VOV.Êđê - Ti Gia Lai, lu phung mda asei dôk ruah klei mphŭn čô̆ kơ bruă mơ̆ng bruă djuê ana ti ƀuôn sang pô. Mơ̆ng hdră anăn, diñu ba klei mrâo mrang hlăm dŭm ênoh yuôm mĭn tĭng srăng luč rai, bi mrâo mnơ̆ng dhơ̆ng hŏng klei mĭn mbruă, đru mkŏ mjing klei duh ƀơ̆ng kjăp leh anăn răng kriê mnơ̆ng dhar kreh ti alŭ wăl. Dŭm klei gĭr kjăp anăn dôk đĭ kyar mơ̆ng hdră êlan đru klă sĭt mơ̆ng alŭ wăl, pŏk êlan nao bŏ hŏng klei čang hmăng hlăm wưng kơ anăp.

VOV.Êđê- Čar Dak Lak dôk pŏk ngă ktang klei mlih mrô, dlăng anei jing hdră msir phŭn čiăng mđĭ boh tŭ ngă bruă mơ̆ng bruă sang čư̆ êa alŭ wăl dua gưl, mđing kơ klei mkŏ mjing bruă sang čư̆ êa mrâo mrang, thơ̆ng, duh kơ mnuih ƀuôn sang ƀrư̆ jăk hĭn. Bruă ba yua kdrăp mrô hlăm êpul êya amâo djŏ knŏng mjing klei găl kơ bruă kriê dlăng, gĭt gai ôh, ƀiădah lŏ đru kơ mnuih ƀuôn sang thâo pral hĭn kơ klei hâo hưn, hdră ngă bruă leh anăn kdrăp mrô klă sĭt. Čiăng dưi ngă klei anei, Dak Lak bi mklă “mnuih ƀuôn sang mrô” jing tur knơ̆ng kơ klei đĭ kyar mrô, kyua anăn dôk mđĭ pral hlue ngă hdră “Mnuih ƀuôn sang hriăm kơ hdră mrô” ba kdrăp mrâo truh giăm hĭn hŏng grăp čô mnuih ƀuôn sang.

VOV4.Êđê - Khua mduôn K’Brệp djuê ana K’Ho ti alŭ Kala Kròt, să Bảo Thuận, čar Lâm Đồng amâo djŏ knŏng ba anăp hlăm bruă mkra mjing ôh, ñu lŏ jing pô mbruă, jih ai tiê mtô mbruă pơ̆k mñam djuê ana K’Ho. Mbĭt anăn, ñu ăt gĭr đru mguôp yuôm bhăn hlăm hdră mkŏ mkra krĭng ƀuôn sang mrâo ti alŭ wăl.

VOV.Êđê - Čiăng đru kơ phung hđeh krĭng čư̆ čhiăng Dak Lak mprăp thiăm klei thâo luê leh anăn gang mkhư̆ klei mngăt hlăm êa, lu bruă ngă êngao mmông hriăm, mtô bi hriăm luê êa amâo mă prăk dưi mkŏ mjing jih gưl yan mdei prŏng anei. Bruă ngă anei amâo djŏ knŏng mprăp klei thâo kơ phung hđeh mâo yan mdei prŏng êđăp ênang ôh ƀiădah lŏ mjing tač hlăp jăk mơak.

VOV4.Êđê-Leh êbeh sa hruê kăm mŭt ngă bruă, hdră msir mghaih klei ngă hră mơar ti dŭm ƀuôn hgŭm hlăm čar Lâm Đồng ba wĭt leh boh tŭ dưn, mkăp hdră ngă bruă jăk kơ mnuih ƀuôn sang.

VOV4.Êđê- Dŭm hdră ala čar kñăm bi hrŏ ƀun, mđĭ kyar bruă duh mkra – ala ƀuôn krĭng mnuih ƀuôn sang djuê ƀiă lehanăn krĭng čư̆ čhiăng, bruă mkŏ mkra krĭng ƀuôn sang mrâo dôk mđĭ lar boh tŭ dưn ti krĭng knông lăn čar Lâm Đồng (Dak Nông êlâo adih). Hŏng klei duh bi liê mâo mta phŭn, đru leh kơ lu krĭng ƀuôn sang, lu să krĭng taih kbưi, krĭng mnuih djuê ƀiă kpưn đĭ kjăp.

VOV4.Êđê - Dŭm thŭn giăm anei, čar Dak Nông hđăp, ară anei jing čar Lâm Đồng mrâo, ba akŏ nanao krĭng Lăn dap kngư lehanăn jing sa hlăm dŭm alŭ wăl dôk mrô sa hlăm hdră bi hrŏ ƀun mơ̆ng kluôm ala čar. Hdră bi hrŏ ƀun brei ƀuh leh klei bi êdah jăk mơ̆ng hdră kiă kriê, gĭt gai truh kơ hdră mă bruă mơ̆ng dŭm êpul bruă Đảng gưl nah gŭ, dŭm anôk bruă Đảng lehanăn phung đảng viên hlăm krĭng ƀuôn sang.

VOV4.Êđê- Yan mdei prŏng amâo djŏ knŏng wưng mdei leh sa thŭn hriăm hră mơar, ƀiădah lŏ jing wưng phung hđeh hriăm mjuăt lehanăn tui ksiêm kơ wăl hdĭp djiêu gah găn. Ti Dak Lak, lu tač hlăp jăk, êđăp ênang dưi pŏk ngă, ba kơ phung hđeh sa yan bhang klă sĭt tŭ yuôm.

VOV4.Êđê - Êpul pơ̆k mñam ƀuôn Phung, să Biển Hồ, ƀuôn prŏng Plei Ku, čar Gia Lai mâo mkŏ mjing 3 thŭn anei. Anei jing anôk kriê pioh dhar kreh djuê ana, mđĭ kyar bruă pơ̆k mñam mnuih Jrai leh anăn đru mjing bruă mă leh anăn prăk hrui wĭt kơ phung mniê Jrai ti ƀuôn Phung

VOV4.Êđê - Čar Gia Lai dôk gĭr mđĭ kyar bruă pla ana mtei hluê hdră ba yua kdrăp mrâo, kñăm mđĭ boh tŭ yuôm mnơ̆ng dhơ̆ng lehanăn mkŏ mjing hdră ba čhĭ mnơ̆ng lŏ hma kơ ala tač êngao ba wĭt boh tŭ yuôm. Anei jing sa knhuang nao yuôm bhăn kñăm mkŏ dăp anôk bruă lŏ hma, đru mkŏ mkra krĭng ƀuôn sang mrâo hluê hdră mrâo mrang.