VOV4.Êđê- Knăm m’ak yan mnga mơ̆ng mnuih ƀuôn sang Lăn dap kngư amâo dah jing “Knăm m’ak Huă blăm mnăm thŭn” jing knăm m’ak mnuih Lăn dap kngư mkŏ mjing leh yan hrui wiă, hrui êmiêt mnơ̆ng dhơ̆ng, drông thŭn mrâo. Hlăm wưng anei, grăp gŏ sang mprăp ba wĭt mdiê kơ pưk lehanăn mgrông mngăt mdiê wĭt kơ sang, mbĭt anăn mkŏ mjing knăm m’ak huă êsei mrâo čiăng lač jăk kơ yang adiê, yang mdiê, aê aduôn atâo atiêt sa yan ngă bruă djŏ boh mnga lehanăn akâo kơ sa thŭn mrâo ktơr bŏ hjiê mdiê bŏ brŏng. Anei jing yan “Huă blăm mnăm thŭn”, yan bi mjĕ mjuk bruă dhar kreh êpul êya, yan bi mjĕ mjuk dhar kreh, tui duah găp mơ̆ng phung êkei êdam mniê êra.

VOV.Êđê- Čar Kon Tum mâo hlăm brô 54% mnuih ƀuôn sang jing mnuih djuê ƀiă, hlăm anăn mâo 7 djuê ana mơ̆ng đưm msĕ si: Sêdang, Jeh triêng, Bahnar, Jarai, Brâu, Rơmăm leh anăn Hrê.

VOV4.Êđê- Hŏng mnuih Êđê, dliê yuôm bhăn êdi, răng mgang dliê jing răng mgang klei hdĭp mnuih ƀuôn sang drei. Klei anei dưi čih lač klă hlăm hdruôm klei bhiăn mơ̆ng mnuih djuê ana Êđê, kčah mtrŭn leh klă klơ̆ng kơ êpul êya, čiăng kơ grăp čô amâo dưi čhŭ luă, amâo dưi bi rai klei yuôm bhăn mơ̆ng dliê. Êngao anăn, mnuih Êđê lŏ mtă mtăn kơ phung čô anak thâo răng mgang dliê hlăm dŭm ênhiang mmuñ djuê ana tơdah mâo dŭm knăm m'ak mâo lu mnuih ƀuôn sang nao hgŭm. Hlăm klei hdĭp grăp hruê lŏ mâo dŭm hdră kčah klă klơ̆ng čiăng răng mgang dliê kyua mnuih Êđê mâo klei mĭn snei: “Čư̆ dliê jing mnơ̆ng Yang brei, jing mnơ̆ng aê aduôn brei kơ anak čô”.

VOV4.Êđê- Klei hdĭp ai tiê klei mĭn mơ̆ng mnuih djuê ana Êđê mâo lu jơr êdi hŏng lu klei mĭn đăo, mjing lu knăm m’ak, klei bhiăn ngă yang siă suôr hŏng klei hdĭp mơ̆ng anak mnuih lehanăn klei hdĭp aguah tlam mlam hruê, bruă duh mkra pla mjing. Yan mnga truh, ai êwa knăm m’ak mčhĭt m’uăt ti djăp ƀuôn êlan, alum kơ jih jang ƀĭng hmư̆ hdră mđung bi tuôm hŏng Y Blin Adrơ̆ng, kreh iêu Aê Tú, (kkiêng thŭn 1968) jing khua mduôn lehanăn jing pô mbruă tông čing čhar ti ƀuôn Drai Điêt, să Dliê Yang, kdriêk Ea Hleo, čar Dak Lak čiăng mđing hmư̆ klei mĭn mơ̆ng pô mbruă hŏng hdră kriê pioh knhuah dhar lreh jăk siam mơ̆ng mnuih djuê ana Êđê.

VOV4.Êđê- Aguah mbruê (4/2), ti Wăl tač prŏng hruê 10/3, Êpul hgŭm bruă Văn học Nghệ thuật Dak Lak lẹhanăn Anôk bruă sang čư̆ êa ƀuôn prŏng Ƀuôn Ama Thuôt bi hgŭm mkŏ mjing leh Knăm mphŭn pŏk hdră bi mjĕ mjuk dhar kreh tông čing čhar ƀuôn prŏng Ƀuôn Ama Thuôt lehanăn rang mdah pŏk rup, čih boh hră thư pháp kkuh drông Yan mnga Giáp Thìn 2024.

VOV4.Êđê- Yan mnga anei, ti să Hòa Xuân, ƀuôn prŏng Ƀuôn Ama Thuôt, čar Dak Lak dôk mčhĭt m’uăt hŏng êa mil mnơ̆ng pơ̆k mñam mơ̆ng mnuih Êđê. Bruă mkŏ mjing Êpul hgŭm bruă pơ̆k mñam anei, lu phung amai adei mnuih djuê ana Êđê lŏ mâo boh kdrŭt čiăng hriăm lehanăn kriê pioh, mđĭ lar bruă pơ̆k mñam.

VOV4.Êđê- Tlam 25/1, ti să Ea Kao, ƀuôn prŏng Ƀuôn Ama Thuôt, Knơ̆ng bruă dhar kreh, mtô mjuăt asei mlei leh anăn hiu čhưn ênguê Dak Lak mkŏ mjing mjưh ruê̆ adŭ hriăm mjuăt leh anăn hưn mdah gru hmô êpul hgŭm dhar kreh djuê ana Tày, Nùng, Mường să Ea Kao.

VOV4.Êđê- “Lŏ dơ̆ng bi hgŭm, boh nik jing bi hgŭm krĭng, mjing lu mnơ̆ng dhơ̆ng mrâo hlăm hdră hiu čhưn ênguê čiăng mđĭ iêô jak tuê hiu čhưn, mđĭ kyar hiu čhưn ênguê”. Anei jing dŭm hdră kñăm Êpul hgŭm hiu čhưn ênguê Dak Lak kčah hlăm klei bi kƀĭn tal 4, wưng 2024-2029 mkŏ mjing tlam 23/1 ti Ƀuôn Ama Thuôt.

VOV4.Êđê- Kdriêk krĭng čư̆ čhiăng A Lưới, čar Thừa Thiên Huế jing krĭng lăn krŭ kdơ̆ng. A Lưới djă pioh nanao hlăm pô klei hƀuê ênuk dhar kreh, klei krŭ kdơ̆ng êdah êdi. Hlue ngă Hdră kñăm ala čar mđĭ kyar bruă duh mkra- ala ƀuôn krĭng mnuih djuê ƀiă (Hdră 1719), kdriêk A Lưới mâo leh lu klei gĭr ktưn răng mgang, mđĭ lar ênoh yuôm dhar kreh djuê ana.

VOV4.Êđê- Hlăm ênoh 29 mnơ̆ng yuôm ala čar dưi tŭ yap hluê si klei bi klă mơ̆ng Khua knŭk kna hruê 18/1 mrâo êngao, mâo 1 mta mnơ̆ng dôk pioh ti sang hƀuê ênuk čar Dak Lak. Anăn jing “Dŭm klŏ ktir Thác Hai”, mâo mơ̆ng 3000 – 4000 thŭn êlâo.