VOV.Xơ Đăng –  Festival Têa kơxĭ Khánh Hòa hơnăm 2027 tiố tối hdrối pơhlêh nếo troăng tơkŭm po, ton đi đo pŭn rơnó tung hơnăm kố, teăng po tơkŭm tung to lâi hâi dêi rơnó tô môi tiah hdrối.

VOV.Xơ Đăng - Hên kơpong pơlê xiâm Dak Lak, maluâ tơdroăng rêh ối hiăng hơ'lêh ƀă hên hĕng hơpiâp on gas, hơpiâp on tơhrik. Laga a hên rơpŏng hngêi, hơpiâp on ton nah xuân ối rak ƀă ngôi on, hơpiâp on xuân  ối châ ‘mâi rêm kơhâi dế - kơxê, rak mơhúa pơlê xiâm hơniâp ro, rak rơpŏng hngêi tơtô lĕm.

VOV.Xơ Đăng - Ƀă inâi “Đà Lạt – Túa ki lĕm dêi mơngiơk reăng ƀă tơdrá proâ”, Festival Reăng Đà Lạt rôh má XI, hơnăm 2026 tiô tối po sap ing hâi lơ 19 troh 31/12.

VOV.Xơ Đăng - Sap ing hâi kố lơ 20/10, Rơ’jíu Việt Nam mơ’no mơnúa ƀâng idrâp tơdrá nhak ki phá tơ-ê VOV Sonata FM 89 ƀâng idrâp tơdrá, châ mơjiâng inhên Tơdroăng pơkâ kơxô̆ 80 dêi Khu xiâm kal kí ‘na mơnhông khôi túa lĕm tro Việt Nam ƀă mơnhên troăng prôk la ngiâ hên tơmeăm mơ’no dêi Rơ’jíu Việt Nam.

VOV.Xơ Đăng - Tung dế kong ngo Dơng K'Nơh, cheăm Dam Rông 4, kong pơlê Lâm Đồng, idrâp drê, chăng pâ phêa, rơchiâ, idrâp hơkê mơjế tơlêa chuât chôa ‘lâng a péa pâ kơpeăng kŏng ki kơhnâ rơkê dêi pôa Rơ Ông Ha Bông. Ing tơmeăm khoăng ki achê ƀă kong kế, ngo ngối, ngế ki tĕn mơjiâng chiâng mâu pong, chêa ki xúa rêh kâ ối, tung pêi chiâk pêi deăng ƀă rak vế môi tơdroăng cheăng tiô khôi hmâ vâi krâ roh nah ki hiăng ối ƀă pơlê pơla ing hên rơxông kuăn mơngế.

VOV.Xơ Đăng - Koh hâk tơbâ 96 hơnăm Hâi mơjiâng Khu pơkuâ kuăn pơlê pêi chiâk deăng Việt Nam, Khu pơkuâ ngăn tơdroăng tơrŭm vâi kơdrâi Việt Nam ƀă Hâi vâi kơdrâi Việt Nam (20/10), kong pơlê Dak Lak tơkŭm po Măng tĭng mơđah ếo xŏn ƀă ếo pơtâk hdroâng kuăn ngo ƀă dó inâi "Mơngiơk Dak Lak - Tơkŭm ƀă lân rơdâ troh lâp lu". Xuân a Ƀuôn Ma Thuột ối po mơđah tơbleăng "Prế Kơpong kong ngo", mâu um ki achê tung tơdroăng rêh ối dêi kuăn pơlê ƀă hngêi trá xŏn, cheăng pro tơmeăm ƀă tơnêi hneăn, túa tĕn hmôu jiâ, êó pơtâk châ mâu ngế kơchuâ um mơhno ƀă chêh bro um ki lĕm mơnâ mâ ngăn.

VOV.Xơ Đăng - Chin phuh pơkâ ôh tá êa kal theh visa ăm tơmối kong têa Sinuâ lăm ôm hyô tiô khu troh a Khánh Hòa ing tơraih tơƀai lâp plâi tơnêi Cam Ranh troh tâi hơnăm 2027.

VOV.Xơ Đăng - A Plông kân Đông Kinh Nghĩa Thục a Pơlê kong xiâm Hà Nội, Khu xiâm pơkuâ khôi túa lĕm tro, Tơ’noăng ivá ƀă Ôm hyô tơkŭm po Leh mơhnhôk tơdroăng ‘’Rêm ngế kuăn pơlê rah xo ki vâ iâ má môi, môi môn pơtâp ivá tơtro vâ pơtâp đi đo”.

VOV.Xơ Đăng - Ing mâu klŏng phêa, pơ-óu ki hmâ trâm hlo tung kong kế, ngo ngối, Nghệ nhân Ưu tú A Bang, mơngế Rơteăng ối a thôn Đăk Tô 3, cheăm Đăk Tô, kong pơlê Quảng Ngãi, hiăng chiâng pro mâu prôa ki ai idrâp chuât dêi kong ngo Tây Nguyên. Ki rơhêng vâ tối, pôa ôh tá xê to ‘nâi rak vế hnoăng cheăng pro mơjiâng mâu prôa mê ối hnê tơdroăng ki hâk vâ ƀă túa ki tơmâng idrâp chuât tiô khôi hmâ vâi krâ nah ăm rơxông ối nếo.

VOV.Xơ Đăng - Pơlê Tuyết Diêm, cheăm Xuân Cảnh, kong pơlê Dak Lak châ mơjiâng sap ing apoăng chal 19 ƀă ối ta troh nôkố. Hluâ vâ chê 200 hơnăm, kuăn pơlê akố xuân ối rak vế dêi tơdroăng cheăng pro xik tiô khôi vâi krâ nah. Ƀă troh a khế 8 âm lĭt rêm hơnăm, kuăn pơlê vêh troh a pơlê vâ tơkŭm po Tĭng mơnê kơ mâu xeăng hiăng gum tung pêi cheăng kâ ƀă hlối xối tơbâ hâi mơjiâng tơdroăng cheăng pro po. Kố cho khôi túa lĕm tro pơlê pơla ki lĕm tơviah, châ rak vế ƀă pơtối hnê ăm hên rơxông kơ’nâi ƀă cho tíu ki tơrŭm dêi rơpó tung pơlê pơla.