Snăn, wưng thŭn 2023-2025, kluôm čar ktưn lŏ dơ̆ng mâo truh 186 boh ƀuôn djăp ênoh čuăn krĭng ƀuôn sang mrâo. Ti kdriêk knông lăn Čư̆ Prông, 6 thŭn êgâo mâo iêo mkrum leh êbeh 600 êklai prăk mơ̆ng hdră bi mguôp lu hdră kơ bruă mkŏ mkra krĭng ƀuôn sang mrâo. Ƀuôn O Ngol, să Ia Vê jing sa hlăm dŭm êpul êya bi hmô, djăp ênoh čuăn krĭng ƀuôn sang mrâo gưl kdriêk.

Siu Huỳnh-khua bruă Đảng hlŏng jing khua ƀuôn  O Ngol brei thâo, ƀuôn mâo giăm 120 gŏ sang, hŏng giăm 500 čô mnuih, lu jing mnuih djuê ana Jarai. Kyua ngă jăk bruă mkŏ mkra krĭng ƀuôn sang mrâo, snăn klei hdĭp mda mnuih ƀuôn sang mâo leh klei bi mlih , lehanăn năng păn kjăp nanao dŭm ênoh čuăn leh mâo:

“Ƀuôn hmei dôk mkŏ mkra krĭng ƀuôn sang mrâo, djăp ênoh čuăn krĭng ƀuôn sang mrâo gưl kdriêk leh. Hŏng bruă klam jing khua bruă Đảng hlŏng jing khua ƀuôn, kâo mtrŭt mnuih ƀuôn sang gĭr bi kriê pioh dŭm boh tŭ dưn leh mâo. Mâo leh klei myun kyudah kdriêk čih yap lehanăn brei ngă anôk bi hmô kơ ƀuôn krĭng ƀuôn sang mrâo, jih jang mnuih ƀuôn sang brei mâo klei gĭr, bi mdoh êlan klông, war bưn, đang hma, êlan klông mngač siam. Boh nik hmei mkŏ mkra leh êlan klei pui mtrang mngač hlăm êlan klông hŏng 34 pŏk pil yang hrue. Hmei mơak tơdah mâo mah jiăng mơ̆ng anôk mkăn truh, jih jang bi mni kơ ƀuôn sang khuăt siam, doh mngač”./.