Čar mñă kơ dŭm alŭ wăl mđing tal êlâo mbĕ đuê̆ mnuih ƀuôn sang mâo sang klưh leh anăn hnưm bi leh bruă mkŏ mkra čiăng kơ mnuih ƀuôn sang bi hơĭt klei hdĭp. Hluê si hră hưn mơ̆ng knơ̆ng bruă lŏ hma leh anăn wăl hdĭp mda hưn hŏng Bruă sang čư̆ êa čar, Gia Lai srăng mbĕ đuê̆ mjêč 1.861 gŏ sang ti 16 alŭ wăl, hlăm anăn mâo 9 alŭ wăl nah ngŏ (čar Bình Định hđăp) hŏng 907 gŏ sang, leh anăn 7 alŭ wăl nah Yŭ, hŏng 954 gŏ sang.

Ênoh prăk ngă hdră mĭn tĭng êbeh 1.840 êklai prăk, čiăng rŭ mdơ̆ng bruă mkŏ mkra, đru kơ mnuih ƀuôn sang leh anăn ngă bruă ruh mgaih anôk ala. Phạm Anh Tuấn, Khua Bruă sang čư̆ êa čar Gia Lai brei thâo, čiăng kơ bruă dăp anôk dôk mrâo pral leh anăn tŭ dưn, dŭm alŭ wăl ngă bruă pral, ksiêm dlăng, mâo hdră êlan dăp anôk dôk kơ mnuih ƀuôn sang. Hlăm anăn, mđing mbĕ đuĕ mnuih ƀuôn sang ktuê hang ksĭ mâo sang dlưh.