VOV4.Êđê- Ti kdriêk Di Linh, čar Lâm Đồng mâo lu mnuih K’Ho hdĭp mda. Hlăm wưng êgao, êngao kơ bruă mkŏ mjing Đảng, mkŏ mjing bruă kđi čar kjăp ktang, bruă mđĭ kyar đảng viên mnuih djuê ƀiă mâo bruă Đảng kdriêk Di Linh uêñ mĭn. Mbĭt hŏng anăn, kyua bi lar jăk bruă klam bi hmô, nao êlâo mơ̆ng đảng viên hlăm bruă mđĭ kyar bruă duh mkra leh anăn klei hdĭp mda, lu ƀuôn êlan mâo klei mlih klă nik, ƀrư̆ ƀrư hgao klei dlen dlan gĭr ktưn mkŏ mjing klei hdĭp mrâo.

VOV4.Êđê - Hlăm dŭm thŭn giăm anei bruă pŏk dŭm adŭ mtô bi hriăm bruă ƀiă hruê hlue si klei čiăng kơ mnuih djuê ƀiă, êdu awăt mâo leh dŭm gưl bruă sang čư̆ êa ti kdriêk Čư̆ Kuin, čar Dak Lak mđing leh anăn ba klei tŭ dưn klă sĭt. Anăn jing hdră mtô ngă lŏ, pơ̆k mñam, rông ŭn, mdơ̆ng sang, khăt ƀuk, bi msiam, tŭk knă… đru phung ƀun ƀin, dleh dlan kpưn đĭ hŏng bruă ngă anei.

VOV4.Êđê – Čar Dak Lak dôk mtrŭt bi hmar hluê ngă dŭm hdră ala čar kñăm mkŏ mkra krĭng ƀuôn sang mrâo, gĭt bi leh hnơ̆ng čuăn hluê si hdră mtrŭn bruă Đảng čar gưl tal 17, wưng thŭn 2021 – 2025 mâo ƀiă êdi 100 să, 4 kdriêk ênŭm hnơ̆ng čuăn krĭng ƀuôn sang mrâo.

VOV4.Êđê- Mđing kơ hdră bi ktưn mkra mjing mnia blei mbruă, hlăm wưng êgao, lu đảng viên mnuih đjuê ƀiă hlăm bruă đảng Kdriêk Ea Kar, čar Dak Lak mđĭ lar leh ai tiê ba anăp “Jhŏng mĭn, jhŏng ngă” bi liê mđĭ kyar bruă duh mkra gĭr ktưn kpưn đĭ kơ mdrŏng. Mbĭt anăn, diñu ăt gĭr đru mguôp, myơr lăn mkra êlan krĭng ƀuôn sang, đru alŭ wăl mkŏ mkra krĭng ƀuôn sang mrâo.

VOV4.Êđê- Leh phung hđeh mrâo kkiêng dưi bi anăn, hlăm wang mơ̆ng 1 truh 3 mlan, gŏ sang mnuih djuê ƀiă krĭng Lăn Dap Kngư srăng mkŏ mjing knăm ƀhur knga kơ hđeh. Anei jing knăm mơĭt klei čang hmăng hŏng phung yang, aduôn aê atâo atiêt răng mgang kơ phung hđeh suaih pral leh anăn hriê kơ prŏng.

VOV4.Êđê- Khădah thŭn leh khua, ƀiădah lu phung mniê ti čar Dak Lak ăt hur har hlăm dŭm mta bruă yang ƀuôn, mtrŭt mđĭ bruă nah gŭ amâodah đru mđĭ kyar klei hdĭp mda gŏ sang. Diñu ăt dôk bi lar bruă klam, bi êdah kơhưm mơ̆ng mniê Việt Nam thâo bruă lăn čar, thâo bruă pưk sang, jing gru hmô êdah êdi đru mkŏ mjing gŏ sang dhar kreh, trei mđao, yâo mơak hlăm alŭ wăl.

VOV4.Êđê- Leh êbeh 4 mlan pŏk ngă, Hdră bruă mơ̆ng Phŭn bruă kahan ksiêm kơ klei rŭ mdơ̆ng 1.200 boh sang kơ dŭm gŏ êsei ƀun, mnuih djuê ƀiă leh anăñ gŏ sang knŭk kna dlăng ba ti Dak Lak, dưi bi leh. 1.200 gŏ êsei dôk hlăm boh sang mrâo, hơĭt ai tiê mă bruă mkra mjing, gĭr ktưn tlaih ƀun. Hdră yuôm bhăn anei mơ̆ng Phŭn bruă kahan ksiêm ăt đru mđĭ mkŏ mjing krĭng ƀuôn sang mrâo ti Dak Lak, đru kơ čar hnưm dưi ngă hdră kñăm rŭ mdơ̆ng 5000 boh sang mđup brei kơ gŏ êsei ƀun hlăm wưng 2022-2025.

VOV4.Êđê - Bi mklă bruă đảng ktang jing mơ̆ng anôk bruă đảng nah gŭ jăk, phung đảng viên jăk, hlăm wưng êgao, bruă Đảng să Yang Bắc, kdriêk Đăk Pơ, čar Gia lai ngă leh hrăm mbĭt, tŭ dưn hdră msir mđĭ hnơ̆ng jăk mkŏ mjing Đảng, knuă druh, đảng viên. Kyua anăn, bruă đảng tinei mâo leh klei bi mlih prŏng, boh đru kơ mnuih djuê ƀiă Bahnar tlaih ƀun pral, hơĭt kjăp, mjing klei mngač ti krĭng krŭ kdơ̆ng anei.

VOV4.Êđê-Dŭm thŭn êgao, Dŭm thŭn êgao, bi hrŏ ƀun hŏng klei kjăp jing sa hlăm dŭm bruă klam phŭn mơ̆ng ƀuôn prŏng Pleiku, čar Gia Lai. Lu klei bi hmô đru kơ hdră duh ƀơ̆ng dưi bi lar boh tŭ dưn, đrơ mnuih ƀuôn sang tlaih ƀun leh anăn bi hơĭt klei hdĭp mnuih ƀuôn sang. Sa hlăm dŭm klei bi hmô êdah êdi jing “Hdră bi lu jơr hdră duh ƀơ̆ng, mđĭ kyar klei bi hmô bi hrŏ ƀun” dưi đru kơ lu gŏ sang dleh dlan kpưn đĭ.

VOV4.Êđê- Mơ̆ng akŏ thŭn 2023, hlue si Hdră mtrŭn 148/QĐ-TTg mơ̆ng Khua Knŭk kna, hdră hiu čhưn ênguê êpul êya, hiu čhưn dlăng anôk jăk siam leh anăn anôk hiu čhưn ênguê jing sa hlăm 66 êpul mnơ̆ng dhơ̆ng mơ̆ng Hdră grăp sa mta mnơ̆ng (OCOP). Khădah snăn, kyua kƀah klei bi hgŭm čiăng êdi, leh êbeh 1 thŭn mkrah pŏk ngă, Dak Lak ăt ka dưi mkŏ mjing ôh mnơ̆ng dhơ̆ng OCOP hiu čhưn ênguê.