VOV4.Êđê- Hŏng êbeh 95% gŏ êsei mnuih djuê ƀiă Bahnar hdĭp mda lu thŭn leh, ƀuôn Đăk Mông, să Đăk Rong, kdriêk Đăk Đoa, čar Gia jing sa hlăm dŭm boh ƀuôn êdah êdi hlăm klei hlue ngă Hdră kñăm mkŏ mkra krĭng ƀuôn sang mrâo. Mbĭt hŏng bruă sang čư̆ êa alŭ wăl, mnuih ƀuôn sang hlăm ƀuôn gĭr hlăm bruă mkra mjing, mjing boh tŭ mguôp hŏng klei răng kriê dhar kreh jăk siam čiăng đru kơ krĭng ƀuôn sang mrâo ƀrư̆ êdah êdi, mđing kơ sa ƀuôn krĭng ƀuôn sang mrâo bi hmô.

VOV4.Êđê- Ti čar Kon Tum, hŏng êbeh 54% ênoh mnuih ƀuôn sang djuê ƀiă, hlăm anăn 7 djuê ana hdĭp mda tinei jing: Sêdang, Jeh Triêng, Bahnar, Jrai, Rơ Măm leha năn Hrê, čar grăp knhuang mkŏ mjing leh dŭm mta mnơ̆ng dhơ̆ng hiu čhưn ênguê, ba yua mơ̆ng ênoh yuôm dhar kreh djuê ana đru kơ mnuih ƀuôn sang mđĭ prăk hrui wĭt grăp knhuang mđĭ klei hdĭp mda.

VOV4.Êđê- Hdră kñăm ala čar kơ klei mkŏ mkra krĭng ƀuôn sang mrâo mjing leh klei mlih mrâo jăk ti lu alŭ wăl čar Dak Lak. Mơ̆ng hdră anei, ƀô̆ mta krĭng ƀuôn sang ƀrư̆ mdrŏng sah, dhar kreh ai tiê dŭm djuê ana dưi răng kriê, mđĭ lar đru mkŏ mjing thiăm lu krĭng ƀuôn sang năng hdĭp. Ƀri gưl Têt hriê yan mnga truh, Hương Lý, pô čih klei mrâo ti Lăn Dap Kngư mâo gưl nao ti dŭm alŭ wăl čar Dak Lak čiăng klă hĭn kơ klei mlih mrâo anei.

VOV4.Êđê- Bi hmô tui hriăm bruă ba yua kdrăp mrâo leh anăn mtô kơ phung knuă druh, đảng viên leh anăn mnuih ƀuôn sang tui hriăm, hlue ngă. Anăn jing hdră phung khua dlăng bruă Đảng, bruă Đảng krĭng dleh dlan êdi ti Sơn La mkŏ mjing hŏng hdră ba yua kdrăp mrâo 4.0. Mơ̆ng anăn đru mguôp ba dŭm Hdră mtrŭn mơ̆ng Đảng hlăm klei hdĭp, hlăm anăn mâo hdră mtrŭn kơ klei mkŏ mkra krĭng ƀuôn sang mrâo. Gru hmô anei ti čar Sơn La năng dưi tui hriăm, lar bra.

VOV4.Êđê- Krĭng knông lăn să Ia Nan, kdriêk Đức Cơ, čar Gia Lai jing alŭ wăl dleh dlan, 100% jing mnuih djuê ƀiă hdĭp mda. Kyua bruă duh mkra dôk dleh dlan, klei thâo săng mơ̆ng mnuih ƀuôn sang dôk êdu kƀah snăn ktuê êlan nao sang hră mơ̆ng phung hđeh tinei dôk tuôm hŏng lu klei dlan dlan. Hlăm wưng êgao, dŭm gưl bruă sang čư̆ êa, êpul êya, boh nik êpul kahan răng mgang knông lăn bi hgŭm leh hŏng sang hră, ba mdah lu hdră msir čiăng mđĭ ai phung hđeh hriăm hră krĭng knông lăn gĭr nao sang hră.

VOV4.Êđê- Tŭ mă klei mrâo mrang kreh knhâo hdră mnêč, lu ƀĭng lŏ hma mnuih Dao ti să Čư̆ Suê, kdriêk Čư̆ Mgar, čar Dak Lak ƀrư̆ bi mlih klei mĭn pla mjing, bi hgŭm mkra mjing, thâo kơ anôk ba čhĭ, ƀrư̆ bi mlih mkra mjing mnơ̆ng dhơ̆ng čiăng mđĭ ênoh yuôm, ba klei tŭ dưn bruă duh mkra.

VOV4.Êđê - Hlăm klei bi kƀĭn mjêč tal 5, Bruă kƀĭn ala gưl 15, sa hlăm 4 boh phŭn yuôm bhăn mâo phung bi ala bi trông hră čih Hdră mtrŭn kơ dŭm klei bhiăn, hdră êlan mdê hjăn hlue ngă dŭm hdră kñăm ala čar. Phung bi ala bruă kƀĭn ala bi tŭ ư kơ klei bhiăn lông ngă mbha gưl hlăm kdriêk hlăm klei kriê dlăng leh anăn mkŏ mjing hlue ngă hdră kñăm ala čar; mbĭt anăn mtă mđĭ klei thâo yua prăk kơ phung knuă druh, boh nik ti gưl kdriêk čiăng hlue ngă dŭm hdră bruă điêt hlăm hdră bruă.

VOV4.Êđê - Hŏng hdră “Ti anôk čiăng tinăn mâo êdam êra, mâo ya bruă dleh tinăn ăt mâo êdam êra”, hlăm thŭn 2023, đoàn viên, êdam êra čar Gia Lai pŏk ngă leh lu bruă klă sĭt hlăm hdră mkŏ mkra krĭng ƀuôn sang mrâo. Mơ̆ng anăn, lŏ čih kač siam hĭn pŏk rup ao mtah ba anăp, mâo klẻi đua klam hŏng yang ƀuôn.

VOV4.Êđê- Jing mnuih Tày, amĭ kkiêng leh anăn hriê kơ prŏng ti ƀuôn sang Đông Khê čar Cao Bằng - anôk mâo brô̆ tính tẩu, ênhiang mmuiñ then jiă hma hlăm ai tiê klei mĭn, anăn wăt nao hdĭp mda ti krĭng ƀuôn sang mrâo dưn, Nông Văn Hưu (75 thŭn) ăt khăp kơ ênhiang mmuiñ djuê pô leh anăn jih ai tiê hŏng bruă si ngă čiăng răng kriê, mtô kơ klei hriăm anei kơ êpul êya anôk ñu hdĭp mda.

VOV4.Êđê - Thu\n 2023, mâo 3 sa\ bi mkla\ mko\ mkra kr^ng [uôn sang mrâo kdlưn h^n. Kha\dah ka mâo sa\ dưi mâo dja\p mta k`a\m mâo k]ah mtru\n, [ia\dah brua\ mko\ mkra kr^ng [uôn sang mrâo kdlưn h^n brei [uh leh boh tu\ dưn kla\ s^t, mkra mđ^ klei hd^p mnơ\ng dhơ\ng lehana\n ai tiê klei m^n kơ mnuih [uôn sang.