Klei kƀĭn mơ̆ng anôk bruă ksiêm duah kơ dliê hlơr (Tropenbos) mkŏ mjing, hŏng klei nao hgŭm mơ̆ng phung kreh knhâo, bi ala kơ dŭm knơ̆ng, dhar bruă leh anăn phung ngă bruă hiu čhưn ênguê ti alŭ wăl. 4 êpul bruă yang ƀuôn nao hlăm klei kƀĭn ăt bi êdah klei mĭn hdră êlan krŭ wĭt dliê leh anăn mđĭ kyar bruă hiu čhưn ênguê hŏng dŭm klei blŭ mguôp.

Phung bi ala, phung ksiêm duah mñă klă hlăm klei kƀĭn: bruă hiu čhưn ênguê wăl mnơ̆ng hdĭp amâo djŏ knŏng đru kriê pioh dliê kmrơ̆ng ƀiădah lŏ đru bi hơĭt klei duah ƀơ̆ng, mđĭ hnơ̆ng klei hdĭp mnuih ƀuôn sang, Nguyễn Sơn Hưng,  khua adŭ bruă kriê dlăng bruă hiu čhưn ênguê, knơ̆ng bruă dhar kreh, mjuăt asei mlei leh anăn hiu čhưn ênguê čar Dak Lak bi êdah klei sa ai hŏng dŭm klei hlăk mblang kơ klei hmăng hmưi, klei găl, klei dleh dlan mơ̆ng krŭ wĭt dliê nao mbĭt hŏng bruă hiu čhưn ênguê wăl mnơ̆ng hdĭp, mbĭt anăn brei thâo, Daklak srăng mâo hdră êlan mrâo kơ bruă anei mâo boh tŭ dưn hĭn.