng Đạo mkŏ mjing hdră Hruê hdruôm hră lehanăn Dhar kreh dlăng hră thŭn 2026 hŏng akŏ “Hră lehanăn klei čang hmăng kpưn đĭ”.

VOV.Êđê- Ti ƀuôn hgŭm Ƀuôn Ama Thuôt, khua gĭt gai Knơ̆ng bruă sang čư̆ êa čar Dak Lak drông leh anăn mă bruă hŏng Êpul mă bruă mơ̆ng UNESCO leh anăn FAO mâo Jonathan Wallace Baker, Khua bi ala UNESCO ti Việt Nam leh anăn Vinod Ahuja Khua bi ala FAO ti Việt Nam ngă khua êpul, ƀri gưl nao hlăm Klei bi kƀĭn mnơ̆ng kriê pioh kphê dlông rŏng lăn mkŏ mjing ti Dak Lak.

VOV.Êđê- Pô mbruă Y Quân Mjâo (khăng iêô Ơi Khely), ti ƀuôn A2, să Ea Sup, čar Dak Lak jing mnuih khăp kơ ênhiang mmuñ Jarai. Dŭm klei mmuñ ñu khăng mmuñ msĕ si klei bi hdơr, jăk siam. Grăp ênhiang mmuñ yăl dliê kơ klei khăp mniê êkei, klei mă bruă mkra mjing, lŏ mâo wăt mngăt êwa dhar kreh ƀuôn sang hlăm dŭm thŭn mlan.

VOV.Êđê- Ti krah čư̆ dliê Trường Sơn, dŭm hruê ti krah mlan 4, dŭm êbâo čô mnuih ƀuôn sang mơ̆ng dŭm ƀuôn êlan bi knông hŏng kdriêk Kà Lừm, čar Se Kông, Lào hơ̆k mơak êbat jơ̆ng nao ti să Hùng Sơn, ƀuôn prŏng Đà Nẵng čiăng drông Tết Bunpimay. Hruê tết knhuah gru mơ̆ng ala čar găp jing wưng brei kơ mnuih ƀuôn sang dua ala čar bi tuôm, bi kah mbha, ksul mbŭ klei bi mguôp msĕ ayŏng adei hlăm gŏ sang.

VOV.Êđê- Ti Ây Nô, ƀuôn Trí, să Ƀuôn Đon, čar Dak Lak, mkŏ mjing leh hdră mơak Tết Lào Bunpimay thŭn 2026. Lu mnuih ƀuôn sang leh anăn phung tuê ñŭ kma mbĭt hlăm dŭm hdră bhiăn knhuah gru mơ̆ng mnuih Lào hdĭp ti alŭ wăl.

VOV.Êđê- Krah mlan 4, êjai ênai hgơr Paranưng leh anăn đĭng Saranai kwang, lu ƀuôn mnuih Chăm ti alŭ wăl Dhŭng kwar krah lŏ mŭt hlăm knăm mơak Rija Nagar – knăm mơak pŏk thŭn mrâo hluê si hruê mnuih Chăm. Hlăm wăl anôk siam lu êa mil mơ̆ng dŭm klei kdŏ knhuah gru, kdrăp pĕ tông leh anăn kdrăp čŭt hơô, êpul êya mnuih Chăm hưn mdah dŭm knhuah dhar kreh đưm, djă pioh leh anăn lŏ čuê dŭm mnơ̆ng kriê pioh hŏng lu ênuk gưl.