VOV.Jarai - Hrơi anai, Khua mua pơ ala mơnuih ƀon sang pơčrông sai čih pơkra glăi tơlơi phiăn pơpha brơi, pơyơr, pơtlep čơđeh asar, kian pruăi, hơtai boh kơ bruă pơjrao mơnuih. - Khua tơhan krên dên-Đại tướng Phan Văn Giang pel ĕp bruă pơkra ming, pơhrôp glăi dong Pơsat tơhan djai pơsăn drơi ƀơi Dốc Lim, tơring čar Thái Nguyên. - Grup tơhan K51 (tơring čar Dak Lăk) kuai rŭ 2 per tơlang tơhan ƀơi čar Kur. - Hơdôm boh tơring čar Lâm Đồng hăng Khánh Hòa pơtrut tañ bruă pơkra jơlan nao rai - Ră ruai kơ tơlơi pơhing glăk hơmâo ƀơi rơnuč, lăi nao anŏ yom mơ̆ng bruă čuk pơkra, pơdong plơi prong Buôn Ma Thuột truh pơ thun 2050, ngă hruaih brơi hơdôm anih dưi đĭ kyar phrâo.

VOV.Jarai - Hăng anŏ gêh găl hơmâo ia rơsĭ či mă akan, čơkă tuai hyu ngui pơ bul pơtâo plao ia rơsĭ hăng hơdôm bruă bơwih bơwang, Lâm Đồng hơmâo lu tơlơi gêh găl či đĭ kyar bơwih ƀong huă ia rơsĭ hăng lu bruă, pơplih tui rơnuk phrâo. Biă ñu, bruă pơmut hrŏm ia rơsĭ, glai hăng hăng dap kơdư tơdơi kơ pơmut hrŏm glăk pok rai lu anih či đĭ kyar dong. Ngă rơđah Hră pơtrun 20-NQ/TW kơ bruă akŏ pơjing hăng đĭ kyar Việt Nam jing dêh čar hơmâo ia rơsĭ kjăp kơtang, tơring čar Lâm Đồng anăp mă yua klă djŏp tơlơi hơmâo, pơlir đĭ kyar bơwih ƀong huă hăng pơgang kông ngăn, ayuh hyiăng.

VOV.Jarai-Čihpơhrua nao phrâo hơdôm tơlơi amăng Tơlơi phiăn Lơ̆n mơnai jing tơlơi mơnuih ruah khua hăng mơnuih ƀôn sang đing nao biă mă, boh nik ñu hơdôm bruă mă pơhrui glăi lơ̆n sang đang hmua, djru glăi bruă pơdong plơi phrâo hăng pơsit rơnoh apah yua lơ̆n. Ƀơi mông jơnum ƀing pơ ala mơnuih ƀôn sang dêh čar, lu khua mua pơ ala rơkâo pơsir hĭ tơlơi gun mơ̆ng bruă ngă hơmâo sit nik pơhlom anŏ tŭ yua lăp djơ̆ kơ mơnuih ƀôn sang, laih dơ̆ng ba yua klă lơ̆n mơnai bơwih brơi pơđĭ kyar ƀong huă-mơnuih mơnam.

VOV.Jarai - Mơ̆ng bruă ngă hmua kiăo tui tơlơi juăt ngă đôč, bruă ngă hmua ƀơi Dak Lăk ƀơ ƀrư̆ plih jing wai lăng tui hơnong pơkă mơ̆ng akŏ truh pơ tlôn, hơmâo gru mrô pơčrâo anih pla hăng thâo djŏp anih pơkra gơnam. Tơlơi pơplih anai ƀu kơnong kiăo tui anih sĭ mơdrô pơ tač rơngiao kiăng đôč ôh, ăt pơƀuh tơlơi kiăng phrâo hăng rim čô mơnuih ngă hmua: pơkra gơnam djơ̆ hơnong pơkă, čih pioh djŏp hăng glăm ba anŏ klă, hiam gơnam mơ̆ng đang hmua mơtăm.

VOV.Jarai - Duam đung drah glăk kơtang tui ƀơi Dak Lăk, mrô mơnuih ruă lu tui, hơmâo lu anih klin hơđuh đĭ phrâo. Hŭi rơhyưt klin kman lar hyu prong, anom bruă ia jrao glăk krăp lăng vec-tơ, pruih ia jrao pơgang anih hơmâo klin, hơmâo hơdră pơhlom pơgang ăt ka hăng pơjrao brơi klă hloh; laih dong pơtô lăi mơnuih ƀon sang anăm lăng tơdu ôh tơlơi ruă anai.

VOV.Jarai-Yua ngăn rơnoh mơng hơdôm jơlan hơdră hơnong pơkă dêh čar, ƀô̆ mơta kual mơnuih djuai ania ƀiă hăng čư̆ siăng tơring čar Khánh Hòa ƀơƀrư̆ pơplih tui. Mơng hơdôm ară jơlan hơmâo pơkra ming truh pơ hơdôm hơbô̆ bruă ngă hmua ba glăi pơhrui lu, pơlir hăng tuai čuă ngui amăng plơi pla, hơdôm hơdră bruă anai pơgôp ngă pơplih tơlơi hơdip, ba glăi tơlơi bơwih ƀong huă hăng pơtrut pran jua hrưn đĭ mơng mơnuih ƀôn sang.

VOV.Jarai - Jua čing hơgor amăng hơdôm boh plơi pla, hơdôm tơlơi adoh kual ia rơsĭ glăk hơmâo lu hlăk ai ƀơi Dak Lăk djă pioh, tŏ tui hăng bruă mă mơ̆ng hơdôm grup adoh suang amăng plơi. tơdơi kơ pơmut hrŏm tơring čar, hơdôm bruă pơbưp ngui ngor gru grua hơmâo pơphun, jing anŏ gêh găl kiăng hlăk ai djŏp kual pơƀuh anŏ hiam gru grua plơi pla, hrăm nao rai hăng jê̆ giăm hloh.

VOV.Jarai

VOV.Jarai

VOV.Jarai

VOV.Jarai

VOV.Jarai