VOV.Êđê - Să Đăk Pxi, čar Quảng Ngãi, dưi mkŏ mjing hlue hdră bi mŭt mbĭt dŭm să Đăk Pxi lehanăn să Đăk Long (kdriêk Đăk Hà, čar Kon Tum hđăp). Ti dŭm krĭng taih kbưi, să mâo giăm 90% ênoh mnuih jing mnuih djuê ana ƀiă, hŏng 10 alŭ, ƀuôn dleh dlan. Khă snăn, hŏng klei duh bi liê kluôm ênŭm mơ̆ng knŭk kna, klei hgŭm kngan, sa ai mơ̆ng mnuih ƀuôn sang mbĭt hŏng dŭm klei bi êdah jăk mơ̆ng hdră mkŏ dăp anôk bruă knŭk kna, mkŏ mkra bruă knŭk kna mkăp kơ mnuih ƀuôn sang, Đăk Pxi dôk mprăp mŭt hlăm wưng đĭ kyar mrâo.

VOV.Êđê- Ƀuôn bruă djuê ana K'Ho ti alŭ Klong krao 1,să Di Linh, čar Lâm Đồng dưi ba yua hlăm mlan 9 thŭn dih, hŏng ênoh bi liê 12 êklai prăk. Anei jing hdră bruă êdah êdi, hlăm hdră bruă 6 (Hdră kñăm ala čar) kơ klei mđĭ lar ênoh yuôm dhar kreh djuê ana jăk siam mnuih djuê ƀiă mguôp hŏng mđĭ kyar hiu čhưn ênguê êpul êya hơĭt kjăp ti Lâm Đồng

VOV.Êđê- Čar Quảng Ngãi, lăn čar mdrŏng sah krŭ kdơ̆ng jing anôk mâo klei tŭ dưi kdrưh kơăm hlăm dua klei bi blah. Mơ̆ng anôk krŭ kdơ̆ng Ba Tơ truh kơ anôk bi blah ktang Vạn Tường, hlăm klei êđăp ênang anôk anei bluh mâo ai hdĭp mrâo.

VOV.Êđê- Mlan truh, dŭm ƀuôn êlan krĭng knông lăn nah yŭ čar Gia Lai guh mngač kyua pui mtrang êran hŏng pil yang hruê kyua Binh đoàn 15 pŏk ngă hlăm hdră “Mtŭ mngač mtrang ƀuôn sang”. Dŭm pui mtrang amâo djŏ knŏng ba klei mơak, rơ̆ng klei êđăp ênang kơ mnuih ƀuôn sang ôh, ƀiădah lŏ đru mguôp bi mguôp klei khăp ƀuôn sang –lĭng kahan, đru mkŏ mjing knông lăn kjăp ktang ti anôk yuôm bhăn čar kwar.

VOV.Êđê- Să Gào, hlăm ƀuôn prŏng Pleiku êlâo adih, dôk ti nah Yŭ čar Gia Lai, jing krĭng lăn jiă knhuah gru cách mạng. Mđĭ lar knhuah gru jhŏng ktang anăn, ară anei, mơ̆ng sa krĭng ƀuôn sang dôk lu klei dleh dlan, să Gào hlăk lehanăn dôk bi mlih hŏng klei čang hmăng mđĭ kyar kluôm dhuôm, jing gru mngač hlăm hdră mkŏ mkra krĭng ƀuôn sang mrâo lehanăn mđĭ kyar bruă duh mkra – ala ƀuôn.

Êđê- Leh wưng mă bruă hlăm êpul lĭng kahan, wĭt hŏng klei hdĭp aguah tlam, kahan hđăp Đặng Kháng, djuê ana Chăm ti alŭ Bình Hiếu, să Bắc Bình, čar Lâm Đồng (ti čar Bình Thuận êlâo dih) gĭr mă bruă, mkra mjing, mđĭ kyar bruă duh mkra gŏ sang, jing gru mngač êdah êdi kơ klei ngă bruă duh mkra mbruă ti să Bắc Bình, čar Lâm Đồng.

VOV.Êđê - Lu thŭn hŏng anei, đảng viên mda asei mnuih Ê Đê Y Hlý Niê Kdăm, 36 thŭn dôk ti ƀuôn hgŭm Čư̆ Pơ̆ng jih ai tiê ktuh êyuh duh myơr kơ klei jăk siam ƀuôn sang pô, dơ̆ng mơ̆ng bruă điêt msĕ si hwai djah.

VOV.Êđê - Sang krum dlông Êđê mâo anăn “Sang Kathy” ti krah ƀuôn Tuôr, ƀuôn hgŭm Hòa Phú, ti krĭng nah Dhŭng ƀuôn hgŭm Ƀuôn Ma Thuôt, čar Dak Lak jing leh anôk mưng hŏng phung tue hiu čhưn jĕ giăm, taih kbưi. 80% tue hiu čhưn hriê tinei hlăm 2 thŭn êgao jing tue mơ̆ng ala tač êngao, hriê mơ̆ng Prăng, Ăngle, Sweden… Mâo đa đa tue dôk jih sa mlan, mâo êpul tue hriê 1 hruê kăm, dŭm hruê, čhưn dlăng klei hdĭp mnuih ƀuôn sang grăp hruê. Diñu khăp kơ anôk êđăp ênang ti ƀuôn Tuôr hŏng klei hdĭp mda jăk hĭn mnuih Êđê, khăp kơ klei yăl dliê ti djiêô kpur pui leh anăn mơak mñai hŏng phung hđeh điêt hlăm ƀuôn.

VOV.Êđê- Tuôm jing krĭng krŭ kdơ̆ng H5 kjăp ktang hlăm klei bi blah, ară anei să Ea M’Droh, čar Dak Lak mâo leh klei mlih mrâo. Dŭm boh sang prŏng siam ti djiêô sang dlông, êlan bê tông, gŭ drŏng dlông, klei hdĭp mda mnuih ƀuôn sang ƀrư̆ bi mlih. Hdră mkŏ mjing krĭng ƀuôn sang mrâo dôk ba ai ktang mrâo kơ ƀuôn sang krĭng krŭ kdơ̆ng hlăk êlâo dih.

VOV.Êđê - Boh kruê̆ adŭng klĭt mtah mbĭt hŏng dŭm mta mnơ̆ng lŏ hma mkăn smĕ si durian, mtei, ƀơr, kneh ti krĭng mnuih djuê ƀiă lehanăn krĭng čư̆ čhiăng Khánh Hòa dôk mŭt hlăm yan hrui êmiêt hlăk yan adiê jăk găl, mjing klei găl pŏk ngă hdră OCOP lehanăn ba mta mnơ̆ng alŭ wăl truh giăm hĭn hŏng tuê hiu čhưn ƀri knăm 2/9.