Hlâo anun, amăng hrơi blung a jao tơhan pơphun ƀơi 30 boh tơring čar, ƀôn prong đơ đam dêh čar, hơdôm rơbăn čô hlăk ai hur har pran jua nao ngă tơhan, pơhlôm djop mơnuih, pơphun ba glăi tơhan pơ anih pơdong djơ̆ hrơi mông pơkă, pơhlôm  rơnuk rơnua. Thun anai ƀôn prong Hà Nội hơmâo 1.471 čô mơnuih čih anăn rơkâo nao ngă tơhan. Đại tá Đào Văn Nhận, Kơ-iăng khua anom bruă git gai hăng Khua anom pơphô bruă ling tơhan plơi prong jưh jom Hà Nội brơi thâo krĕp 8 mông mơguah, mông ngă lơphet jao tơhan pơphun ha wŏt ƀơi 30 kuận, tơring glông amăng ƀôn prong Hà Nội. Ră anai 3.700 čô mơnuih nao ngă ling tơhan hăng 794 čô amra ngă tơhan kông ang glăk prap lui nao pơ puih kơđông tơhan.

Ƀơi Thanh Hóa, mah ayuh hyiăng rơ-ŏt hăng hơmâo hơjan samơ̆ huăi bơdjơ̆ nao hrơi mông hur har nao ngă tơhan mơng rơbêh 3.650 čô hlăk ai. Hơdôm boh ƀon lan hơmâo prap lui klă hloh hơdôm tơlơi gal, anŏ kiăng pơhlôm brơi mông jao tơhan hur har mơ-ak, pơsur pran nao ƀing tơhan phrâo nao ngă bruă jao.