VOV4.Êđê - Ti čar Gia lai, giăm sa thŭn êgao, grăp mlam, êpul ba anăp “Ktuê êlan êđăp ênang” lŏ hrăm mbĭt mkra êlan, dưm boh tâo lu kdrêč êlan jhat rai, đru lar bra bruă jăk hlăm êpul êya. Dŭm krĭng ƀuôn sang mrâo thiăm êđăp ênang kyua bruă ngă jăk dưi bi lar.

VOV4.Êđê- Alŭ wăl să Măng Bút, kdriêk Kon Plŏng, čar Kon Tum jing anôk phung Prăng, Mi mkŏ mkra kđông kahan ksiêm dlăng dŭm boh ƀuôn mnuih djuê ƀiă, gang mkhư̆ phung kahan mtlaih êngiê lehanăn jing anôk mprăp čiăng nao bi blah čar Quảng Nam, Quảng Ngãi. Hlăm hdră mblah Dưr lăn dap kngư 1954 djŏ hŏng wưng Hdră mblah Điện Biên Phủ, êpul kahan djă phao ktuang kahan hgŭm krĭng 5 lehanăn lĭng kahan Kon Tum mblah mjing leh hdră mblah tŭ dưi Măng Buk mbĭt hŏng hdră mblah Măng Đen, Kon Braih bi kruh rai êpul kahan Prăng ti Dưr lăn dap kngư. Jing alŭ wăl krĭng taih kbưi, lăn ala dleh dlan, ară anei Măng Bút dôk kpưn đĭ kjăp tlaih mơ̆ng klei ƀun knap.

VOV4.Êđê- Ênai čing kwang kdrưh kơăm, kdŏ čhuang êdi êun hŏng asăp muiñ jiă kma čư̆ dliê, djam tam jăk yâo… jing dŭm mta kñăm iêô jak tue hiu čhưn hruê ti Dak Lak hlăm gưl mdei 30/4 leh anăn 1/5 thŭn anei. Dŭm bruă dhar kreh jăk siam anei kruăk knăl klei tŭ jing mơ̆ng klei gĭr mđĭ kyar hiu čhưn ênguê mguôp hŏng dhar kreh êpul êya, mjing klei jăk siam hlăm dŭm krĭng ƀuôn sang Lăn Dap Kngư.

VOV4.Êđê- Mđup brei hdruôm hră, ba hră truh kơ dŭm boh ƀuôn krĭng taih kbưi jing hdră mơ̆ng dŭm êpul êya ngă hdră dhar kreh ăt msĕ mơh dŭm êpul đru dôk pŏk ngă ti Dak Lak čiăng đru kơ phung hđeh ti krĭng taih kbưi dưi mâo hră lehanăn dlăng hră. Mơ̆ng anăn, đru lar bra dhar kreh dlăng hră truh kơ grăp boh ƀuôn čiăng kơ phung hđeh khăp hĭn kơ klei dlăng hră.

VOV4.Êđê - Leh giăm 6 thŭn ngă hdră “Grăp să sa mta mnơ̆ng” pia klah čŭn jing Hdră OCOP, dŭm mta mnơ̆ng dhơ̆ng jiă kma krĭng kwar ti Dak Lak ƀrư̆ dưi mâo anăn knăl leh anăn mâo lu hlăm anôk ba čhĭ. Lu mnơ̆ng dhơ̆ng OCOP ba čhĭ ti ala tač êngao jing leh pô bi ala ba hưn mdah mnơ̆ng dhơ̆ng jăk mơ̆ng Dak Lak hŏng lu phung blei yua ti ala tač êngao.

VOV4.Êđê- Lŏ dơ̆ng rŭ jing ƀuôn sang Đăk Hà ƀrư̆ hruê ƀrư̆ mdrŏng ktang, mrâo mrang, anak mnuih Đăk hà “Bi mguôp, hur har, mbruă, thâo khăp, thâo pap”; mkŏ mjing kdriêk mâo ênŭm hnơ̆ng čuăn krĭng ƀuôn sang mrâo ti thŭn 2025 – jing klei mñă mơ̆ng khua gĭt gai kdriêk Đăk Hà, čar Kon Tum hlăm knăm bi hdơr 30 thŭn hruê mkŏ mjing kdriêk (24/3/1994 - 24/3/2024) mrâo mkŏ mjing.

VOV4.Êđê- Să Ia Tôr, kdriêk Čư̆ Prŏng, čar Gia Lai jing să dleh dlan êdi, mâo lu mnuih ƀuôn sang djuê ƀiă hdĭp mda. Hlăm wưng êgao, bruă Đảng, bruă sang čư̆ êa lehanăn mnuih ƀuôn sang hlăm să bi hgŭm mguôp, pŏk ngă kjăp hdră mkŏ mkra krĭng ƀuôn sang mrâo, mơ̆ng anăn đru bi mlih klei thâo săng, jing tur kjăp kơ mnuih ƀuôn sang mđĭ kyar bruă duh mkra, mđĭ klei hdĭp. Hlăm hdră hruê anei, hmei lač kơ klei gĭr mkŏ mkra krĭng ƀuôn sang mrâo ti alu wăl anei.

VOV4.Êđê - Kdriêk knông lăn Ƀuôn Đon, čar Dak Lak bi lu jơr dŭm mta mnơ̆ng dhơ̆ng hiu čhưn ênguê, hlăm anăn mâo hiu čhưn ênguê mguôp hŏng lŏ hma, krĭng ƀuôn sang. Lu gru hmô hiu čhưn ênguê pla mjing lŏ hma dưi mkŏ mjing, ƀrư̆ mđĭ lar tŭ dưn, jing anôk truh iêô jak klei mđing dlăng tue hiu čhưn, đru mđĭ kyar bruă duh mkra krĭng ƀuôn sang.

VOV4.Êđê - Dŭm klei gĭr lehanăn dŭm hdră msir klei ư̆ êpa, bi hrŏ klei ƀun knap mơ̆ng čar Dak Nông ba wĭt leh boh tŭ dưn klă sĭt hlăm bruă anei. Hlăm 20 thŭn êgao, Dak Nông jing 1 hlăm 10 čar mâo ênoh hrŏ ƀun pral êdi mơ̆ng kluôm ala lehanăn ba akŏ krĭng Lăn dap kngư.

VOV4.Êđê- Kdriêk Phú Thiện jing alŭ wăl mâo lu mnuih djuê ƀiă, jing kdrăn mdiê prŏng hĭn mâo anăn knăl braih tal êlâo ti čar Gia Lai. Mphŭn mơ̆ng Hdră mphŭn 05 - NQ/HU thŭn 2012 mơ̆ng bruă Đảng kdriêk Phú Thiện, truh ară anei, leh êbeh 10 thŭn pŏk ngă mkŏ mjing anăn knăl mdiê braih, Phú Thiện mâo leh dŭm kdrăn lŏ prŏng, mkra mjing hŏng masin, ba klei trei mđao kơ mnuih ƀuôn sang ti dŭm boh ƀuôn.