VOV.Êđê- Čar Dak Lak dôk mjêč mkŏ dăp sang hră Knŭk kna, mĭn tĭng bi hrŏ hlăm brô 50% anôk mkŏ. Mbĭt hŏng klei ksiêm dlăng, mkŏ wĭt sang hră adŭ hriăm, dŭm alŭ wăl leh anăn sang hră mđĭ hĭn klei hâo hưn, thâo klă klei čiăng, mkŏ mjing klei sa ai, rơ̆ng kơ bruă mkŏ dăp amâo mâo hmăi kơ klei dưi hriăm hră mơ̆ng phung hđeh sang hră hlăm thŭn hriăm mrâo.

VOV.Êđê- Kyua ai dưi mơ̆ng dŭm hdră kñăm ala čar, klei hdĭp krĭng mnuih djuê ƀiă leh anăn krĭng čư̆ čhiăng Khánh Hòa ƀrư̆ ƀrư̆ bi mlih. Mơ̆ng dŭm ktuê êlan dưi mkra mđĭ truh kơ gru hmô mkra mjing mđĭ hnư hrui wĭt, mguôp hŏng bruă hiu čhưn ênguê êpul êya, dŭm hdră dôk đru mguôp mkra mđĭ klei hdĭp, mjing hdră duh ƀơ̆ng leh anăn krŭ wĭt ai tiê čŏng pô gĭr ktưn kpưn đĭ mơ̆ng mnuih ƀuôn sang.

VOV.Êđê- Leh êbeh 2/3 wưng pŏk ngă “Hdră ruh mgaih anôk ala dŭm hdră bruă, hdră bruă phŭn”, truh ară anei, čar Dak Lak ruh mgaih leh anôk ala kơ dŭm pluh hdră bruă kpăk đuôm sui thŭn.

VOV.Êđê- Mprăp kơ thŭn hriăm mrâo 2026 - 2027, mbĭt hŏng bruă mjêč bi leh dŭm bruă mkŏ mkra, čar Quảng Ngãi dôk kñăm mprăp kơ klei hrŏng ruah, mprăp kơ êpul phung nai leh anăn kdrăp mnơ̆ng yua čiăng ba 4 sang hră Knŭk kna rông ba mlir gưl hriăm gưl 1 leh anăn gưl 2 ti dŭm să knông lăn nao ngă bruă djŏ hŏng hdră kčah.

VOV.Êđê- Jing alŭ wăl tal êlâo mơ̆ng čar Gia Lai dưi ruah mkŏ mjing gru hmô "să phŭn mrô", să Tây Sơn dôk mjing dŭm klei bi mlih klă sĭt hlăm bruă mkra mlih hră mơar, mđĭ kyar bruă sang čư̆ êa mrô leh anăn mtrŭt mđĭ bruă duh mkra mrô. Mơ̆ng dŭm boh tŭ dưn tal êlâo, čar Gia Lai bi mklă pŏk mlar gru hmô truh kơ 30 să, ƀrư̆ ƀrư̆ mkŏ mjing tur knơ̆ng bi mlih mrô hrăm mbĭt mơ̆ng gưl nah gŭ.

VOV.Êđê- Grăp yan hjan truh, lu gŏ êsei mnuih ƀuôn sang ti ktuê hnoh krông Ayun, hlăm ƀuôn hgŭm Ia Hiao, čar Gia Lai lŏ hŭi hyưt lĕ hlăm klei êa lip lêč, arưp aram klei hdĭp leh anăn ngăn drăp. Čiăng đru kơ mnuih ƀuôn sang mâo klei hdĭp êđăp ênang hĭn, čar Gia Lai pŏk ngă leh Hdră bruă mkŏ dăp anôk dôk mrâo, anôk jưh dôk mklin sa anôk kơ krĭng yan adiê ngă ti să Ia Hiao. Hlăm wưng êgao, hŏng klei nao hgŭm mơ̆ng yang ƀuôn, sa krĭng anôk dôk mrâo dôk ƀrư̆ ƀrư̆ mkŏ mjuing, đru kơ mnuih ƀuôn sang bi hơĭt klei hdĭp.

VOV.Êđê- Mơ̆ng dŭm ƀuôn sang siă suôr leh hŏng lu gưl ênuk, lu êpul êya mnuih ƀuôn sang ti Dak Lak mrâo mŭt hlăm sa klei mkŏ dăp mrâo. Anei amâo djŏ knŏng jing bruă lŏ mkŏ mjing dŭm alŭ, ƀuôn, êpul mnuih ƀuôn sang hlue si klei bi khuăt êpul mă bruă ôh, ƀiădah lŏ jing klei tĭng mkă bi kna plah wah mđĭ boh tŭ kriê dlăng hŏng kriê pioh wăl dhar kreh, klei bhiăn hdĭp mda leh anăn klei bi mguôp êpul êya. Ti ƀuôn hgŭm Ea Kao, hdră msir mkŏ dăp mâo leh klei sa ai mơ̆ng nah gŭ.

VOV.Êđê- Ti dŭm kbuôn čư̆ să Tu Mơ Rông, čar Quảng Ngãi (kdriêk Tu Mơ Rông, čar Kon Tum hđăp) êbeh 1 êklăk phŭn kphê mrâo pla mrâo, pŏk kơ bruă mkŏ mjing krĭng pla mjing sa anôk, mkŏ mjing hdră duh ƀơ̆ng hơĭt kơ mnuih ƀuôn sang Sêdang.

VOV.Êđê- Čar Dak Lak dôk bi mlih klei mĭn pŏk phai ênhă pla mjing bruă lŏ hma jing mđĭ boh tŭ dưn ti sa ênoh lăn. Mbĭt hŏng bruă mkŏ mjing dŭm krĭng pla mjing dưn yua kdrăp mrâo mrang, mđĭ kyar bruă lŏ hma dar leh anăn mprăp keh lăn iêo jak knơ̆ng bruă prŏng, alŭ wăl ƀrư̆ ƀrư̆ mkŏ mjing bruă lŏ hma mrâo mrang, hơĭt kjăp.

VOV.Êđê- Hlue ngă hdră êlan bi khuăt êpul mă bruă, dŭm alŭ wăl ti čar Lâm Đồng dôk mjêč pŏk ngă hdră dăp, bi mŭt alŭ, ƀuôn hlue si hdră bi hrŏ êbeh 50% ênoh anôk phŭn kriê dlăng ti nah gŭ. Bruă hlue ngă dưi ngă hưn mdah, êngiê, mjing klei sa ai hlăm yang ƀuôn, mđing mđĭ boh tŭ klei găl.