VOV4.Êđê- Ayŏng Kpuih HMin (djuê ana Jarai) ti ƀuôn Anh, să Ia Bang, kdriêk Čư̆ Prông, čar Gia Lai jing sa hlăm 6 čô êdah êdi, bi ala kơ phung mda asei Gia Lai nao hlăm Klei bi kƀĭn phung êdam êra êdah êdi hlue ngă asăp Awa mtă kluôm ala tal VIII, thŭn 2025 mrâo êgao ti ƀuôn prŏng Hồ Chí Minh. Jing mnuih mă bruă Knơ̆ng bruă Ksu Čư̆ Prông, čar Gia Lai gĭr ktưn, jing leh Khua dlăng bruă Đảng hur har, mnuih mă bruă mbruă leh anăn jing gru mngač êdah êdi mơ̆ng phung êdam êra mnuih djuê ƀiă leh anăn hlue ngă asăp Awa mtă. Anei jing êdam êra bi hmô mnuih djuê ƀiă krĭng ƀuôn sang năng bi mni.

VOV4.Êđê- Čar Gia Lai hlăk dôk hlue ngă asăp mtrŭn mrô 12 mơ̆ng êpul khua kiă kriê bruă Đảng čar kơ bruă mkŏ mkra krĭng ƀuôn sang mrâo hlăm krĭng mnuih djuê ƀiă.

VOV4.Êđê - Dŭm mta mnơ̆ng hlăm Hdră grăp să sa mta mnơ̆ng dhơ̆ng OCOP hlăm wưng êgao dôk jing hdră mtrŭt mđĭ mnuih Việt Nam blei yua mnơ̆ng Việt Nam, mbĭt anăn mjing boh kdrŭt mtrŭt mđĭ bruă duh mkra mơ̆ng alŭ wăl. Leh êbeh 6 thŭn hluê ngă, hnơ̆ng tŭ jăk mnơ̆ng OCOP dưi mkra mđĭ, mơ̆ng klei ba yua kdrăp mrâo truh kơ hruh đŭng siam. Dŭm mta mnơ̆ng OCOP dưi ba yua lu hlăm wăl anôk mnia mblei hlăm ala čar, mâo mnuih blei yua đăo knang hrŏng ruah.

VOV4.Êđê- Bi leh bruă klam hlăm kdrăn bi blah, wĭt hlăm klei dhĭp aguah tlam, phung kahan hđăp ti kdriêk Čư̆ Kuin, čar Dak Lak ăt mđĭ ai tiê bi hmô, ba anăp đru ngă bruă duh mkra. Mđĭ lar knuih “lĭng kahan Awa Hồ”, diñu lŏ dơ̆ng bi êdah klei thâo hlăm klei mđĭ kyar bruă duh mkra, bi mdrŏng kơ gŏ sang leh anăn đru mkŏ mjing ƀuôn sang mdrŏng sah

VOV4.Êđê - 50 thŭn leh hruê kwar Dhŭng mtlaih êngiê, lŏ wĭt ti kdrăn bi blah Dưr Lăn Dap Kngư - Kon Tum ară anei amâo lŏ ƀuh gru knap mñai mơ̆ng klei blah ngă. Hlăm dŭm kdrăn mblah hlăk đưm msĕ si Măng Bút, Măng Đen, Đăk Tô- Tân Cảnh, êlan ktlah tlâo Duôr Čư̆ Prŏng… ară anei jing dŭm wăl mnuih ƀuôn sang dôk mdrŏng sah hŏng ana pla mjing, ana boh kroh, hiu čhưn ênguê hdră bruă mđĭ kyar. Hlăm klei mơak 50 thŭn hluh lir lăn čar, drei nai ti krĭn krŭ kdơ̆ng Đăk Ui, kdriêk Đăk Hà, čar Kon Tum, anôk mâo lu mnuih Sêdang hdĭp mda, dlăng klei bi mlih ti krĭng lăn anei.

VOV4.Êđê- Mơ̆ng krĭng lăn huâng leh klei bi blah, kyua bii mklă djŏ leh anăn mđĭ lar klei găl hiu čhưn ênguê, dap kngư Măng Đen, kdriêk Kon Plông, čar Kon Tum ară anei jing sa anôk phŭn hlăm klei hiu čhưn dlăng ti Lăn Dap Kngư liă lia mơ̆ng tue jĕ giăm taih kbưi. 50 thŭn leh hruê mtlaih êngiê, krĭng lăn hŏng kdrăn mblah ktang snăk Măng Bút, Măng Đen, hŏng 7 ênao 3 drei klei yăl dliê đưm, ară anei dôk ti anăp klei găl hing ang tơdah čar Quảng Ngãi leh anăn Kon Tum mâo gưl dlông gĭt gai bi mŭt.

VOV4.Êđê - Khădah mlan 3 – Mlan êdam êra jih leh, ƀiădah dŭm hdră mđing truh kơ êpul êya, hlăm anăn mâo hdră mkŏ mkra krĭng ƀuôn sang mrâo mơ̆ng Êpul êdam êra čar Lâm Đồng ăt dưi pŏk ngă, đru mđĭ lar bruă klam ba akŏ mơ̆ng phung êdam êra hlăm hdră mđĭ kyar bruă duh mkra – ala ƀuôn, bi mlih mrô.

VOV4.Êđê - Să Tà Nung, ƀuôn prŏng Đà Lạt, čar Lâm Đồng, sa alŭ wăl mâo lu mnuih ƀuôn sang hdĭp mda, hlăk bi mlih ktang hlăm bruă mkŏ mkra krĭng ƀuôn sang mrâo hnơ̆ng jăk, krĭng ƀuôn sang mrâo bi hmô. Hŏng klei hrăm mbĭt sa ai tiê mơ̆ng jih bruă kđi čar leh anăn ala ƀuôn, să mâo leh lu boh tŭ yuôm bhăn, đru mđĭ klei hdĭp mda mnơ̆ng dhơ̆ng leh anăn ai tiê mnuih ƀuôn sang.

VOV4.Êđê- 50 thŭn êgao leh, dŭm krĭng kđông kahan krŭ kdơ̆ng ti dŭm ƀuôn sang mnuih djuê ƀiă mơ̆ng čar Lâm Đồng mâo leh klei bi mlih hlăm grăp hruê. Dŭm krĭng lăn jhat rai kyua klei bi blah ngă, ară anei mâo leh klei bi mlih ktang phĭt, kpưn đĭ jing dŭm krĭng ƀuôn sang năng hdĭp hŏng lu klei čang hmăng mđĭ kyar.

VOV4.Êđê- Hlue ngă klei Khua knŭk kna gĭt gai kơ bruă lăm lui sang tĭ, ƀrôč, čar Dak Lak dôk pŏk ngă 4 hdră bruă kñăm đru mkŏ mjing sang dôk kơ gŏ êsei ƀun, giăm ƀun leh anăn kơ phung dleh dlan hlăm čar. Ară anei bruă sang čư̆ êa alŭ wăl leh anăn dŭm anôk bruă dôk kƀĭn gĭr bi leh bruă mdơ̆ng mrâo leh anăn mkra mđĭ 7312 boh sang êlâo kơ yan hjan, đru kơ dŭm gŏ sang mâo sang kjăp, hơĭt ai tiê hdĭp mda, mă bruă knuă.