VOV.Êđê- Dà Cắt Tư, djuê ana M’Nông (kkiêng thŭn 1951) ti alŭ Dà Nhinh 1, să Dam Rông 4, čar Lâm Đồng jing pô jih ai tiê kơ bruă ksiêm hriăm, kriê pioh leh anăn mđĭ lar ênoh yuôm dhar kreh djuê ana. Mbĭt hŏng bruă čih mkra hdruôm hră djuê ana Mnông, ñu lŏ mkŏ mjing lu êpul tông čing čiăng răng kriê leh anăn mđĭ lar ênoh yuôm dhar kreh djuê ana.

VOV.Êđê- Yua rup mnơ̆ng yua aguah tlam hlăm klei hdĭp msĕ si chum, ênhiang mmuñ djuê ana amâodah klei kpư̆ mgei asei mlei, klei rang mdah Chum Show ti ƀuôn prŏng Nha Trang, čar Khánh Hoà pŏk sa wăl anôk rang mdah mrâo, anôk dhar kreh knhuah gru dưi bi êdah hŏng anôk rang mdah mrâo mrang, ba truh klei ktuê dlăng jăk êdi kơ phung nao dlăng leh anăn phung tuê.

VOV.Êđê - Knơ̆ng bruă sang čư̆ êa čar Gia Lai dôk pŏk ngă hdră mđĭ kyar kdrŭn kan Nhơn Lý, ƀuôn hgŭm Quy Nhơn Đông hluê hdră bi mguôp hŏng bruă hiu čhưn ênguê.

VOV.Êđê- Mlam hruê 28/3 kơ anăo, ti wăl tač Nguyễn Tất Thành, ƀuôn hgŭm Quy Nhơn, hdră mphŭn pŏk thŭn hiu čhưn ênguê ala čar - Gia Lai 2026 hŏng akŏ “Gia Lai Čư̆ čhiăng truh ti êa ksĭ” srăng klă klơ̆ng mkŏ mjing, ƀuăn srăng ba truh sa mlam kdŏ mmuñ hnơ̆ng prŏng leh anăn jăk êdi.

VOV.Êđê- Hruê 17/3, čar Gia Lai mphŭn pŏk Klei bi lông čưng boh phung mniê mnuih djuê ƀiă thŭn 2026 – Đĭng gôl VIV5 tal sa.

VOV.Êđê- Tŭ drông klei tŭ dưn mơ̆ng klei mplĕ hră ruah phung bi ala Bruă Kbĭn ala gưl 16 leh anăn Êpul gơ̆ng bruă ƀuôn sang dŭm gưl wưng thŭn 2026 - 2031, mmăt mbruê, čar Dak Lak mkŏ mjing klei kdŏ mmuñ hŏng akŏ Dak Lak - mbĭt klei đăo knang ti dua anôk nah Yŭ leh anăn nah Ngŏ čar.

VOV.Êđê- Tŭ drông hruê mplĕ hră ruah phung bi ala Bruă Kbĭn ala gưl 16 leh anăn Êpul gơ̆ng bruă ƀuôn sang dŭm gưl wưng thŭn 2026 - 2031, Ti êlan dlăng hră kphê - ƀuôn hgŭm Ƀuôn Ama Thuô̆t, Êpul phung Văn học Nghệ thuật čar Dak Lak mkŏ mjing klei rang mdah rup hŏng akŏ “Mlan 3 hlăm kâo”, mbĭt anăn mtrŭt mjhar klei bi lông rup “Klei yâo mơak kơ grăp gŏ sang” thŭn 2026.

VOV.Êđê- Ti krah klei bi mlih hlăm klei hdĭp ênuk ară anei, ti dŭm boh ƀuôn mnuih Jeh Triêng ti Lăn dap kngư, ăt dôk hmư̆ ênai pơ̆k mñam kok kek. Ênai anei msĕ si klei bi hdơr kơ ƀuôn sang, jing pŏk rup mơ̆ng amĭ mơ̆ng aduôn lehanăn sa kdrêč knhuah gru dhar kreh mơ̆ng djuê ana. Hŏng mnuih Jeh Triêng, bruă pơ̆k mñam amâo djŏ knŏng mâo mơiêng ao čiăng ƀar, ƀiădah grăp mnơ̆ng pơ̆k mñam mâo sơaĭ klei khăp, klei yăl dliê mơ̆ng čư̆ dliê ba mơĭt hlăm grăp aruăt mrai mñam.

VOV.Êđê – Ti Sang kriê pioh mnơ̆ng Dak Lak (ƀuôn hgŭm Ƀuôn Ama Thuôt), Knơ̆ng bruă Dhar kreh, mjuăt ktang asei mlei lehanăn Hiu čhưn ênguê čar Dak Lak mkŏ mjing leh Knăm mphŭn pŏk hdră rang mdah “Dak Lak hŏng bruă kƀĭn ala – Kjăp klei đăo knang, mbĭt klei čang hmăng”.

VOV.Êđê- Ti krĭng lăn Lâm Hà, hlăm klei dhar kreh ti djiêô hang krông Dă Dờng (êa krông Prŏng), rup êpul tông čing mniê jing klei mñă mdê hjăn. Jăk siam hlăm grăp ênai čing, phung amai amâo djŏ knŏng bi lu jơr thiăm klei dhar kreh čing čhar djuê ana K’Ho ôh, ƀiădah lŏ đru kriê pioh knhuah dhar kreh jăk siam, mjing ai ktang mrâo kơ bruă hiu čhưn ênguê alŭ wăl.