VOV4.Êđê - Hŏng bruă bi klă klei bi hmô 3 doh jing doh pưk sang, doh êlan klông, doh sang pui jing dŭm bruă ngă klă klơ̆ng, Phung mniê Dak Lak dôk hur har đru hluê ngă dŭm hnơ̆ng čuăn kơ wăl hdĭp mda leh anăn klei doh êbăt mnơ̆ng ƀơ̆ng huă, hrăm mbĭt hŏng bruă sang čư̆ êa alŭ wăl mkŏ mkra krĭng ƀuôn sang mrâo.

VOV4.Êđê- Hlăm dŭm thŭn êgao, Êpul kahan hđăp kdriêk Đăk Đoa, čar Gia Lai pŏk ngă leh lu gru hmô mkra mjing, hdră bi lông ktưn klă sĭt, msĕ si: Êpul kahan hđăp bi hmô”, “Êpul kahan hđăp bi đru bi hrŏ ƀun, ngă bruă duh mkra mbruă”… Mơ̆ng anăn, mâo lu gru mngač hlăm êpul êya, amâo djŏ knŏng đru mđĭ kyar bruă duh mkra ala ƀuôn ti alŭ wăl ôh ƀiădah lŏ đru mtô knhuah gru krŭ kdơ̆ng kơ phung mda asei tui hlue.

VOV4.Êđê- Hdră mkŏ mkra krĭng ƀuôn sang mrâo ba wĭt dŭm boh tŭ dưn jăk ti čar Dak Nông hŏng dŭm krĭng ƀuôn sang mlih mrâo. Dŭm gưl bruă, dhar bruă mơ̆ng čar dôk gĭr čiăng hnưm bi leh dŭm mta kñăm wưng thŭn 2021 – 2025, mkŏ mjing boh kdrŭt kơ krĭng ƀuôn sang mơ̆ng čar đĭ kyar hlăm wưng kơ anăp.

VOV4.Êđê- Ti kdriêk Ia Pa, čar Gia Lai, Hdră kñăm ala čar bi hrŏ ƀun kjăp dôk ba klei tŭ dưn jăk. Mbĭt hŏng klei mkra mđĭ anôk bruă nah gŭ, ba jao bruă kreh knhâo, hdră mnêč, đru kơ mnuih ƀuôn sang mđĭ kklei tŭ dưn mkra mjing, đruu kơ bruă duh mkra kơ gŏ êsei ƀun ti kdriêk ăt dôk mđĭ lar klei tŭ dưn, đru kơ mnuih ƀuôn sang hơĭt klei hdĭp mda leh anăn gĭr ktưn tlaih ƀun kjă.

VOV4.Êđê- Knơ̆ng bruă sang čư̆ êa čar Khánh Hòa mrâo mơĭt hră mơar kơ Phŭn bruă mnuih mă bruă, kahan êka êkeh leh anăn ala ƀuôn bi mklă hưn mdah hŏng Khua knŭk kna ksiêm dlăng, bi mklă yap 2 kdriêk Khánh Sơn leh anăn Khánh Vĩnh jing kdriêk tlaih ƀun. Tlaih ƀun jing klei yuôm bhăn mơ̆ng krĭng čư̆ čhiăng čar Khánh Hòa, hlăm anăn, mâo klei đru mguôp mơ̆ng khua mduôn, phung mâo kơhưm ti alŭ wăl.

VOV4.Êđê - Leh 6 thŭn hluê ngă hdră grăp să sa mnơ̆ng dhơ̆ng OCOP, čar Dak Nông ƀrư̆ ƀrư̆ mkŏ mjing anăn knăl kơ dŭm mnơ̆ng dhơ̆ng bruă lŏ hma hnơ̆ng jăk. Hluê anăn, Nông đru mguôp leh hlăm bruă mđĭ hĭn klei mkŏ hlăm bruă mkra mjing čiăng mđĭ kyar bruă lŏ hma, krĭng ƀuôn sang hluê hdră hơĭt kjăp.

VOV4.Êđê - K’kiêng leh anăn đĭ hriê kơ prŏng ti kdriêk Krông Pa, sa hlăm dŭm krĭng taih kbưi dleh dlan hĭn mơ̆ng čar Gia Lai, nai Kpă Pual amâo mâo mdei ôh klei hriăm kơ pô. Boh nik, ñu jing nai mtô toán, ƀiădah lŏ khăp êdi hŏng klei blŭ djuê ana leh anăn jing sa čô thơ̆ng kơ bruă hlăm bruă anei.

VOV4.Êđê-Hdră kñăm ala čar mkŏ mkra krĭng ƀuôn sang mrâo dôk ba keli tŭ dưn jăk hlăm bruă mđĭ kyar bruă duh mkra, ala ƀuôn ti dŭm ƀuôn sang, dŭm krĭng ƀuôn sang ti ƀuôn prŏng Gia Nghĩa, čar Dak Nông. Jing anôk bruă gưl kdriêk tal êlâo čar Dak Nông truh hdră kñăm krĭng ƀuôn sang mrâo, Gia Nghĩa dôk lŏ dơ̆ng gĭr ktưn hŏng klei gĭr mkŏ mjing dŭm boh ƀuôn sang, krĭng ƀuôn sang kjăp bruă duh mkra, jiă knhuah dhar kreh leh anăn klei khăp.

VOV4.Êđê- Ea Sup jing kdriêk knông lăn mơ̆ng čar Dak Lak mâo yan adiê hlơr, gŏ sang ƀun lu. Hlăm dŭm thŭn êgao, bruă Đảng nah gŭ, bruă sang čư̆ êa kdriêk Ea Sup, čar Dak Lak ngă hdră mbĭt dŭm hdră êlan mđĭ kyar bruă duh mkra – ala ƀuôn, bi hơĭt klei hdĭp mnuih ƀuôn sang, mâo dŭm klei tŭ jing hlăm bruă bi hrŏ ƀun hlăm alŭ wăl.

VOV4.Êđê- Hlăm wưng êgao, dŭm êpul kdrăp mrô ti Dak Lak mđĭ lar jăk bruă klam hâo hưn, ktrâo lač kơ mnuih ƀuôn sang dưm, yua kdrăp mrô hlăm djăp mta bruă hlăm klei hdĭp. Mơ̆ng anăn đru kơ klei mlih mrô ti alŭ wăl mâo klei bi mlih jăk, lu mnuih ƀuôn sang yua leh jăk, tŭ dưn kdrăp yua bruă knŭk kna online čiăng grăp knhuang mkŏ mjing mnuih ƀuôn sang mrô.