VOV.Êđê- Ênhiang kdŏ jak iêu mnăm kpiê jing sa ênhiang kdŏ jăk siam êdi mơ̆ng mnuih Êđê, siă suôr hŏng dŭm knăm mơak mơ̆ng êpul êya. Ênhiang kdŏ anei amâo dleh kdŏ ôh, jiă knhuah klei bhiăn lehanăn mâo boh tŭ yuôm čiăng hưn mthâo. Grăp knhuang kdŏ mđrăm mbĭt, êdu ê’un msĕ si asăp jak iêu phung yang, kkuh drông phung tuê hrăm mbĭt hŏng klei mơak mơ̆ng ƀuôn sang.

VOV.Êđê- Hlăm dŭm hruê akŏ thŭn, mnuih Jarai ti să Êa Sup, čar Dak Lak lŏ mčhĭt mơuăt hlăm ai êwa knăm mơak. Gơ̆ng ngă yang dlông mbĭt hŏng ênai kwang čing čhar, mnuih ƀuôn sang bi hluê nga klei bhiăn ngă yang, akâo klei êđăp ênang, yan ngă bruă djŏ boh mnga lehanăn klei hdĭp trei mđao. Knăm ngă yang amâo djŏ knŏng jing klei bhiăn hlăm ai tiê klei mĭn ƀiădah lŏ jing klei bi êdah kơ dhar kreh, bi mguôp êpul êya lehanăn krơ̆ng kjăp knhuah gru djuê ana đưm mơ̆ng ƀuôn sang mnuih Jarai.

VOV.Êđê- Ti krah klei hdĭp aguah tlam mlam hruê ti să Ia Dreh, čar Gia Lai, êa mil mnơ̆ng pơ̆k mñam, ênai kwang čing čhar lehanăn klei tlao mơak mơ̆ng phung hđeh gơ̆ hlai mbĭt, mjing sa pŏk rup jăk siam kơ klei hdĭp dhar kreh êpul êya. Mơ̆ng dŭm jar mñam, kiê kngan mbruă mơ̆ng phung mbruă Jarai lŏ dôk čuê kơ dŭm ênuk gưl mda asei, amâo djŏ knŏng bi ƀrơ̆k mdih ai tiê gĭr tui ksiêm ƀiădah lŏ mđĭ klei thâo săng hlăm bruă mpŭ, kriê pioh knhuah gru djuê ana.

VOV.Êđê- Amâo djŏ knŏng mâo hlăm dŭm wăl anôk knăm mơak djuê ana mơ̆ng đưm, mnơ̆ng pơ̆k mñam dŭm djuê ana ti Lăn dap kngư hruê anei lŏ lar bra hlăm klei hdĭp ênuk ară anei, mơ̆ng hdră hiu čhưn ênguê êpul êya truh kơ kdrăp mrô, jing klei bi êdah mơ̆ng knuah dhar kreh lehanăn ai hdĭp mrâo ti krĭng lăn čư̆ dliê prŏng liă lia.

VOV.Êđê- Knơ̆ng bruă dhar kreh, mjuăt asei mlei, lehanăn hiu čhưn ênguê Lâm Đồng mkŏ mjing leh klei bi kƀĭn ksiêm wĭt klei hgŭm bruă hâo hưn hlăm thŭn 2026 hŏng giăm 30 anôk bruă klei mrâo hlăm alŭ wăl, hlăm anăn mâo Sang mđung asăp blŭ Việt Nam jưh dôk ti lăn dap kngư.

VOV.Êđê- Ti krĭng knông lăn Quảng Trực, čar Lâm Đồng, anôk mâo čư̆ kphê, măk ka mtah mda jăk siam hlăm čư̆ čhiăng, anôk mâo dhul aguah ưm đuôm hlăm hma mdiê leh anăn ênai čing Mnông kwang ti krah dap kngư liă la, grăp yan mdiê ƀlĕ muê lŏ bi mdih wăl dhar kreh yuôm bhăn. Anăn jing knăm pơ̆ng gơ̆ng ngă yang mơak mdiê ƀlĕ - knăm mơak djuê ana bi mguôp klei đăo, knhuah djuê ana leh anăn klei hdĭp mda mnuih Mnông ti anôk yuôm bhăn knông lăn čar kwar.

VOV.Êđê- Ti krah klei hdĭp kdrăm kơah ti ƀuôn prŏng Ƀuôn Ama Thuôt, čar Dak Lak, mâo phung mda asei djuê ana Sêdang khăp, hriăm leh anăn kriê pioh kdrăp tông ayŭ djuê ana. Drei hrăm mbĭy bi tuôm hŏng phung mda asei ti Sang dôk jưh kơ phung hđeh dŭm djuê ana Têrêsa – Êpul Sơr Hòa Bình, čar Dak Lak.

VOV.Êđê- Hruê kăm tal êlâo thŭn 2026, bruă hiu čhưn ênguê Lâm Đồng dôk mkŏ mjing hŏng klei mtluk mtlak, êđăp ênang, tŭ dưn, jak iêu lu mnuih ƀuôn sang, tuê hiu čhưn hlăm lehanăn êngao ala čar. Tuê hiu čhưn mâo lu mơ̆ng Đà Lạt truh kơ dŭm anôk hiu čhưn ênguê krĭng ksĭ nah Ngŏ čar Lâm Đồng.

VOV.Êđê- Ti să Măng Đen, čar Quảng Ngãi mkŏ mjing leh Hruê kăm Dhar kreh – Hiu čhưn ênguê Măng Đen 2026 hŏng akŏ “Êa mil hrah mda ti krah čư̆ dliê”. Hdră jak iêu lu mnuih ƀuôn sang lehanăn tuê hiu čhưn ênguê giăm kbưi nao hgŭm.

VOV.Êđê- Ti čar Lâm Đồng, amâo mâo djŏ knŏng hlăm bruă kriê pioh, dhar kreh dŭm djuê ana K’ho, Mạ, Chu Ru, M’Nông, Chăm… ƀiădah hlăk dôk dưn yua hlăm klei hdĭp aguah tlam mơ̆ng mnuih ƀuôn sang.