VOV.Xơ Đăng - Mâu tơdroăng nếo ai tung tơnêi têa pin kô ai tơdroăng kal xiâm tiah kô: -Hâi kố Kuô̆k hô̆i hôp tơpui a hngêi hôp kân ‘na tơdroăng ‘mâi rơnêu luât pleăng, pơklêp mô, klêa kliâm. -Đăi tươ̆ng Phan Văn Giang séa ngăn tơdroăng ‘mâi rơnêi, pro ilâng kiâ mố đô̆i hlâ ai hnoăng Dốc Lim, kong pơlê Thái Nguyên. -Đô̆i K51 (kong pơlê Dak Lak) chiâ xo 2 kơxêng kiâ mố đô̆i hlâ a kong têa Kul. -Mâu kong pơlê Lâm Đồng ƀă Khánh hòa mơdêk rĕng pêi pro mâu tơdroăng tơkêa bro troăng prôk. -Hơ’muăn tơdroăng nếo ai” peăng mơ‘nui tối ‘na tơdroăng ki kal dêi tơdroăng pơkâ hdró Buôn Ma Thuột troh hơnăm 2050, po troăng mơnhông tơƀrê nếo.

VOV.Xơ Đăng - Hâi lơ 1/11, pôa Phan Văn Giang, Ngế cheăng tung tíu xiâm Kal kí - Phŏ ngế pro xiâm hnê ngăn tơnêi têa Ngế xiâm pơkuâ ngăn lêng, hiăng têk nhang tâp tơbâ kơmâu ngế hlâ xua tơplâ Khên tơnôu ƀă tí tăng ngăn ‘na pêi pro tơdroăng Tơkêa bro ‘mâi rơ nêu, pro ilâng kiâ mơngế hlâ ai hnoăng Dốc Lim, bêng Quyết  Thắng, kong pơlê Thái Nguyên.

VOV.Xơ Đăng - ‘Mâi rơnêu luât Tơnêi tíu cho tơdroăng châ kuăn pơlê tơmâng khât ‘nâng, malối mâu pơkâ ‘na xo tơvêh tơnêi, chêl thiăn , kơjo gum, pơtối pro pơlê nếo ƀă pơkâ yă tơnêi. A rôh hôp má péa, Kuô̆k hô̆i hneăng 16, hên mâu kăn hiăng pơkâ thế tăng troăng hơlâ tah ki tơvâ tơvân, pro tơniăn hnoăng pơxúa tơxâng dêi kuăn pơlê, hlối pêi ai pơxúa tơnêi ki mê vâ mơnhông cheăng kâ - rêh ối pơlê pơla.

VOV.Xơ Đăng - Sap ing túa pêt ki hmâ tiô tơdroăng ki tơná rơkê, pêi chiâk deăng a Dak Lak dế rế hía rế pơhlêh chiâng pơkuâ ngăn tiô pơkâ, krâ mah kơxô̆ kơpong pêt ƀă hlá mơ-éa tăng ‘nâi xiâm kối. Tơdroăng ki pơhlêh kố ôh tá xê to pêi châ tiô tơdroăng púi vâ dêi kơchơ kong têa ê mê ối pơkâ tơdroăng ki nếo ƀă kuăn pơlê pêi chiâk; pêt tro pơkâ, chêh ‘mot tŭm mâu tơdroăng tung điê̆n tưh ƀă chiu pôu râng dêi hnoăng ‘na ki dâi lĕm dêi tơmeăm pêi lo ing chiâk deăng sap ing kơdrum. Ngế chêh hlá tơbeăng ai chêh tối ‘na tơdroăng mê.

VOV.Xơ Đăng - Tơngê lo mơheăm dế xông tâ tú rơ-iêo a Dak Lak, kơxô̆ mơngế tâ tú pơtối tâk hên ƀă hên tíu hlo uân tâ tú nếo tung pơlê pơla. Hlo tơdroăng ki pơreăng tâ hên tung lâp lu, kơvâ ngăn pơkeăng pơlât dế thăm mơdêk séa ngăn vector, xôh pơkeăng a mâu tíu ki ai pơreăng, mơdêk rơdêi mâu troăng hơlâ hbrâ mơdât xuân môi tiah thăm mơnhông cheăng pơlât; hlối tơbleăng ăm kuăn pơlê pôi tá tơngôu drêng hlo ai pơreăng kố.

VOV.Xơ Đăng - Pơ’lêh hdrê loăng pêt, xúa kih thuât ƀă hbrâ mơnhông cheăng kâ dế kum kuăn pơlê kuăn ngo a Lâm Đồng mơdêk pê lo liăn, chôa lâng hluăn kơtiê. Tơdrêng ƀă kơxô̆ liăn ing mâu tơdroăng pơkâ dêi tơnêi têa, ki pơ’lêh tuăn tơmiât tung pêi cheăng, hriăn tăng túa cheăng kâ ki pơxúa dêi kuăn pơlê vâ kơdroh kơtiê krá ton.

VOV.Xơ Đăng - Ƀă mơngế Jarai, báu ôh tá xê to păn roăng, rak ngăn, chĕm mơ’drêh kuăn mơngế mê ối rơtế ƀă tơdroăng loi tĭng, khôi túa ƀă tuăn mơno tơrŭm tơrôa tung pơlê pơla. Klêi kơ'nâi rêm rơnó pôe báu, tĭng kâ báu nếo châ tơkŭm po vâ koh mơnê kơ khu xeăng, hâk mơnê tơdroăng pêi cheăng ƀă pói vâ tơdroăng rêh kâ ối phâi tơtô. Hâi lơ 24 khế 10 pơla kố nah, a ƀuôn Mrơn, cheăm Ia Pa, kong pơlê Gia Lai, tơdroăng tĭng kố châ vêh po, po rơdâ tíu vâ mâu tơdroăng ki kơnía git dêi mơngế Jarai pơtối châ rak vế tung tơdroăng rêh ối.

VOV.Xơ Đăng

VOV.Xơ Đăng

VOV.Xơ Đăng

VOV.Xơ Đăng - Tơdroăng xối kiâ Tăm Grăn Dhŏng dêi hdroâng Rơđế hơ'muăn 'na môi ngế rơtăm kơhnâ, khên tơnôu ƀă ai hiâm mơno lĕm. Ngoh hiăng tơkâ luâ hên tơdroăng pá puât, pơloăng mơnúa, kơdê khu kiâ ‘mêi, tŏng kum ngế droh ki lĕm… djâ ăm tơdroăng rêh ối phâi tơtô, hơniâp ro ăm rơpŏng hngêi ƀă pơlê pơla.

VOV.Xơ Đăng - Rơnó krí kơphế dế vâ chê troh, xua mê, hbrâ rơnáu rak ngăn dêi kơdrum loăng plâi hdrối vâ krí cho tơdroăng pêi pro ki kal vâ rak tơmeăm pêi lo dêi rơpŏng hngêi. Tơdroăng pro pơro "Rak krâu rơnó krí kơphế" mơhno tối mâu túa ki rơkê tơtro, vâ vâi krâ nhŏng o rơtế thăm hlê plĕng rak ngăn dêi kơdrum deăng, veăng kum rak vế tơdroăng ki phiu ro a rơnó krí kơphế.