VOV.Êđê- Duh bi liê anôk bruă nah gŭ sang mnia jing knhuang yuôm bhăn hlăm hdră mđĭ kyar bruă mnia blei krĭng čư̆ čhiăng čar Quảng Ngãi. Mbĭt hŏng klei bi leh hdră kčah, iêô jak prăk bi liê ala ƀuôn leh anăn pŏk ngă hdră kñăm ala čar, alŭ wăl dôk grăp knhuang mkŏ mjing sang mnia mrâo mtang, mguôp mkra mjing hŏng ba čhĭ, đru kơ mnuih ƀuôn sang krĭng čư̆ čhiăng mđĭ prăk hrui wĭt, klei hdĭp mda.

VOV.Êđê- Leh 4 mlan hluê ngă gru hmô bruă knŭk kna alŭ wăl dua gưl, dŭm alŭ wăl ti čar Quảng Ngãi rơ̆ng kjăp hdră mă bruă. Khă snăn, hlăm wưng tal êlâo ngă bruă, lu anôk ăt dleh dlan djŏ tuôm kơ mnuih mă bruă, klei thâo kơ bruă lehanăn hdră kdrăp hâo hưn. Čar Quảng Ngãi dôk pŏk ngă dŭm hdră msir ruh mtlaih, đru kơ anôk bruă ngă bruă tŭ dưn hĭn.

VOV.Êđê- Dŭm thŭn êgao, kyua pŏk ngă kjăp Hdră mtrŭn bi hrŏ ƀun mơ̆ng Knŭk kna msĕ si: Đru kơ hdră duh ƀơ̆ng, lăn dôk, lăn pla mjing, sang dôk… ti krĭng mnuih djuê ƀiă, dŭm êbâo gŏ sang ti lu să hlăm wăl krah Ayŭn Pa hđăp, čar Gia Lai ƀrư̆ tlaih mơ̆ng ƀun. Hlăm dŭm hdră bruă dưi pŏk ngă, hdră mtrŭn đru kơ êmô ana mđai čiăng kơ mnuih ƀuôn sang mđĭ bruă rông mnơ̆ng ba wĭt leh boh tŭ dưn klă sĭt. Kyua gĭr rông êmô, lu gŏ sang ba wĭt leh lu boh tŭ dưn, mđĭ hnư hrui wĭt lehanăn tlaih kơ ƀun hơĭt kjăp.

VOV.Êđê Plei Pông, să Čư̆ A Thai, čar Gia Lai êlâo dih jing krĭng krŭ kdơ̆ng. Ngă hdră êlan mkŏ mkra krĭng ƀuôn sang mrâo hlăm krĭng mnuih djuê ƀiă, plei Pông dưi ruah jing ƀuôn sang mrâo bi hmô. Hlăm dŭm thŭn êgao, hŏng klei mđing uêñ mơ̆ng Đảng leh anăn Knŭk kna, mnuih ƀuôn sang ti krĭng krŭ kdơ̆ng Plei Pông mđĭ lar ai tiê bi hgŭm, gĭr ktưn.

VOV.Êđê Kbưi hŏng ƀuôn prŏng Pleiku hlăm brô 30 km, ƀuôn Kép, să Ia Ly, čar Gia Lai hlăm dŭm thŭn giăm anei jing leh anôk juăt mưng mơ̆ng phung tue hiu čhưn ênguê hlăm lehanăn êngao ala čar. Amâo djŏ knŏng mâo lăn adiê čư̆ dliê jăk siam, ƀiădah tinei hlăk dôk krŭ wĭt hdră dhar kreh, ƀuôn bruă djuê ana đưm mơ̆ng mnuih djuê ana Jarai, dưi krŭ wĭt lehanăn ƀhur êwa mrâo hlăm hdră hiu čhưn ênguê êpul êya. Pô đru krơ̆ng kjăp êlah pui anei jing amai H’Uyên Niê, sa čô mniê jih ai tiê hrăm mbĭt hŏng mnuih buôn sang dôk gĭr kriê pioh lehanăn mđĭ lar knhuah djuê ana mơ̆ng đưm.

VOV.Êđê- Hŏng ai tiê ba anăp mơ̆ng mnuih đảng viên, Kơ Să Ha El ti să Lạc Dương, čar Lâm Đồng amâo djŏ knŏng bi leh êdah kdlưn bruă klam hlăm hdră mă bruă, ƀiădah ñu lŏ duh myơr jih ai tiê pô kơ ƀuôn sang. Ñu jing gru mngač hlăm hdră mtrŭt mjhar mnuih ƀuôn sang mkra êlan, mđĭ kyar bruă duh mkra pla mjing, mkŏ mkra krĭng ƀuôn sang mrâo.

VOV.Êđê- Čar Dak Lak mkŏ mjing leh tŭ dưn Klei bi kƀĭn bruă Đảng gưl 1 lehanăn dôk hlăm dŭm hruê tal êlâo mơ̆ng wưng păn bruă mrâo, klei đua klam mrâo. Anăn jing mjing mjing wăl anôk đĭ kyar prŏng mơ̆ng krĭng čư̆ čhiăng truh kơ êa ksĭ, mjing boh kdrŭt ktang kơ wưng đĭ kyar kơ anăp. Dŭm bruă ngă klă klơ̆ng mâo leh čar dôk pŏk ngă kjăp, mjing boh kdrŭt kơ wưng đĭ kyar mrâo.

VOV.Êđê - Leh mdei bruă, nai mtô Nguyễn An Sơn ti thôn 7, să Čư̆ Mgar, čar Dak Lak wĭt hŏng đang kphê gŏ sang lehanăn pla kphê hluê hdră mrâo. Ñu amâo djŏ knŏng mjing hdră duh mkra hơĭt kjăp ƀiădah lŏ bi lar gru hmô pla kphê truh kơ lu ƀĭng ngă lŏ hma mkăn lehanăn mâo čar bi mni jing Ƀĭng ngă bruă lŏ hma Việt Nam êdah kdlưn thŭn 2025.

VOV.Êđê-- Hlăm dŭm thŭn êgao, lu alŭ wăl krĭng čư̆ čhiăng nah Yŭ čar Quảng Ngãi (čar Kon Tum êlâo dih) lăm lui leh dŭm mta ana pla mjing amâo tŭ dưn ba pla kphê krĭng êăt Arabika - mjeh ana pla mjing djŏ guôp hŏng yan adiê êđăp. Mơ̆ng gru hmô lông čhĭ tal êlâo, kphê pral jing ana pla mjing phŭn, đru kơ mnuoh djuê ƀiă hơĭt klei duh ƀơ̆ng leh anăn gĭr ktưn tlaih ƀun.

VOV.Êđê - Leh êbeh 10 thŭn pŏk ngă Hdră kñăm ala čar, krĭng lăn Vĩnh Long - anôk mâo mnuih Khmer hdĭp mda - mâo sa klei mlih mrâo. Dŭm ktuê êlan kdlŭt hlăk êlâo ară anei bi mlih hŏng êlan bêtông kjăp, sang jhat rai ară anei jang anôk kơ sang bi hgŭm kjăp. Ƀiădah yuôm hĭn, klei bi mlih mrâo klă hĭn jing klei mĭn leh anăn klei mnuih ƀuôn sang tinei gĭr ktưn.