Khua gĭt gai Đảng Tô Lâm čih yap, bi mni kơ klei gĭr, ai tiê bi hmô, ba anăp leh anăn boh tŭ mâo leh mơ̆ng Bruă Đảng kahan ksiêm gưl dlông, Phŭn bruă kahan ksiêm hlăm thŭn 2025. Gĭt gai dŭm bruă klam yuôm bhăn hlăm wưng kơ anăp, Khua gĭt gai Đảng Tô Lâm mtă, êpul kahan ksiêm yang ƀuôn kƀĭn jih jang êpul răng mgang klei êđăp ênang klei bi kƀĭn phung bi ala kluôm ala tal XIV mơ̆ng Đảng leh anăn ruah phung bi ala Bruă kƀĭn ala gưl XVI, ruah phung bi ala Êpul gơ̆ng bruă ƀuôn sang wưng 2026 -2031.

Khua gĭt gai Đảng Tô Lâm mñă klă, čiăng hlue ngă tŭ dưn Hdră mtrŭn Klei bi kƀĭn XIV leh anăn dŭm hdră êlan mơ̆ng Đảng brei jih ai tiê, gĭr, êdah kdlưn mơ̆ng kluôm Đảng, jih jang mnuih ƀuôn sang, lĭng kahan hŏng ai tiê kyua klei đĭ kyar mơ̆ng lăn čar, kyua klei jăk mơak yang ƀuôn; hlăm anăn mâo bruă klam, klei đru mguôp mơ̆ng êpul kahan ksiêm yang ƀuôn jing yuôm bhăn snăk.